പത്താം ക്ലാസില്‍ പരീക്ഷയെഴുതാനെത്തിയപ്പോള്‍ അവിടെ വച്ച് പരിചയപ്പെട്ടു, ആ പരിചയം പ്രണമായി , ഒടുവില്‍ മാംഗല്യം... മഹിളാമന്ദിരത്തിലെ അന്തേവാസി പാര്‍വതിയെ ജീവിത സഖിയാക്കി റോയ്സണ്... കൈ പിടിച്ച് നല്‍കിയത് ജില്ലാ കളക്ടര്‍..
പത്താം ക്ലാസില്‍ പരീക്ഷയെഴുതാനെത്തിയപ്പോള്‍ അവിടെ വച്ച് പരിചയപ്പെട്ടു, ആ പരിചയം പ്രണമായി , ഒടുവില്‍ മാംഗല്യം... മഹിളാമന്ദിരത്തിലെ അന്തേവാസി പാര്‍വതിയെ ജീവിത സഖിയാക്കി റോയ്സണ്... കൈ പിടിച്ച് നല്‍കിയത് ജില്ലാ കളക്ടര്‍..
വധുവിന്റെ അമ്മയുടെ സ്ഥാനത്ത് മഹിളാമന്ദിരം സൂപ്രണ്ട് പി.എസ്. ഉഷ, കൈ പിടിച്ച് നല്‍കാന്‍ ജില്ലാ കളക്ടര്‍ ഹരിത വി.കുമാര്‍, ബൊക്കെ കൈമാറിയത് ഡെപ്യൂട്ടി മേയര്‍ രാജശ്രീ ഗോപന്‍, വിവാഹമോതിരം കൈമാറിയത് മേയര്‍ എം.കെ. വര്‍ഗീസ്, വരണമാല്യം എടുത്തുനല്‍കിയത് പി. ബാലചന്ദ്രന്‍ എം.എല്‍.എ., അനുഗ്രഹവുമായി കോര്‍പ്പറേഷന്‍ ക്ഷേമകാര്യ സ്ഥിരം സമിതി അധ്യക്ഷ ലാലി ജെയിംസ്... രാമവര്‍മപുരത്തെ മഹിളാ മന്ദിരത്തില്‍ ഇന്നലെ നടന്നത് വിശിഷ്ടമായ ഒരു പ്രണയവിവാഹമായിരുന്നു.
മന്ദിരത്തിലെ അന്തേവാസി പാര്‍വതിയെ ലാലൂര്‍ മനയ്ക്കപ്പറമ്പില്‍ റോയ്സണ് ആണ് ജീവിത സഖിയാക്കിയത്. വനിതാ സംരക്ഷണ ഓഫീസര്‍ എസ്. ലേഖയും വനിതാ ശിശു വികസന ജില്ലാ ഓഫീസര്‍ പി. മീരയും ചേര്‍ന്ന് കൈമാറിയ സിന്ദൂരം റോയ്സണ് പാര്‍വതിയുടെ നെറുകയില്‍ ചാര്‍ത്തി.
എല്‍ ആന്‍ഡ് ടി കണ്‍സ്ട്രക്ഷന്‍ കമ്പനിയിലെ ജീവനക്കാരനാണ് റോയ്സണ്. പാര്‍വതി തൃശ്ശൂരിലെ മോഡല്‍ ബോയ്സ് സ്‌കൂളില്‍ പത്തില്‍ പഠിക്കുമ്പോള്‍ അവിടെ പരീക്ഷയെഴുതാനെത്തിയതായിരുന്നു റോയ്സണ്. അവിടെ വെച്ച് പരിചയപ്പെട്ടു. ആ പരിചയം പ്രണയമായി മാറി. മഹിളാ മന്ദിരം അധികൃതരുടെ സമ്മതം തേടി റോയ്സന്റെ കുടുംബക്കാരെത്തി. അത് വിവാഹത്തിലേക്കും എത്തി.
യുവ എഴുത്തുകാരി ദീപ ജയരാജ് എഴുതിയ 'മാംസനിബദ്ധമല്ല രാഗം' എന്ന നോവല്‍ വധൂവരന്‍മാര്‍ക്ക് കൈമാറി പ്രകാശനം ചെയ്തു. വ്യാഴാഴ്ച ജില്ലാ രജിസ്ട്രാര്‍ ഓഫീസില്‍ വിവാഹ രജിസ്ട്രേഷന്‍ കഴിഞ്ഞു.
"
https://www.facebook.com/Malayalivartha
