അട്ടപ്പാടി മധു വധക്കേസില്‍ ഒരു സാക്ഷി കൂടി കൂറുമാറി... കേസിലെ 16ാം സാക്ഷിയാണ് കൂറുമാറിയത്, കൂറുമാറിയ സാക്ഷികളുടെ എണ്ണം ആറായി

അട്ടപ്പാടി മധു വധക്കേസില്‍ ഒരു സാക്ഷി കൂടി കൂറുമാറി. കേസിലെ 16ാം സാക്ഷിയാണ് കൂറുമാറിയത്. ഇതോടെ കൂറുമാറിയ സാക്ഷികളുടെ എണ്ണം ആറായി. വനം വകുപ്പ് വാച്ചര്‍ റസാഖ് ആണ് കോടതിയില്‍ മൊഴിമാറ്റിയത്. സാക്ഷികളെ പ്രതിഭാഗം സ്വാധീനിക്കുന്നതായി മധുവിന്റെ കുടുംബം ആരോപിച്ചിരുന്നു.

വ്യാഴാഴ്ച പ്രോസിക്യൂഷന്‍ സാക്ഷിയായ മെഹറുന്നീസയും കൂറുമാറിയിരുന്നു. നേരത്തേ 10,11,12,14 സാക്ഷികള്‍ കൂറുമാറിയിരുന്നു. ഇവരും രഹസ്യ മൊഴി നല്‍കിയവരാണ്. 13ാം സാക്ഷി സുരേഷ് ആശുപത്രിയിലാണ് അതിനാല്‍ കേസിലെ വിസ്താരം പിന്നീട് നടക്കും.

വിസ്താരത്തിനിടെ മൊഴിമാറ്റിയ മുക്കാലി ഫോറസ്റ്റ് സ്റ്റേഷനിലെ വാച്ചറായിരുന്ന 12ാം സാക്ഷി അനില്‍കുമാറിനെ ജോലിയില്‍ നിന്ന് പിരിച്ചു വിട്ടിരുന്നു.

2018 ഫെബ്രുവരി 22നാണ് ഒരു സംഘം ആക്രമികള്‍ മധുവിനെ തല്ലിക്കൊന്നത്. ജൂണ്‍ എട്ടിന് കേസില്‍ വിചാരണ ആരംഭിച്ചു. പിന്നാലെ രണ്ട് പ്രധാന സാക്ഷികള്‍ കൂറുമാറി. പ്രോസിക്യൂഷന്റെ വീഴ്ചയാണ് കൂറുമാറ്റത്തിന് പിന്നിലെന്നാണ് മധുവിന്റെ കുടുംബത്തിന്റെ ആരോപണം.