ബൊമ്മിയായി കസറി : ദേശീയ പുരസ്കാരത്തിൽ മികച്ച നടിയായി അപർണ ബാലമുരളി, സൂര്യ നടൻ, ബിജു മേനോൻ സ്വഭാവ നടൻ,മികച്ച സംവിധായകന്‍ സച്ചി ,മികച്ച ഗായികയ്ക്കുളള പുരസ്‌ക്കാരം നഞ്ചിയമ്മയ്ക്ക്,മലയാള സിനിമയ്ക് അഭിമാന നിമിഷം
അറുപത്തിയെട്ടാമത് ദേശീയ ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. ജൂലൈ 22 വൈകുന്നേരം നാല് മണിയ്ക്കാണ് ചടങ്ങുകള്‍ ആരംഭിച്ചത്. കൊവിഡ് 19 കാരണം കഴിഞ്ഞ വര്‍ഷങ്ങളില്‍ പുരസ്‌കാരങ്ങള്‍ നല്‍കിയിരുന്നില്ല. 2020 ലെ സിനിമകള്‍ക്കുള്ള അംഗീകാരമാണ് ഇത്തവ നല്‍കുന്നത്. അഞ്ച് വിഭാഗങ്ങളിലാണ് ഇത്തവണ പുരസ്‌കാരങ്ങള്‍ പ്രഖ്യാപിച്ചത്.
മികച്ച നടനും നടിയും ആരാണെന്ന് അറിയാനുള്ള ആകാംഷയിലായിരുന്നു പ്രേക്ഷകര്‍. മലയാളത്തില്‍ നിന്നും നടി അപര്‍ണ ബാലമുരൡയുടെ അടക്കം പേരുകള്‍ പരാമര്‍ശിക്കപ്പെട്ടതിനാല്‍ സിനിമാലോകം പ്രതീക്ഷയിലായി. ഒടുവില്‍ മികച്ച നടിയായി അപര്‍ണ തിരഞ്ഞെടുക്കപ്പെട്ടിരിക്കുകയാണ്.
2020 ചലച്ചിത്ര പുരസ്‌കാരത്തില്‍ മികച്ച നടിക്കുളള പുരസ്‌കാരം അപര്‍ണ ബാലമുരളിയ്ക്ക് സുരൈ പ്രോട് എന്ന സിനിമയിലെ പ്രകടനമാണ് അപര്‍ണയ്ക്ക് ഈ അംഗീകാരം നേടി കൊടുത്തത്. ഇതേ സിനിമയിലെ നായക വേഷത്തിലൂടെ മികച്ച നടനുളള പുരസ്‌ക്കാരം സൂര്യയ്ക്ക് ലഭിച്ചു. സൂര്യയുടെ കൂടെ ബോളിവുഡ് നടന്‍ അജയ് ദേവ്ഗണും മികച്ച നടനായി തിരഞ്ഞെടുക്കപ്പെട്ടിരിക്കുകയാണ്.
മികച്ച സഹനടനുളള പുരസ്‌ക്കാരം ബിജു മേനോന്. അയ്യപ്പനും കോശിയും എന്ന ചിത്രത്തിലെ അഭിനയമാണ് ബിജു മേനോന് അംഗീകാരം നേടി കൊടുത്തത്. അതേ സമയം മലയാളത്തില്‍ ഏറ്റവും കൂടുതല്‍ പുരസ്‌കാരങ്ങള്‍ നേടിയ സിനിമയായി അയ്യപ്പനും കോശിയും മാറി.
- മികച്ച സംവിധായകന്‍ സച്ചി ( അയ്യപ്പനും കോശിയും)
- മികച്ച ആക്ഷന്‍ ഡയറക്ഷനുള്ള പുരസ്‌കാരം അയ്യപ്പനും കോശിയ്ക്കും. രാജശേഖര്‍, മാഫിയ ശശി, സുപ്രീം സുന്ദര്‍ എന്നിവര്‍ക്കാണ് അംഗീകാരം.
- മധ്യപ്രദേശ് മികച്ച ചലച്ചിത്ര സൗഹൃദ സംസ്ഥാനം,
- മികച്ച സിനിമാ പുസ്തകം: അനൂപ് രാമകൃഷ്ണന്‍ (എംടി; അനുഭവങ്ങളുടെ പുസ്തകം),
- കാവ്യ പ്രകാശ് സംവിധാനം ചെയ്ത വാങ്കിന് സ്പെഷ്യല്‍ ജൂറി പരാമര്‍ശം ലഭിച്ചു.
- മികച്ച മലയാള സിനിമ തിങ്കളാഴ്ച നിശ്ചയം.
- മികച്ച സംഗീത സംവിധായകന്‍- എസ് തമന്‍
- മികച്ച ഗായികയ്ക്കുളള പുരസ്‌ക്കാരം നഞ്ചിയമ്മയ്ക്ക്. അയ്യപ്പനും കോശിയിലെ ഗാനത്തിനാണ് അംഗീകാരം.
https://www.facebook.com/Malayalivartha
