കോഴിക്കോട് ഫറോക്ക് നല്ലൂരങ്ങാടിയില്‍ ബൈക്ക് അപകടത്തില്‍ യുവാവിന് ദാരുണാന്ത്യം. കല്ലംപാറ ചിറ്റൊടി മച്ചിങ്ങല്‍ ഷെറിന്‍ (37) ആണ് മരിച്ചത്. ബൈക്കില്‍ ഒപ്പുണ്ടായ ഉമ്മ സുബൈദയെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.

ഇന്നലെ രാത്രി 10.45നായിരുന്നു അപകടം നടന്നത്. റോഡ് മുറിച്ചു കടന്ന കാല്‍നട യാത്രക്കാരനെ വാഹനമിടിക്കാതെ രക്ഷിക്കാനായി ശ്രമിക്കുന്നതിനിടെയാണ് അപകടം. മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന ഷെറില്‍ ഇന്നു രാവിലെ ഏഴിനാണ് മരിച്ചത്.