തൃശൂരിൽ മദ്യപിച്ച് ബസോടിച്ച ഡ്രൈവർമാരെ പിടികൂടി. സംഭവത്തിൽ ബസോടിച്ച ഏഴ് ഡ്രൈവർമാർ ആണ് പിടിയിലായത്. ടൗണിൽ പൊലീസ് നടത്തിയ മിന്നൽ പരിശോധനയിലാണ് ഇവരെ പിടികൂടിയത്. രാവിലെ ആറു മണിക്ക് ആരംഭിച്ച പരിശോധന ഏഴര വരെ നീണ്ടു നിന്നു.

അതേസമയം ഡ്രൈവർമാർ മദ്യപിച്ചെന്ന് കണ്ടെത്തിയതോടെ, ഏഴ് സ്വകാര്യ ബസുകളും പൊലീസിടപെട്ട് പിടിച്ചിട്ടു. തൃശൂർ ഈസ്റ്റ് പൊലീസാണ് ഇവരെ പിടികൂടിയത്. ശക്തൻ, വടക്കേ സ്റ്റാൻഡുകളിലാണ് പരിശോധന നടത്തിയത്.

മാത്രമല്ല ജയ്ഗുരു, എടക്കളത്തൂർ, ഹോളി മരിയ, ഭരത്, ശ്രീറാം ട്രാവൽസ്, കൃപാൽ, മൗനം എന്നീ സ്വകാര്യ ബസുകളാണ് പിടിച്ചിട്ടത്. കൂടാതെ മദ്യപിച്ച് ജോലി ചെയ്തിരുന്ന അഞ്ച് കണ്ടക്ടർമാരും കസ്റ്റഡിയിലായി. മദ്യപിച്ച് വാഹനമോടിച്ച ഡ്രൈവർമാർക്കെതിരെ കേസ് രജിസ്റ്റർ ചെയ്യുമെന്ന് പൊലീസ് അറിയിച്ചു.