കളറിങ് പെൻസിൽ വിഴുങ്ങിയ വിദ്യാർഥിയെ രക്ഷിച്ചത് അധ്യാപകർ. ചേലേമ്പ്ര പുല്ലിപ്പറമ്പ് എസ്‌വിഎയുപി സ്കൂളിലെ ഒന്നാം ക്ലാസ് വിദ്യാർഥി പ്രണവ് (6) ആണ് കളറിങ് പെൻസിൽ വിഴുങ്ങിയത്. കുട്ടിയെ ആശുപത്രിയിലേക്ക് കൊണ്ടും പോകും വഴി നിരവധി കാര്യങ്ങൾ ചെയ്ത് അധ്യാപകർ ജീവൻ രക്ഷിച്ചു.

പെൻസിൽ വിഴുങ്ങി ചുമച്ച് അവശനായ വിദ്യാർഥിയെ നെഞ്ചിൽ അമർത്തിയും കൃത്രിമശ്വാസം നൽകിയുമാണ് ആശുപത്രിയിലെത്തിച്ചത്. ഇതാണ് കുട്ടിയുടെ ജീവൻ രക്ഷിക്കാൻ സഹായകമായത്. എൻഡോസ്കോപ്പി വഴി വിദ്യാർഥിയുടെ വയറ്റിൽ നിന്ന് പെൻസിൽ പുറത്തെടുത്തു. തീവ്രപരിചരണ വിഭാഗത്തിലുള്ള കുട്ടി അപകട നില തരണം ചെയ്തു.

കഴിഞ്ഞ ദിവസം സ്കൂൾ വിടാറായപ്പോൾ പ്രണവ് നിലയ്ക്കാതെ ചുമയ്ക്കുന്നുണ്ടായിരുന്നു. അധ്യാപിക കെ.ഷിബിയാണ് ഇത് കണ്ടത്. കുട്ടിയുടെ പോക്കറ്റിൽ കളറിങ് പെൻസിലിന്റെ ഒരുഭാഗം കണ്ടു. ഇതോടെ കുട്ടി ബാക്കി വിഴുങ്ങിയയെന്ന് മനസ്സിലായി. ഉടൻ കൃത്രിമശ്വാസം കുട്ടിക്ക് നൽകി.

സ്കൂളിലെ അധ്യാപകനായ സുധീറിന്റെ വാഹനത്തിൽ ഒന്നര കിലോമീറ്റർ അകലെയുള്ള കല്ലമ്പാറയിലെ സ്വകാര്യ ആശുപത്രിയിലെത്തിക്കുകയും ചെയ്തു പ്രഥമ ശുശ്രൂഷ നൽകിയിട്ട് കോഴിക്കോട്ടെ സ്വകാര്യ ആശുപത്രിയിലേക്കു മാറ്റുകയായിരുന്നു . അധ്യാപകരായി ഷിബി, കെ.എ.ജിനി, സ്കൂൾ ജീവനക്കാരൻ ടി.താരാനാഥ്, ബിനോയ് എന്നിവർ കുട്ടിക്ക് കൃത്രിമശ്വാസം നൽകി കൊണ്ടേയിരുന്നു .

മാത്രമല്ല വിദ്യാർഥിയുടെ ചികിത്സാ ചെലവിന്റെ ഒരു ഭാഗം പ്രധാനാധ്യാപകൻ കെ.പി.മുഹമ്മദ് ഷമീമിന്റെ നേതൃത്വത്തിൽ സ്കൂളിൽ നിന്നു സമാഹരിച്ചിരിക്കുകയാണ്. എന്തായാലും കുഞ്ഞ് കുട്ടികളെഎല്ലാവരും ശ്രദ്ധിക്കുക എന്നതാണ് ഈ സംഭവത്തിലൂടെ മനസിലാക്കാൻ സാധിക്കുന്നത്. കോഴിക്കോട് സ്വകാര്യ ആശുപത്രിയിൽ ചികിത്സയിലാണ് കുട്ടി ഇപ്പോൾ ഉള്ളത്.