ഇഡിയുടെ വിശാല അധികാരം ശരിവെച്ച സുപ്രീം കോടതി ഉത്തരവിനെതിരായ പുനഃപരിശോധനാ ഹര്ജി സുപ്രീം കോടതി ഇന്ന് തുറന്ന കോടതിയില് വാദം കേള്ക്കും
ഇഡിയുടെ വിശാല അധികാരം ശരിവെച്ച സുപ്രീം കോടതി ഉത്തരവിനെതിരായ പുനഃപരിശോധനാ ഹര്ജി സുപ്രീം കോടതി ഇന്ന് തുറന്ന കോടതിയില് വാദം കേള്ക്കും.
കോണ്ഗ്രസ് നേതാവ് കാര്ത്തി ചിദംബരം നല്കിയ ഹര്ജിയിലാണ് വാദം കേള്ക്കുന്നത്. ചീഫ് ജസ്റ്റിസ് എന്.വി. രമണയുടെ അധ്യക്ഷതയിലുള്ള മൂന്നംഗ ബെഞ്ചിന്റേതാണ് തീരുമാനമുള്ളത്.
ഇഡിക്ക് പരമാധികാരം നല്കുന്ന വിധി പ്രസ്താവിച്ചത് ജസ്റ്റിസുമാരായ എ.എം. ഖാന്വില്ക്കര്, ദിനേശ് മഹേശ്വരി, സി.ടി. രവികുമാര് എന്നിവരടങ്ങിയ ബെഞ്ചാണ്. ഇതില് ജസ്റ്റിസ് ഖാന്വില്ക്കര് വിരമിച്ചു. ഈ സാഹചര്യത്തിലാണ് ചീഫ് ജസ്റ്റിസ് എന്.വി. രമണ ബെഞ്ചിന്റെ ഭാഗമാകുന്നത്.
നേരത്തെ കള്ളപ്പണം വെളുപ്പിക്കല് നിരോധനനിയമത്തില് ഇഡിക്ക് വിശാല അധികാരങ്ങള് നല്കിയത് സുപ്രീം കോടതി ശരി വച്ചിരുന്നു. നിയമത്തിന്റെ അടിസ്ഥാനത്തിലുള്ള അറസ്റ്റ്, സ്വത്ത് കണ്ടുകെട്ടല്, ജാമ്യത്തിനായുള്ള കര്ശനവ്യവസ്ഥകള് തുടങ്ങിയവ കോടതി ശരിവയ്ക്കുകയുണ്ടായി. ഇഡി പൊലീസ് അല്ലെന്നും ഇസിഐആര് രഹസ്യരേഖയായി കാണക്കാമെന്നും വിധിയില് പറയുന്നു. അതേസമയം ധനകാര്യബില്ലിലൂടെ നിയമ ഭേദഗതി നടപ്പാക്കിയതിലെ തീര്പ്പ് എഴംഗ ബെഞ്ചിന് വിട്ടു
ഇഡിയെ കേന്ദ്രസര്ക്കാര് രാഷ്ട്രീയ ആയുധമാക്കുന്നു എന്ന ആരോപണം ശക്തമാകുന്നതിനിടെയാണ് വിശാല അധികാരങ്ങള് നല്കുന്ന നിയമഭേദഗതിക്കെതിരായ ഹര്ജികള് സുപ്രീം കോടതി തള്ളിയത്.
"
https://www.facebook.com/Malayalivartha
