കരുവന്നൂര് സഹകരണ ബാങ്കില് വീണ്ടും ഇ.ഡിയുടെ റെയ്ഡ്
കരുവന്നൂര് സര്വീസ് സഹകരണ ബാങ്കില് വീണ്ടും എന്ഫോഴ്സ്മെന്റ് ഡയറക്ടറേറ്റിന്റെ റെയ്ഡ്. രാവിലെ ബാങ്കിന്റെ ഹെഡ് ഓഫീസില് എത്തിയ ഉദ്യോഗസ്ഥര് പരിശോധന നടത്തുകയായിരുന്നു. സി ആര് പി എഫ് സുരക്ഷ ഇല്ലാതെ ആയിരുന്നു റെയ്ഡ് നടത്തിയത്.
സെക്രട്ടറിയുടെ ഓഫീസിന് പുറമെ സീല് ചെയ്ത മറ്റു ഓഫീസ് മുറികളിലും ഇ ഡി പരിശോധന നടത്തി. ഓഫീസിലെ അലമാരകള് തുറന്ന് രേഖകളും പരിശോധിച്ചു. രണ്ടാഴ്ച മുമ്പ് നടത്തിയ റെയ്ഡില് ബാങ്കിലെ സെക്രട്ടറിയുടെ ഓഫീസ് ഇ ഡി ഉദ്യോഗസ്ഥര് സീല് ചെയ്തിരുന്നു.
കരുവന്നൂര് സഹകരണബാങ്ക് തട്ടിപ്പുമായി ബന്ധപ്പെട്ടു ബാങ്ക് ഹെഡ്ഓഫീസിലും പ്രധാന പ്രതികളുടെ വീടുകളിലും ?നേരത്തേ എന്ഫോഴ്സ്മെന്റ് ഡയറക്ടറേറ്റ് (ഇ.ഡി) റെയ്ഡ് നടത്തിയിരുന്നു. അന്ന് കൊച്ചി യൂണിറ്റിലെ 75 അംഗ സംഘമാണു റെയ്ഡ് നടത്തിയത്. സി.ആര്.പി.എഫ്. സായുധ സംഘത്തിന്റെ അകമ്പടിയോടെ നടത്തിയ പരിശോധന രാത്രി വൈകിയും തുടര്ന്നു.
റെയ്ഡില് നിര്ണായക രേഖകള് ഒന്നും കണ്ടെടുക്കാനായില്ലെന്നാണു വിവരം. ഇവ മാറ്റിയിട്ടുണ്ടെന്ന നിഗമനത്തിലാണ് ഇ.ഡി. ഉദ്യോഗസ്ഥര്.
പ്രധാന പ്രതികളായ ബിജു കരീം, സുനില്കുമാര്, ബിജോയ്, ജില്സ്, ഭരണ സമിതി മുന് പ്രസിഡന്റ് ദിവാകരന് എന്നിവരുടെ വീടുകളിലും ബാങ്കിലും സംഘങ്ങളായി പിരിഞ്ഞായിരുന്നു പരിശോധന.
https://www.facebook.com/Malayalivartha
