മാധ്യമ പ്രവര്ത്തകന് കെ.എം. ബഷീറിനെ വാഹനമിടിച്ച് കൊലപ്പെടുത്തിയ സംഭവത്തില് സി ബി ഐ അന്വേഷണം ആവശ്യപ്പെട്ട് സഹോദരന് അബ്ദുഹ്മാന്നല്കിയ ഹര്ജി ഇന്ന് ഹൈക്കോടതി പരിഗണനയില്....
മാധ്യമ പ്രവര്ത്തകന് കെ.എം. ബഷീറിനെ വാഹനമിടിച്ച് കൊലപ്പെടുത്തിയ സംഭവത്തില് സി ബി ഐ അന്വേഷണം ആവശ്യപ്പെട്ട് സഹോദരന് അബ്ദുഹ്മാന്നല്കിയ ഹര്ജി ഇന്ന് ഹൈക്കോടതി പരിഗണനയില്....
ജസ്റ്റിസ് സിയാദ് റഹ്മാന് ആണ് ഹര്ജി പരിഗണിക്കുക.ശ്രീറാം വെങ്കിട്ടരാമനെതിരെ പ്രഥമദൃഷ്ട്യാ കേസ് നിലനില്ക്കുമെന്നിരിക്കെ പ്രോസിക്യൂഷനും പോലീസും പ്രതിയെ സഹായിക്കുകയാണെന്നാണ് ഹര്ജിയില് പറയുന്നത്.
അപകട ദിവസം കെ.എം. ബഷീറിന്റെ മൊബൈല് ഫോണ് നഷ്ടമായിരുന്നു. എന്നാല് ഈ ഫോണ് കണ്ടെത്താനായി പോലീസിന് കഴിയാത്തത് ദുരൂഹമാണ്. ഫോണില് ശ്രീറാം വെങ്കിട്ടരാമനെതിരായ ചില തെളിവുകള് ഉള്ളതായി സംശയിക്കുന്നുവെന്നും ഹര്ജിയിലുണ്ട്. സി ബി ഐ അന്വേഷണം ആവശ്യപ്പെട്ട് മുഖ്യമന്ത്രിയ്ക്ക് പരാതി നല്കിയിട്ടും നടപടി ഉണ്ടാവാത്തതിനെ തുടര്ന്നാണ് ഹൈക്കോടതിയെ സമീപിക്കുന്നതെന്നും ഹര്ജിക്കാരന് വ്യക്തമാക്കുകയാണ്.
2019 ആഗസറ്റ് 3 നാണ് ശ്രീറാം വെങ്കിട്ടരാമന് ഓടിച്ച കാറിടിച്ച് കെ എം ബഷീര് കൊല്ലപ്പെടുന്നത്. കേസില് മ്യൂസിയം പൊലീസ് അന്വേഷണം പൂര്ത്തിയാക്കി തിരുവനന്തപുരം സെഷന്സ് കോടതിയില് കുറ്റപത്രം സമര്പ്പിച്ചു. കെ എം ബഷീറിനെ കാറിടിച്ച് കൊലപ്പെടുത്തിയ കേസില് വിചാരണ നടക്കുന്നതിനിടെ ആലപ്പുഴ കളക്ടറായി ശ്രീറാം വെങ്കിട്ടരാമനെ നിയമിച്ചിരുന്നു. ഇതിനെതിരെ വ്യാപക പ്രതിഷേധമാണ് ഉയര്ന്നത്.
പ്രതിപക്ഷവും മാധ്യമപ്രവര്ത്തകരുടെ സംഘടനയും നിയമനത്തിന് എതിരെ കടുത്ത നിലപാടെടുത്തു. നിയമനത്തില് തെറ്റില്ലെന്നും പുനപരിശോധിക്കില്ലെന്നും ആദ്യഘട്ടത്തില് സര്ക്കാര് ഉറച്ച് നിന്നെങ്കിലും പ്രതിഷേധം കടുത്തതോടെ ആലപ്പുഴയില് നിന്ന് ശ്രീറാം വെങ്കിട്ടരാമനെ മാറ്റി സപ്ലൈകോ ജനറല് മാനേജരായി നിയമിച്ച് ഉത്തരവിറക്കി.
"
https://www.facebook.com/Malayalivartha
