ദുരിതക്കയത്തില്.... എന്ഡോസള്ഫാന് ദുരിത ബാധിതര്ക്കുള്ള സാമൂഹ്യ ക്ഷേമ പെന്ഷന് മുടങ്ങിയിട്ട് അഞ്ച് മാസം.... പെന്ഷന് മാത്രം ആശ്രയിച്ച് കഴിയുന്ന കുടുംബങ്ങള് ദുരിതത്തില്
ദുരിതക്കയത്തില്.... എന്ഡോസള്ഫാന് ദുരിത ബാധിതര്ക്കുള്ള സാമൂഹ്യ ക്ഷേമ പെന്ഷന് മുടങ്ങിയിട്ട് അഞ്ച് മാസം.... പെന്ഷന് മാത്രം ആശ്രയിച്ച് കഴിയുന്ന കുടുംബങ്ങള് ദുരിതത്തില്.
ഓണത്തിന് മുമ്പെങ്കിലും പെന്ഷന് ലഭിക്കാനുള്ള നടപടിയുണ്ടാകണമെന്നാണ് ദുരിത ബാധിതരുടെ ആവശ്യം 1200 രൂപ മുതല് 2200 രൂപ വരെയാണ് പെന്ഷനായി നല്കുന്നത്. കഴിഞ്ഞ ഓണത്തിന് മുമ്പും സഹായധനം മുടങ്ങി. അന്ന് പട്ടിണി സമരം അടക്കം നടത്തിയതിന് ശേഷമാണ് ദുരിതബാധിതര്ക്ക് സഹായമെത്തിയത്. ദുരിത ബാധിതരെ പരിചരിക്കുന്നവര്ക്കുള്ള ആശ്വാസ കിരണം സഹായധന വിതരണം മുടങ്ങിയിട്ടും മാസങ്ങളായി.
അതേസമയം കടുത്ത സാമ്പത്തിക പ്രതിസന്ധിയും വായ്പ എടുക്കുന്നതില് നിയന്ത്രണവും വന്നതോടെ ക്ഷേമ പെന്ഷന് നല്കാനായി സംസ്ഥാന സര്ക്കാര് രൂപീകരിച്ച സോഷ്യല് സെക്യുരിറ്റീസ് പെന്ഷന് ലിമിറ്റഡ് എവിടെ നിന്നും പണം കണ്ടെത്തുമെന്ന ചോദ്യത്തിനു മുന്നില് പകച്ചു നില്ക്കുകയാണ് സംസ്ഥാനത്തെ ധനകാര്യ വകുപ്പ് .
നിലവില് 5230691 പേര്ക്കാണ് സംസ്ഥാനത്ത് ക്ഷേമ പെന്ഷന് നല്കുന്നത്. മാസം 1600 രൂപ വീതം. പിണറായി സര്ക്കാരിന്റെ തുടര്ഭരണത്തിന് വഴിയൊരുക്കിയ പ്രധാന ഘടകമായിരുന്ന ക്ഷേമ പെന്ഷന്. മൂന്നുകോടി ജനങ്ങളുള്ള സംസ്ഥാനത്തെ ആറിലൊന്ന് ആളുകള് ഈ പെന്ഷന് വാങ്ങുന്നുണ്ടെന്നാണ് കണക്ക്. കൂടുതലും സ്തീകള്. കയ്യില് പണമില്ലാത്ത സര്ക്കാര് കടം വാങ്ങിയാണ് ഇത്രയും നാള് പെന്ഷന് നല്കിയിരുന്നത്.
കെഎസ്എഫ്ഇ, വിവിധ കാര്ഷിക സഹകരണ ബാങ്കുകള്, എന്നിവരുള്പ്പെടുന്ന കണ്സോര്ഷ്യത്തില് നിന്നാണ് വായ്പ എടുത്തിരുന്നത് . 10848 കോടി രൂപയാണ് നിലവിലുള്ള കടം. പെന്ഷന് കമ്പനിയുടെ ബാധ്യത സര്ക്കാര് ഏറ്റെടുത്തോളാമെന്ന് കമ്പനി രൂപീകരിച്ചുകൊണ്ട് സര്ക്കാര് ഇറക്കിയ ഉത്തരവില് തന്നെ പറയുന്നുമുണ്ട്. അവിടെയാണ് ഇപ്പോഴത്തെ പ്രശ്നം . പെന്ഷന് കമ്പനിയുടെ ബാധ്യത സര്ക്കാരിന്റേതാണെന്നും അതു കൂടി കണക്കാക്കി മാത്രമേ ഇനി പുതിയ വായ്പ കേരളത്തിന് അനുവദിക്കൂ എന്നാണ് കേന്ദ്രത്തിന്റെ നിലപാട്.
കിഫ്ബി പോലെ പെന്ഷന് കമ്പനിയുടെ കടവും ബജറ്റിനു പുറത്തുള്ള ബാധ്യതയായി കാണണമെന്ന കേരളത്തിന്റെ ആവശ്യം കേന്ദ്രം അംഗീകരിക്കുന്നില്ല.
"
https://www.facebook.com/Malayalivartha
