അന്വേഷണത്തില്‍ വഴിത്തിരിവ്.... സൊണാലിയുടെ ശരീരത്തില്‍ ഒന്നിലധികം മുറിവുകളുണ്ടെന്ന് പോസ്റ്റ്‌മോര്‍ട്ടത്തില്‍ കണ്ടെത്തി....ഇവരുടെ സഹായികളായ രണ്ട് പേര്‍ക്കെതിരെ കൊലപാതകക്കുറ്റം ചുമത്തി കേസെടുത്ത് പോലീസ്

പിന്നാലെ ഇവരുടെ സഹായികളായ രണ്ട് പേര്‍ക്കെതിരെ ഗോവ പോലീസ് കൊലപാതകക്കുറ്റം ചുമത്തി കേസെടുത്തു. സുധീര്‍ സാഗ്വാനും സുഖ്വീന്ദര്‍ വാസിക്കുമെതിരെയാണ് കേസ്. എന്നാല്‍ ഇവരൈ ഇതുവരെ അറസ്റ്റ് ചെയ്തിട്ടില്ല. ഞങ്ങള്‍ ഇതുവരെ പ്രതികളെ പിടികൂടിയിട്ടില്ല. പൊലീസ് അന്വേഷണം തുടങ്ങി.

പോസ്റ്റ്മോര്‍ട്ടം റിപ്പോര്‍ട്ടില്‍ പരുക്കിന്റെ പാടുകള്‍ പരാമര്‍ശിക്കുന്നുണ്ട്. ഹോട്ടലില്‍ ആയിരിക്കുമ്പോഴാണ് ഈ മുറിവുകള്‍ ഉണ്ടായിട്ടുള്ളത് . എന്നാല്‍ ഇവ ഗുരുതരമായ പരിക്കുകളല്ല. കേസിന്റെ എല്ലാ വശങ്ങളും പരിശോധിച്ച് വരികയാണ്. ബുധനാഴ്ച അഞ്ജുന പോലീസില്‍ നല്‍കിയ പരാതിയില്‍ ഫോഗട്ടിന്റെ സഹോദരന്‍ റിങ്കു ധാക്കയാണ് രണ്ട് പ്രതികളുടെയും പേര് പരാമര്‍ശിച്ചത്. ആഗസ്റ്റ് 22ന് ഗോവയില്‍ എത്തിയ ഫോഗട്ടിനൊപ്പം സാഗ്വാനും വാസിയും ഉണ്ടായിരുന്നു.

ഫോഗട്ട് താമസിച്ചിരുന്ന ഹോട്ടലിലെ സിസിടിവി ദൃശ്യങ്ങള്‍ പൊലീസ് പരിശോധിച്ചുവരുന്നു. സാഗ്വാന്‍, വാസി എന്നിവരുടെ മൊബൈല്‍ ഫോണുകളും പോലീസ് പിടിച്ചെടുത്തു.

ഗോവയില്‍ വെച്ച് സൊണാലി ഹൃദയാഘാതത്തെ തുടര്‍ന്ന് മരിച്ചെന്നാണ് ആദ്യം പുറത്തുവന്ന വിവരം. പിന്നാലെ ദുരൂഹത ആരോപിച്ച് കുടുംബം രംഗത്തെത്തുകയായിരുന്നു. 42 വയസായിരുന്നു. ഓഗസ്റ്റ് 22-ന് തന്റെ ചില സ്റ്റാഫ് അംഗങ്ങളോടൊപ്പം ഗോവയിലേക്ക് എത്തിയ സോണാലി ആഗസ്റ്റ് 24 ന് തിരിച്ചു പോകാനിരുന്നതാണ്.

തിങ്കളാഴ്ച രാത്രി പാര്‍ട്ടിക്ക് പോയ സൊണാലി തിരിച്ചെത്തി മണിക്കൂറുകള്‍ക്ക് ശേഷം അസ്വസ്ഥതകളെ തുടര്‍ന്ന് ആശുപത്രിയിലേക്ക് മാറ്റുകയായിരുന്നു. ഹരിയാനയിലെ ഫത്തേഹാബാദ് ജില്ലയിലെ ഭൂതാന്‍ ഗ്രാമത്തിലാണ് സൊണാലി സിംഗ് ഫോഗട്ട് ജനിച്ചത്. ഹിസാറിലെ ഹരിതയിലെ സഞ്ജയ് ഫോഗട്ടിനെ് അവര്‍ വിവാഹം കഴിച്ചു.
എട്ട് വര്‍ഷം മുമ്പ് ദൂരദര്‍ശനില്‍ അവതാരകയായിട്ടാണ് അവര്‍ ടെലിവിഷന്‍ ജീവിതം ആരംഭിച്ചത്. നവാബ് ഷായുടെ ഭാര്യയായി അഭിനയിച്ച സീ ടിവിയിലെ ജനപ്രിയ സീരിയല്‍ അമ്മയില്‍ അവള്‍ക്ക് ഒരു ശ്രദ്ധേയ വേഷം ലഭിച്ചു. ഇന്ത്യ-പാക് വിഭജനത്തെ ആസ്പദമാക്കിയുള്ളതായിരുന്നു സീരിയല്‍. ആദംപൂരില്‍ നിന്നുള്ള ഭാരതീയ ജനതാ പാര്‍ട്ടി നോമിനിയായി പ്രഖ്യാപിച്ചതിന് ശേഷം സോഷ്യല്‍ മീഡിയയിലും സൊണാലി ജനപ്രിയയായിരുന്നു, കൂടുതല്‍ ടിക് ടോക്ക് ഫോളോവേഴ്സിനെ നേടിയിട്ടുണ്ട്.