തലശേരി നഗരസഭ ഉദ്യോഗസ്ഥര് ഫര്ണിച്ചര് നിര്മാണ കമ്പനി അടച്ചുപൂട്ടിയ സംഭവത്തില് വ്യവസായിയുടെ പരാതി ലഭിച്ചയുടന് ഇടപെട്ടെന്ന് വ്യവസായ മന്ത്രി പി. രാജീവ്
തലശേരി നഗരസഭ ഉദ്യോഗസ്ഥര് ഫര്ണിച്ചര് നിര്മാണ കമ്പനി അടച്ചുപൂട്ടിയ സംഭവത്തില് വ്യവസായിയുടെ പരാതി ലഭിച്ചയുടന് ഇടപെട്ടെന്ന് വ്യവസായ മന്ത്രി പി. രാജീവ്.
പ്രശ്നം പരിഹരിക്കാനായി ഇടപെട്ടിരുന്നു. രാജ് കബീറിന്റെ ഫര്ണിച്ചര് വ്യവസായം തുടര്ന്ന് പ്രവര്ത്തിക്കാന് കഴിയും. ഇന്നലെ തന്നെ ഉദ്യോഗസ്ഥര് അവിടെ പോയിരുന്നുവെന്നും മന്ത്രി. രാജ് കബീറിന്റേയും ഭാര്യയുടേയും സംഭവം ഒറ്റപ്പെട്ടതാണ്.
തദ്ദേശ സ്ഥാപനങ്ങള് സംരംഭങ്ങള്ക്ക് അനുകൂലമായ നിലപാട് സ്വീകരിക്കണം. ചില സംവിധാനങ്ങളില് പ്രശ്നമുണ്ട് . ഇത് മാറ്റേണ്ടതുണ്ട്. വ്യവസായ- പഞ്ചായത്ത് മന്ത്രിമാര് ചേര്ന്ന് മാറ്റങ്ങള് ചര്ച്ച ചെയ്ത് തീരുമാനിക്കുമെന്നും മന്ത്രി.
പ്രവര്ത്തിച്ചുകൊണ്ടിരിക്കുന്ന വ്യവസായ സ്ഥാപനങ്ങള് പൂട്ടാതിരിക്കാനായി ജില്ലകളില് വിദഗ്ധര് അടങ്ങുന്ന ക്ലിനിക്കുകള് തുടങ്ങും. വ്യവസായവുമായി ബന്ധപ്പെട്ട എല്ലാ സംശയങ്ങള്ക്കും ഈ ക്ലിനിക്കുകളെ സമീപിക്കാം. വ്യവസായ സംരംഭങ്ങള് തുടങ്ങുന്നതിനും അവര്ക്ക് ആവശ്യമായ സഹായം ലഭ്യമാക്കുന്നതിലും തദ്ദേശ സ്ഥാപനങ്ങള്ക്ക് നല്ല മാറ്റം വന്നിട്ടുണ്ട്.
എന്നാല് ചില ഉദ്യോഗസ്ഥര് സംശയത്തിന്റെ കണ്ണട വയ്ക്കുന്നു. അവര് വിശ്വാസത്തിന്റെ കണ്ണട വയ്ക്കണം. സംരംഭകള്ക്ക് അനുകൂലമായ നിലപാട് തദ്ദേശ സ്ഥാപനങ്ങള് സ്വീകരിക്കണമെന്നും മന്ത്രി.
15 ഏക്കറില് കൂടുതല് ഭൂമി വ്യവസായ ആവശ്യത്തിന് ഉപയോഗിക്കാനായി മന്ത്രിസഭ അനുമതി നല്കിയിട്ടുണ്ട് . ഭൂപരിധി ഇളവില് ഭേദഗതി വരുത്തി. സംരംഭങ്ങള് വകുപ്പുകള് പരിശോധിച്ച ശേഷം മന്ത്രിസഭ അംഗീകാരം നല്കുമെന്നും മന്ത്രി .
" f
https://www.facebook.com/Malayalivartha
