ഏതുതരം മത്സരത്തിലും ഒരു അക്രമോൽസുകതയുണ്ട്. എല്ലാ മത്സരങ്ങളും അതുകൊണ്ടുതന്നെ പരാജയങ്ങളുമാണെന്ന് പറയാം. വിജയങ്ങൾ പരാജയപ്പെടുത്തുന്ന കാര്യം തിരിച്ചറിയാൻ ആവർത്തനങ്ങൾ വേണ്ടിവരുമ്പോൾ പരാജയങ്ങളുടെ കാര്യത്തിൽ അത് ഉടനടി മനസിലാവും എന്നേയുള്ളുവെന്ന അഭിപ്രായവുമായി സനൽ ശശിധരൻ രംഗത്ത് വന്നിരിക്കുകയാണ്.

അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; ഏതുതരം മത്സരത്തിലും ഒരു അക്രമോൽസുകതയുണ്ട്. എല്ലാ മത്സരങ്ങളും അതുകൊണ്ടുതന്നെ പരാജയങ്ങളുമാണെന്ന് പറയാം. വിജയങ്ങൾ പരാജയപ്പെടുത്തുന്ന കാര്യം തിരിച്ചറിയാൻ ആവർത്തനങ്ങൾ വേണ്ടിവരുമ്പോൾ പരാജയങ്ങളുടെ കാര്യത്തിൽ അത് ഉടനടി മനസിലാവും എന്നേയുള്ളു.

മത്സരങ്ങളിലെല്ലാമുള്ള അക്രമോൽസുകതയാണ് രണ്ടിടത്തും യഥാർത്ഥ പരാജയത്തിന്റെ കാരണം. മത്സരിക്കുന്നില്ല എന്ന് വാശിപിടിക്കുന്നതിലും അക്രമമുണ്ട്. അവനവനോടുള്ള അക്രമം. അതായത് പരാജയം മാത്രമാണ് അവസാനത്തെ വിജയി. സ്വയം നശിക്കുന്ന പ്രപഞ്ചത്തിന്റെ അക്രമ വാസനയായ എൻട്രോപ്പി തന്നെയാവും ജീവികളിലും മത്സരവാസനയായി പ്രതിഫലിക്കുന്നത്.