പണം വാങ്ങി ഭാര്യയെ മറ്റൊരാൾക്ക് പീഡിപ്പിക്കാൻ അവസരമൊരുക്കിയ ഭർത്താവ് അറസ്റ്റിൽ. സംഭവത്തിൽ പെരുവല്‍ സ്വദേശി അബ്ദുള്‍ ലത്തീഫാണ് അറസ്റ്റിലായത്. 27-കാരിയായ ഭാര്യയെ പണം വാങ്ങി മറ്റൊരാൾക്ക് പീഡിപ്പിക്കാൻ അവസരമൊരുക്കുകയായിരുന്നു. മാത്രമല്ല തൊട്ടില്‍പ്പാലത്തെ ഒരു ഹോട്ടലിലും യുവതി താമസിക്കുന്ന വാടകവീട്ടിലും വെച്ച് രണ്ടുതവണ യുവതിയെ പീഡിപ്പിച്ചെന്നാണ് പരാതി.

സംഭവത്തെ തുടർന്ന് ഇയാളുടെ കാറും പോലീസ് കസ്റ്റഡിയിലെടുത്തു. കേസിൽ പേരാമ്പ്ര മജിസ്‌ട്രേറ്റ് കോടതി ഇയാളെ റിമാന്‍ഡ് ചെയ്തു. ഓഗസ്റ്റ് 14 ന് യുവതിയെ കാണാതാകുകയും, ഇതോടെ യുവതിയുടെ ഉമ്മ പോലീസില്‍ പരാതി നൽകുകയും ചെയിതു. പിന്നാലെ യുവതിയെ 15ന് പോലീസ് സ്‌റ്റേഷനില്‍ ഹാജരായി. താൻ മരിക്കണമെന്ന ഉദ്ദേശത്തോടെ പോയതാണെന്നും, എന്നാല്‍ മക്കളെക്കുറിച്ച് ഓര്‍ത്തപ്പോള്‍ ബന്ധുവീട്ടില്‍ പോയി തിരികെ വരുകയായിരുന്നെന്നും യുവതി പോലീസിനോട് പറഞ്ഞു.

തുടർന്ന് എന്തിനാണ് ആത്മഹത്യ ചെയ്യാമെന്ന തീരുമാനത്തിലേക്ക് എത്തിയതെന്ന പോലീസുകാരുടെ ചോദ്യത്തിലാണ് താൻ പലതവണ പീഡിപ്പിക്കപ്പെട്ടതായി യുവതി വെളിപ്പെടുത്തിയത്. മാത്രമല്ല 2018-ലും സമാനരീതിയില്‍ പീഡനത്തിനിരയായതായി യുവതി പോലീസില്‍ മൊഴി നല്‍കി. ഇതോടുകൂടിയാണ് കേസ് രജിസ്റ്റർ ചെയ്തത്.