അട്ടപ്പാടിയിൽ നാലുവയസുകാരന് അമ്മയുടെയും രണ്ടാനച്ഛനെയും ക്രൂര മർദ്ദനം. നാലുവയസുകാരന്റെ കാൽ സ്റ്റൗവിൽ വച്ച് പൊള്ളിച്ചതിന് പിന്നാലെയാണ് അമ്മയും, രണ്ടാനച്ഛനും ചേർന്ന് ദേഹോപദ്രവം ഏൽപ്പിച്ചത്.

കുട്ടിയുടെ പിതാവിന്റെ പരാതിയിന്മേൽ അമ്മ രഞ്ജിതയെയും രണ്ടാം ഭർത്താവ് ഉണ്ണികൃഷ്ണനെയും അഗളി പൊലീസ് അറസ്റ്റ് ചെയ്‌തിട്ടുണ്ട്. ആവര്‍ത്തിച്ച് വിലക്കിയിട്ടും കുട്ടി റോഡില്‍ കളിക്കാനിറങ്ങിയതാണ് കാരണമെന്ന് അമ്മ മൊഴി നല്‍കി.

കുട്ടി കോട്ടത്തറ ട്രൈബല്‍ ആശുപത്രിയില്‍ ചികില്‍സയിലാണ്. രണ്ടാനച്ഛന്‍ നിരന്തരം ഉപദ്രവിക്കാറുണ്ടെന്ന് കുട്ടി പൊലീസിനോട് പറഞ്ഞു. ഈ മൊഴിയും വിശദമായി പരിശോധിക്കുന്നുണ്ട്.