ആർപ്പൂക്കരയിൽ ഒരു മാസത്തോളം കാറിനുള്ളിൽ ഒളിച്ചിരുന്ന രാജവെമ്പാല ഒടുവിൽ വനം വകുപ്പിന് 'കീഴടങ്ങി'. ആർപ്പൂക്കര സ്വദേശിയുടെ കാറിനുള്ളിലാണ് രാജവെമ്പാല കടന്ന് കയറിയത്. ഒരു മാസത്തോളം മുമ്പ് നിലമ്പൂരിൽ നിന്നും കോട്ടയം ആർപ്പൂക്കര സ്വദേശി സുജിത്തിൻ്റെ കാറിലാണ് പാമ്പ് കയറിയത്. എതാനും ദിവസം മുൻപ് കാറിൽ കണ്ട രാജവെമ്പാലയെ പിടികൂടാൻ വാവ സുരേഷ് എത്തിയെങ്കിലും കണ്ടെത്താൻ കഴിയാതെ മടങ്ങിയിരുന്നു.

ബുധനാഴ്ച കാറിൽ നിന്നും ഇറങ്ങിയ രാജവെമ്പാല ഒടുവിൽ അയൽവാസിയുടെ വീടിനുള്ളിൽ കയറി. ഇതോടെ നാട്ടുകാരും വീട്ടുകാരും വിവരം വനം വകുപ്പിന്റെ സ്നേക് റസ്ക്യു ടീമിനെ അറിയിച്ചു. ഇവർ സ്ഥലത്ത് എത്തി നടത്തിയ പരിശോധനയിൽ അയൽ വാസിയുടെ വീട്ടിൽ രാജവെമ്പാലയെ കണ്ടെത്തിയത്. പാമ്പിനെ വനംവകുപ്പ് പിടികൂടി കൊണ്ടുപോയി.