കര്ശനപരിശോധന ഇന്ന് മുതല്..... നിയമം ലംഘിച്ച വാഹനങ്ങള് കണ്ടാല് ആ നിമിഷം പിടിച്ചെടുക്കണം, ഫിറ്റ്നസ് സര്ട്ടിഫിക്കറ്റ് റദ്ദാക്കണം, ലൈസന്സ് സസ്പെന്ഡ് ചെയ്യണം... മോട്ടോര് വാഹനങ്ങളുമായി ബന്ധപ്പെട്ട കേന്ദ്ര നിയമങ്ങളും ഹൈക്കോടതി ഉത്തരവുകളും ലംഘിച്ച് ഒരു വാഹനം പോലും ഇന്നു മുതല് നിരത്തിലുണ്ടാകരുതെന്ന് ഹൈക്കോടതി ഉത്തരവ്...
കര്ശനപരിശോധന ഇന്ന് മുതല്..... നിയമം ലംഘിച്ച വാഹനങ്ങള് കണ്ടാല് ആ നിമിഷം പിടിച്ചെടുക്കണം, ഫിറ്റ്നസ് സര്ട്ടിഫിക്കറ്റ് റദ്ദാക്കണം, ലൈസന്സ് സസ്പെന്ഡ് ചെയ്യണം... മോട്ടോര് വാഹനങ്ങളുമായി ബന്ധപ്പെട്ട കേന്ദ്ര നിയമങ്ങളും ഹൈക്കോടതി ഉത്തരവുകളും ലംഘിച്ച് ഒരു വാഹനം പോലും ഇന്നു മുതല് നിരത്തിലുണ്ടാകരുതെന്ന് ഹൈക്കോടതി ഉത്തരവ്...
കുറഞ്ഞത് മൂന്നു മാസത്തേക്ക് ഫിറ്റ്നസ് റദ്ദാക്കി, ഡ്രൈവറുടെ ലൈസന്സും സസ്പെന്ഡ് ചെയ്യണമെന്ന് ജസ്റ്റിസ് അനില് കെ. നരേന്ദ്രന്, ജസ്റ്റിസ് പി.ജി. അജിത്കുമാര് എന്നിവരുള്പ്പെട്ട ഡിവിഷന് ബെഞ്ച് ഉത്തരവിട്ടിരിക്കുകയാണ്.
ചട്ടങ്ങള് പാലിക്കാത്ത വാഹനങ്ങള് വിളിച്ചാല് വിദ്യാഭ്യാസ സ്ഥാപനമേധാവിക്കും യാത്രാച്ചുമതലയുള്ള അദ്ധ്യാപകനുമെതിരെ നടപടിയെടുക്കും. ടൂറിസ്റ്റ് ബസ് വടക്കഞ്ചേരിയില് അപകടത്തില്പ്പെട്ട് അഞ്ചു കുട്ടികളും അദ്ധ്യാപകനുമടക്കം ഒമ്പതു പേര് മരിച്ചതിനെത്തുടര്ന്നാണ് ഹൈക്കോടതി നിലപാട് കര്ശനമാക്കിയത്.
നിയമവിരുദ്ധ വാഹനങ്ങളുടെ പ്രൊമോഷന് വീഡിയോകള് തയ്യാറാക്കുന്ന വ്ളോഗര്മാരെക്കുറിച്ചുള്ള വിവരങ്ങള് അറിയിക്കാന് സര്ക്കാര് കൂടുതല് സമയം തേടി. ഹര്ജി വെള്ളിയാഴ്ചത്തേക്ക് പരിഗണിക്കാന് മാറ്റി.
അതേസമയം നിയമം ലംഘിച്ചുള്ള വാഹനമെങ്കില് വിദ്യാഭ്യാസ സ്ഥാപനം പൊലീസിലും മോട്ടോര് വാഹന വകുപ്പിലും അറിയിക്കേണ്ടതാണ്. അധികൃതര് ഉടന് വാഹനം പിടിച്ചെടുത്ത് മജിസ്ട്രേട്ട് കോടതിയില് ഹാജരാക്കി തുടര് നടപടികള് സ്വീകരിക്കുകയും മോട്ടോര് വാഹന വകുപ്പു നടത്തുന്ന പരിശോധനകള്ക്ക് പൊലീസ് പൂര്ണ പിന്തുണ നല്കുകയും വേണം.
വാഹനങ്ങളുടെ പ്രൊമോഷന് വീഡിയോകള് അപ്ലോഡ് ചെയ്യുന്നില്ലെന്ന് ട്രാന്സ്പോര്ട്ട് കമ്മിഷണര് ഉറപ്പാക്കേണ്ടതാണ്. വാഹനങ്ങളില് നിയമവിരുദ്ധമായി മാറ്റം വരുത്തി നല്കുന്ന സ്ഥാപനങ്ങള്ക്കെതിരെ നടപടി വേണം
അതു കൂടാതെ സ്പീഡ് ഗവര്ണറില് തിരിമറി കാട്ടിയാല് ക്രിമിനല് കേസെടുക്കാനായി ഇന്നലെ ചേര്ന്ന അവലോകന യോഗത്തില് സര്ക്കാര് തീരുമാനമായി. ഇലക്ട്രോണിക്ക് കണ്ട്രോള് യൂണിറ്റില് മാറ്റം വരുത്തുന്നവര്ക്കും സ്ഥാപനങ്ങള്ക്കുമെതിരെയും കേസെടുക്കുമെന്ന് മന്ത്രി ആന്റണിരാജു വാര്ത്താസമ്മേളനത്തില് അറിയിച്ചു.
രൂപമാറ്റത്തിനുള്ള പിഴ 5000 ല് നിന്ന് 10,000 രൂപയാക്കി. ഓരോ നിയമ ലംഘനത്തിനും പ്രത്യേകം പിഴ. രൂപമാറ്റം വരുത്തുന്ന വര്ക്ക്ഷോപ്പുകള്, സൗണ്ട് സംവിധാനങ്ങള് ഒരുക്കുന്ന സ്ഥാപനങ്ങള് എന്നവര്ക്കെതിരെയും കേസെടുക്കും.
ഓള് ഇന്ത്യാ പെര്മിറ്റുള്ള ടൂറിസ്റ്റ് വാഹനങ്ങള് സംസ്ഥാനത്ത് പ്രവേശിക്കുമ്പോള് നവം. ഒന്നുമുതല് പ്രത്യേകം നികുതി ഈടാക്കും. അപകടരഹിതമായി ഓടിക്കുന്ന ഡ്രൈവര്മാര്ക്കും വാഹന ഉടമകള്ക്കും ആനുകൂല്യം നല്കാനും തീരുമാനിച്ചു. പരിശോധന 86 ആര്.ടി ഓഫീസുകള്ക്ക് വീതിച്ചു നല്കും. അവര് സ്വീകരിച്ച നടപടികള് 15 ന് അവലോകനം ചെയ്യുകയും ചെയ്യും.
" f
https://www.facebook.com/Malayalivartha
