പാറശാലയിൽ വിഷം നൽകി കാമുകനായ ഷാരോൺ രാജിനെ കൊലപ്പെടുത്തിയ കേസിൽ പാറശാല പോലീസിന്റെ വീഴ്ച്ച ചർച്ചയാകുന്നു. നേരത്തെ എസ്എച്ച്ഒയുടെ പേരിൽ പ്രചരിക്കുന്ന ഓഡിയോ വിവാദത്തിലായിരുന്നു. പ്രതി ഗ്രീഷ്മയെ ആദ്യം മുതൽ സംരക്ഷിക്കുന്ന നിലപാടാണ് പാറശാല പൊലീസ് സ്വീകരിച്ചത്.

നേരത്തെ പ്രതിഭാഗത്തെ സഹായിക്കുന്ന ഓഡിയോ സന്ദേശമാണിതെന്നാണ് ആക്ഷേപം ഉയർന്നിരിക്കുന്നത്. കേസ് ആദ്യം അന്വേഷിച്ച ലോക്കൽ പോലീസിന് വീഴ്ച സംഭവിച്ചെന്ന കുടുംബത്തിന്‍റെ ആരോപണം തള്ളുന്നതായിരുന്നു സിഐയുടെ ഓഡിയോ.

അതേസമയം തന്നെ ഷാരോൺ മരിച്ചതിനെ തുടർന്ന് ബന്ധുക്കൾ പരാതി നൽകിയതു മുതൽ പാറശ്ശാല പൊലീസിന്റെ ഭാവം വ്യത്യസ്തമായിരുന്നു. കേസിൽ പോലീസിന്റെ നിസഹകരണവും താൽപര്യമില്ലായ്മയും പ്രകടമാണെന്ന പരാതി ബന്ധുക്കൾ ഉയർത്തുന്നു.

മാത്രമല്ല അന്വേഷണത്തിന്റെ തുടക്കത്തിൽ പരാതി പ്രകാരം മൊഴിയെടുക്കാൻ കാരക്കോണത്തിനടുത്ത രാമവർമ്മൻചിറയിലെ ശ്രീനിലയത്തിൽ എത്തിയത് തന്നെ ഉല്ലാസ യാത്ര പോകുന്ന ഭാവത്തോടെ ആരുന്നുവെന്ന് കണ്ടവർ പറയുന്നു. മജിസ്ട്രേട്ടിന് നൽകിയ മൊഴിയും ഗ്രീഷ്മയ്ക്ക് പകർന്നു നൽകി.