ആർഎസ്എസ് നോമിനി പോയിട്ട് സ്വന്തം ആളെ പോലും താൻ നിയമിച്ചിട്ടില്ല എന്നാണ് ഗവർണർ പറയുന്നത് അനാവശ്യമായി നിയമനം നടത്തിയത് തെളിയിച്ചാൽ രാജിവയ്ക്കാം എന്നും ഗവർണർ വ്യക്തമാക്കിയിരിക്കുകയാണ്. താൻ ഈ വിഷയത്തിൽ അനാവശ്യമായി ഇടപെട്ടതിന് മുഖ്യമന്ത്രി തെളിവ് നൽകണമെന്നും ഗവർണർ തുറന്നടിച്ചിരിക്കുകയാണ്. മാധ്യമങ്ങൾ മുഖ്യമന്ത്രിക്ക് മുന്നിൽ വായടക്കുകയാണെന്നും ഗവർണർ വിമർശിച്ചു. താൻ സ്വന്തമായിട്ട് ആരെയും നിയമിച്ചിട്ടില്ല എന്ന കാര്യം അദ്ദേഹം ചൂണ്ടിക്കാണിച്ചു.

എന്റെ പദവിയിൽ ഇരുന്നുകൊണ്ട് മാധ്യമങ്ങളോട് എത്രത്തോളം സംസാരിക്കാൻ പറ്റുമോ അത്രത്തോളം താൻ സംസാരിക്കും എന്നാണ് ഗവർണർ തുറന്നടിച്ചിരിക്കുന്നത്. ഞാൻ പറഞ്ഞതും പറഞ്ഞിട്ടില്ലാത്തതുമായ കാര്യങ്ങളാണ് പുറത്തു വന്നു കൊണ്ടിരിക്കുന്നത്. വിസിമാരുടെ ശമ്പളം പിടിക്കണം എന്ന കാര്യം താൻ പറഞ്ഞിട്ടില്ല എന്നാണ് ഇപ്പോൾ അദ്ദേഹം പറയുന്നത്.അവരുടെ ശമ്പളം പിടിക്കുന്ന കാര്യത്തിൽ ഇതുവരെ താൻ ഒരു തീരുമാനം എടുത്തിട്ടില്ല എന്നാണ് അദ്ദേഹം വ്യക്തമാക്കിയിരിക്കുന്നത്.

വിസിമാരുടെ വിശദീകരണം ഇതുവരെ കിട്ടിയിട്ടില്ല എന്നും ഗവർണർ ചൂണ്ടിക്കാണിച്ചു.ഇതുവരെ ആ കാര്യത്തിൽ ഒരു തീരുമാനം എടുത്തിട്ടില്ല എന്നും നേരിട്ട് വരാനുള്ള സമയം ഞാൻ അവർക്ക് നീട്ടി കൊടുത്തുവെന്നും ഗവർണർ തുറന്നടിച്ചിരിക്കുകയാണ്. ചില വിസിമാർ തന്നോട് വിശദീകരണം പറഞ്ഞിട്ടുണ്ട്. അവർ നൽകിയ വിശദീകരണം അത് താൻ വിശദമായി പരിശോധിക്കും.