മുഖ്യമന്ത്രിക്കെതിരെ പൊട്ടിത്തെറിച്ച് സ്വപ്ന സുരേഷ് വീണ്ടും രംഗത്ത് വന്നിരിക്കുകയാണ്. മുഖ്യമന്ത്രി സാമ്പത്തിക താത്പര്യങ്ങൾക്ക് വേണ്ടി തന്റെ പദവി ദുരുപയോഗം ചെയ്യുകയാണെന്നാണ് സ്വപ്നയുടെ ആരോപണം. മുഖ്യമന്ത്രിയ്ക്ക് വേണ്ടി പലതിനും കൂട്ടു നിന്നിട്ടുണ്ടെന്നും സ്വപ്‍ന ആരോപിച്ചിരിക്കുകയാണ്. മകൾക്ക് വേണ്ടി മുഖ്യമന്ത്രി കേരളത്തെ വിറ്റുകൊണ്ടിരിക്കുകയാണ് എന്നും സ്വപ്ന ആരോപിച്ചു . പല പേരുകളിൽ പല പദ്ധതികളിലായി പണം ഉണ്ടാക്കാനുള്ള ശ്രമങ്ങൾ നടത്തുന്നുണ്ടെന്നും സ്വപ്ന സുരേഷ് തുറന്നടിച്ചിരിക്കുകയാണ്.

ആദ്യതവണ അധികാരത്തിൽ ഇരുന്ന 5 വർഷവും പണം ഉണ്ടാക്കാനുള്ള ശ്രമം മുഖ്യമന്ത്രി നടത്തിയിട്ടുണ്ടെന്നും സ്വപ്ന ഗുരുതരമായി ആരോപിച്ചിരിക്കുകയാണ് . ഇതിന്റേയെല്ലാം തെളിവുകൾ തന്റെ കയ്യിലുണ്ടെന്നും സ്വപ്‍ന പറഞ്ഞു. സ്പ്രിംഗ്ലറിൽ മാത്രം ഒതുങ്ങുന്നതല്ല അത്.' ഇക്കാര്യങ്ങളെല്ലാം ഇഡിയ്ക്ക് മുന്നിൽ പറഞ്ഞിട്ടുണ്ടെന്നും സ്വപ്‌ന ഒരു മാധ്യമത്തോട് തുറന്ന് പറഞ്ഞിട്ടിരിക്കുകയാണ്.

അന്വേഷണം കൃത്യമായ രീതിയിൽ മുന്നോട്ട് പോയാൽ എല്ലാം പുറത്ത് വരുമെന്നും സ്വപ്‍ന വെല്ലുവിളിച്ചിരിക്കുകയാണ് . തനിക്കറിയാവുന്നതെല്ലാം കൃത്യസമയത്ത് വെളിപ്പെടുത്തുമെന്നും സ്വപ്ന സുരേഷ് വീണ്ടും മുഖ്യമന്ത്രിക്കെതിരെ പറഞ്ഞിരിക്കുകയാണ്. അതേസമയം മുഖ്യമന്ത്രിക്കെതിരെയും കുടുംബത്തിനെതിരെയും ഗുരുതര ആരോപണങ്ങൾ സ്വപ്ന സുരേഷ് ഉന്നയിച്ചിരുന്നു എന്നത് ശ്രദ്ധേയമായ കാര്യമാണ്. ഇത്തരത്തിൽ മുഖ്യമന്ത്രിക്കെതിരെ നിരവധി ആരോപണങ്ങളായിരുന്നു ഉന്നയിച്ചത്.

ഇതിനു പിന്നാലെ തന്നെ സമർദത്തിലാക്കാൻ സർക്കാർ പോലീസിനെ ദുരുപയോഗം ചെയ്യുകയാണെന്ന ആരോപണവുമായി സ്വപ്നാ സുരേഷ് ഹൈക്കോടതിയെ സമീപിച്ചിരുന്നു. . പോലീസിനെ തനിക്കെതിരെ ഉപയോഗിക്കുകയാണെന്ന ആരോപണം നേരത്തെയും സ്വപ്ന ഉന്നയിച്ചിരുന്നു. അതേസമയം സിപിഎം നേതാക്കൾക്കെതിരെ സ്വപ്ന സുരേഷ് നടത്തിയ വെളിപ്പെടുത്തലുകളിൽ ദേശീയ വനിത കമ്മീഷനോട് നടപടി ആവശ്യപ്പെട്ട് ബിജെപി നേതാവ് ശോഭ സുരേന്ദ്രൻ രംഗത്ത് വന്നിരുന്നു .