തുഷാര് തെലുങ്കാന... എല്ലാ സംസ്ഥാനങ്ങളിലും ബിജെപിയെ ഭരണത്തില് എത്തിക്കുക എന്ന ലക്ഷ്യത്തില് തുഷാര് വെള്ളാപ്പള്ളിയുടെ റോളെന്ത്? തെലങ്കാന ഓപ്പറേഷന് കമലത്തിന് പിന്നില് തുഷാര് വെള്ളാപ്പള്ളിയെന്ന് കെസിആര്; ഏജന്റുമാര് ബന്ധപ്പെട്ടതിന് തെളിവ്; 4 എംഎല്എമാര്ക്ക് 100 കോടി
തുഷാര് വെള്ളാപ്പള്ളിയെ അടുത്തിടെ കാണാനേയില്ലായിരുന്നു. ഇപ്പോഴിതാ തെലുങ്കാനയില് നിന്നാണ് പൊങ്ങുന്നത്. ഗുരുതര ആരോപണവുമാണ് തുഷാറിനെതിരെ ഉയരുന്നത്. അതും തെലങ്കാന മുഖ്യമന്ത്രി കെ.ചന്ദ്രശേഖര് റാവു എന്ന കെസിആര്. തെലങ്കാനയില് ബിജെപിയുടെ 'ഓപ്പറേഷന് കമല'യ്ക്കു പിന്നില് ബിഡിജെഎസ് അധ്യക്ഷന് തുഷാര് വെള്ളാപ്പള്ളിയാണെന്ന ആരോപമണമാണ് കെ.ചന്ദ്രശേഖര് റാവു ഉന്നയിക്കുന്നത്.
കേന്ദ്ര ആഭ്യന്തര മന്ത്രി അമിത് ഷായുടെ നേരിട്ടുള്ള നോമിനിയാണ് തുഷാറെന്നും ഏജന്റുമാര് തുഷാറിനെയാണ് ബന്ധപ്പെട്ടതെന്നും അദ്ദേഹം ആരോപിച്ചു. തെലങ്കാന രാഷ്ട്ര സമിതിയിലെ (ടിആര്എസ്) നാലു എംഎല്എമാരെ സ്വാധീനിക്കാന് ശ്രമിച്ച മൂന്നുപേരെ കോടിക്കണക്കിനു രൂപയുമായി പൊലീസ് പിടികൂടിയിരുന്നു. നാല് എംഎല്എമാരെ നൂറു കോടി രൂപ നല്കി ബിജെപി പാളയത്തിലെത്തിക്കാനായിരുന്നു ശ്രമമെന്ന് പറഞ്ഞു.
പ്രത്യേക വാര്ത്താസമ്മേളനം വിളിച്ചാണ് കെസിആര് വിഡിയോ പുറത്തുവിട്ടത്. തെലങ്കാനയ്ക്കു പുറമെ, ആന്ധ്രപ്രദേശ്, ഡല്ഹി, രാജസ്ഥാന് സര്ക്കാരുകളെയും അട്ടിമറിക്കാന് ശ്രമിച്ചെന്ന് ആരോപിച്ച കെസിആര്, എംഎല്എമാരെ സ്വാധീനിക്കാന് ശ്രമിക്കുന്നതിന്റെ വിഡിയോ ദൃശ്യങ്ങളും പുറത്തുവിട്ടു.
വിഡിയോ സുപ്രീം കോടതിയിലെയും ഹൈക്കോടതികളിലെയും ഉന്നത ജഡ്ജിമാര്ക്കും പ്രതിപക്ഷ നേതാക്കള്ക്കും അയയ്ക്കുമെന്ന് അദ്ദേഹം പറഞ്ഞു. രെഗകന്തറാവു, ഗുവാല ബാലരാജു, ബീരം ഹര്ഷവര്ധന് റെഡ്ഡി, പൈലറ്റ് രോഹിത് റെഡ്ഡി എന്നീ എംഎല്എമാരെ സ്വാധീനിക്കാന് ശ്രമിച്ച രാമചന്ദ്ര ഭാരതി എന്ന സതീഷ് ശര്മ, നന്ദകുമാര്, സിംഹയാജി സ്വാമിത് എന്നിവരെയാണു പൊലീസ് പിടികൂടിയത്.
തെലങ്കാനയിലെ ബിജെപിയുടെ 'ഓപ്പറേഷന് കമലത്തിന്' പിന്നില് തുഷാര് വെള്ളാപ്പള്ളിയാണെന്നും അറസ്റ്റിലായ മൂന്ന് ഏജന്റുമാരും ബന്ധപ്പെട്ടത് തുഷാറിനെയായിരുന്നുവെന്നും കെസിആര് ആരോപിച്ചു. സര്ക്കാരിനെ അട്ടിമറിക്കാനുള്ള മുഴുവന് ഓപ്പറേഷന്റെയും ചുമതല തുഷാര് വെള്ളാപ്പള്ളിക്കായിരുന്നുവെന്നാണ് തെലങ്കാന മുഖ്യമന്ത്രി വാര്ത്താസമ്മേളനത്തില് ആരോപിച്ചത്. കേസില് അറസ്റ്റിലായ മൂന്ന് ഏജന്റുമാരും തുഷാറിറെ ബന്ധപ്പെട്ടതിന്റെ ഫോണ്വിവരങ്ങളും അദ്ദേഹം പുറത്തുവിട്ടു.
തുഷാര്, അമിത് ഷായുടെ നേരിട്ടുള്ള നോമിനിയാണെന്നും കെസിആര് ആരോപിച്ചു. 100 കോടിയാണ് സര്ക്കാരിനെ അട്ടിമറിക്കാന് തുഷാര് വാഗ്ദാനം ചെയ്തത്. ഇതിന്റെ കൃതമായ തെളിവുകളുണ്ടെന്നും അദ്ദേഹം പറഞ്ഞു. നാല് സര്ക്കാരുകളെ അട്ടിമറിക്കാനായിരുന്നു ഇത്തവണത്തെ പദ്ധതി. തെലങ്കാനക്ക് പുറമെ ആന്ധ്ര പ്രദേശ്, ദില്ലി, രാജസ്ഥാന് സര്ക്കാരുകളെ കൂടി വീഴ്ത്താനായിരുന്നു പദ്ധതിയിട്ടത്. ഏജന്റുമാര് ടിആര് എസ് എംഎല്എമാരോട് ഇക്കാര്യം വെളിപ്പെടുത്തുന്ന വീഡിയോയും കെസിആര് പുറത്തുവിട്ടു.
ഇതുവരെ എട്ട് സര്ക്കാരുകളെ വീഴ്ത്തിയെന്ന് ഏജന്റുമാര് വെളിപ്പെടുന്ന വീഡിയോയും പുറത്തുവന്നു. എല്ലാ ഓപ്പറേഷനുകള്ക്ക് പിന്നിലും ഒരേ ടീമാണ്. തുഷാറിന്റെ നിര്ദേശപ്രകാരമാണ് ഇവര് പ്രവര്ത്തിച്ചതെന്നും തെലങ്കാന മുഖ്യമന്ത്രി തുറന്നടിച്ചു. നിലവില് കേരള എന്ഡിഎ കണ്വീനറാണ് തുഷാര്. എന്നാല് ഉയര്ന്ന ആരോപണത്തോട് പ്രതികരിക്കാന് തുഷാര് തയ്യാറായില്ല.
തെലങ്കാനയില് ബിജെപിക്കെതിരെ ഓപ്പറേഷന് താമര ആരോപണം ആവര്ത്തിക്കുകയാണ് മുഖ്യമന്ത്രി കെ ചന്ദ്രശേഖര് റാവു. എംഎല്എമാരെ പണം നല്കി ചാക്കിലാക്കാന് ബിജെപി നടത്തിയ ശ്രമത്തിന്റെ വീഡിയോ, കോള് റെക്കോര്ഡിംഗ് തെളിവുകളടക്കം പുറത്ത് വിട്ടാണ് കെസിആര് ഓപ്പറേഷന് താമര ആരോപണം ആവര്ത്തിച്ചത്. മാധ്യമങ്ങള്ക്ക് മുന്നില് കൈക്കൂപ്പിയ കെസിആര്, രാജ്യത്തെ രക്ഷിക്കൂവെന്ന് സുപ്രീംകോടതിയോടും മാധ്യമങ്ങളോടും അഭ്യര്ത്ഥിച്ചു. ഹൈദരാബാദില് പ്രത്യേക വാര്ത്താസമ്മേളനം വിളിച്ച കെസിആര്, ബിജെപി ഏജന്റുമാരുടെ ഇടപെടല് വ്യക്തമാക്കുന്ന വീഡിയോ തെളിവുകളും ഫോണ് രേഖകളും മാധ്യമങ്ങള്ക്ക് കൈമാറി.
"
https://www.facebook.com/Malayalivartha
