നെടുമങ്ങാട് റോഡ് ടെസ്റ്റിനിടെ ഗർഭിണിയോട് അപമര്യാദയായി പെരുമാറിയ ഉദ്യോഗസ്ഥനെ അറസ്റ്റ് ചെയ്തു. റോഡ് ടെസ്റ്റിനിടെ ഗർഭിണിയായ ബാങ്ക് മാനേജരോട് അപമര്യാദയായി പെരുമാറിയ കേസിൽ വെഹിക്കിൾ ഇൻസ്‌പെക്ടറെയാണ് പോലീസ് അറസ്റ്റ് ചെയ്തത്.

അതേസമയം സംഭവത്തിൽ നെടുമങ്ങാട് മോട്ടോർ വെഹിക്കിൾ ഇൻസ്‌പെക്ടർ അനസ് മുഹമ്മദിനെയാണ്(40) നെടുമങ്ങാട് പോലീസ് അറസ്റ്റ് ചെയ്തത്. മാത്രമല്ല ഡ്രൈവിംഗ് ലൈസൻസിനായി ആനാട് ഡ്രൈവിംഗ് സ്‌കൂൾ ഗ്രൗണ്ടിൽ നിന്ന് ബാങ്ക് ഉദ്യോഗസ്ഥയായ യുവതിയെ റോഡ് ടെസ്റ്റിന് കൊണ്ടു പോകുന്നതിനിടെയാണ് പരാതിക്കിടയായ സംഭവം നടന്നത്.

തുടർന്ന് സ്ത്രീത്വത്തെ അപമാനിക്കുന്ന തരത്തിൽ മോശമായി സംസാരിക്കുകയും അസഭ്യം വിളിക്കുകയും ചെയ്ത കുറ്റത്തിനാണ് അറസ്റ്റ് രേഖപ്പെടുത്തിയിരിക്കുന്നത്. സംഭവത്തിന് പിന്നാലെ ബാങ്ക് ഉദ്യോഗസ്ഥ പോലീസിൽ പരാതി നൽകുകയായിരുന്നു.