ഭര്‍ത്താവിനു പിന്നാലെ ഭാര്യയും.....ദേശീയപാതയില്‍ ഹരിപ്പാട് താമല്ലാക്കലില്‍ ദമ്പതികള്‍ സഞ്ചരിച്ച ബൈക്കില്‍ കാറിടിച്ചുണ്ടായ അപകടത്തില്‍ പരിക്കേറ്റ് ചികിത്സയിലായിരുന്ന ഭാര്യയും മരിച്ചു.

പുള്ളിക്കണക്കു കന്നിമേല്‍ മിനി (42, രജനി) യാണ് മരിച്ചത്. അപകടത്തില്‍ ഭര്‍ത്താവ് ചന്ദ്രബാബു (വാവാച്ചി) നേരത്തെ മരിച്ചിരുന്നു. ഈ മാസം 11-നാണ് അപകടം ഉണ്ടായത്. വൈക്കത്ത് നിന്നും കൊല്ലത്തേക്ക് പോയ കാര്‍ മറ്റൊരു വാഹനത്തെ മറികടക്കുന്നതിനിടയില്‍ ഹരിപ്പാട് ഭാഗത്തുനിന്നും കരുവാറ്റയിലേക്ക് പോവുകയായിരുന്ന ചന്ദ്രബാബുവും ഭാര്യ രജനിയും സഞ്ചരിച്ചിരുന്ന ബൈക്കില്‍ ഇടിക്കുകയായിരുന്നു. മക്കള്‍. അരുണ്‍ബാബു, അഖില്‍ബാബു.

അതേസമയം 25-ന് ഇവര്‍ പുതുതായി പണികഴിപ്പിച്ച വീടിന്റെ വാസ്തുബലിയാണ്. ഇതിന് ബന്ധുക്കളെയും സുഹൃത്തുക്കളെയും ക്ഷണിക്കുന്നതിനായി പോകുന്ന വഴിയാണ് അപകടം ജീവനെടുത്തത്.