മെഡിക്കല്‍ കോളേജില്‍ യുവാവിനെ സുരക്ഷാ ജീവനക്കാര്‍ മര്‍ദ്ദിച്ചു. പാങ്ങോട് സ്വദേശിയായ അഫ്‌സലിനാണ് മര്‍ദനമേറ്റത്. തിരുവനന്തപുരം മെഡിക്കല്‍ കോളേജിലെ ഒ പി ബ്‌ളോക്കിലെ സെക്യൂരിറ്റി മേധാവിയുടെ മുറിക്ക് മുന്നിലായിരുന്നു സംഭവം. ഒ പി സമയം കഴിഞ്ഞതിന് ശേഷവും ബ്‌ളോക്കില്‍ ഇരുന്നതിനെ തുടര്‍ന്നുണ്ടായ തര്‍ക്കമാണ് മര്‍ദ്ദനത്തില്‍ കലാശിച്ചതെന്നാണ് വിവരം. എന്നാല്‍ ഒ പിയില്‍ ഇരുന്ന് അഫ്‌സല്‍ മദ്യപിച്ചത് ചോദ്യം ചെയ്തതാണ് സംഭവത്തിന് തുടക്കമിട്ടതെന്നാണ് സുരക്ഷാ വിഭാഗത്തിന്റെ വിശദീകരണം.