അമേരിക്കക്കാരുടെ ഉറക്കം കെടുത്തിയിരിക്കുകയാണ് ചൈനീസ് ചാര ബലൂണുകള്‍. യുഎസ് ആകാശത്തെത്തിയ ചൈനീസ് ചാര ബലൂണ്‍ അമേരിക്ക വെടിവെച്ച് വീഴ്ത്തി. സൗത്ത് കാരലൈന തീരത്തിനടുത്ത് അറ്റ്‌ലാന്റിക് സമുദ്രത്തിന് മുകളില്‍ ബലൂണ്‍ പ്രവേശിച്ചപ്പോഴാണ് അമേരിക്കന്‍ സൈന്യം യുദ്ധ വിമാനങ്ങളിലെ മിസൈല്‍ ഉപയോഗിച്ച് വെടിവെച്ച് വീഴ്ത്തിയത്.

പ്രസിഡന്റ് ജോ ബൈഡന്‍ അനുമതി നല്‍കിയതിനെ തുടര്‍ന്നാണ് ശനിയാഴ്ച്ച ഉച്ചക്ക് ബലൂണിനെ തകര്‍ത്തത്. കടലില്‍ വീണ ബലൂണിന്റെ അവശിഷ്ടങ്ങള്‍ വീണ്ടെടുത്ത് പരിശോധിക്കും. യുഎസിന്റെ ആകാശത്തേക്കു വഴിതെറ്റിയാണ് ബലൂണ്‍ എത്തിയതെന്നാണ് ചൈനീസ് അവകാശവാദം.

ബലൂണ്‍ വെടിവച്ചു വീഴ്ത്താന്‍ പ്രസിഡന്റ് ബൈഡന്‍ അനുമതി നല്‍കിയതിനു പിന്നാലെ അറ്റ്‌ലാന്റിക് സമുദ്രത്തിന്റെ 100 ചതുരശ്രകിലോമീറ്റര്‍ പരിധിയിലുള്ള വിമാനത്താവളങ്ങളില്‍ നിന്നുള്ള സര്‍വീസുകള്‍ റദ്ദാക്കിയിരുന്നു. മൂന്നു സ്‌കൂള്‍ ബസുകളുടെ വലുപ്പമുള്ള, 60,000 അടി ഉയരത്തില്‍ പറക്കുന്ന ബലൂണ്‍ കടുത്ത ആശങ്കയാണ് ഉയര്‍ത്തിയത്.

ജനവാസമേഖലയിലൂടെ സഞ്ചരിച്ചുക്കുമ്പോള്‍ വെടിവച്ചാല്‍ അവശിഷ്ടങ്ങള്‍ പതിച്ച് അപകടമുണ്ടാകാന്‍ സാധ്യതയുള്ളതിനാലാണ് വെടിവെപ്പ് വൈകിയത്. ബലൂണ്‍ കടലിന് മീതെ പ്രവേശിച്ചയുടന്‍ വെടിവെക്കാന്‍ അനുമതി ലഭിച്ചു. അതേസമയം, ബലൂണിനെത്തുറിച്ച് യുഎസ് വ്യോമാതിര്‍ത്തിയില്‍ പ്രവേശിക്കുന്നതിനു മുന്‍പ് ബൈഡന് അറിയാമായിരുന്നെന്നും അക്കാര്യം അദ്ദേഹം മറച്ചുവച്ചെന്നും ആരോപണമുയര്‍ന്നു. ബലൂണ്‍ വിവാദത്തെ തുടര്‍ന്ന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍ ചൈനീസ് യാത്ര റദ്ദാക്കിയിരുന്നു.

അതേസമയം ചൈനയുടെ ചാരബലൂണ്‍ ലാറ്റിന്‍ അമേരിക്കയിലും കണ്ടെത്തിയതായി റിപ്പോര്‍ട്ട്. യുഎസ് പ്രതിരോധ വിഭാഗമായ പെന്റഗണ്‍ വക്താവ് പാറ്റ് റൈഡര്‍ ആണ് ഇക്കാര്യം സ്ഥിരീകരിച്ചത്. ലാറ്റിന്‍ അമേരിക്കയില്‍ കണ്ടെത്തിയ ചാരബലൂണിനെ അമേരിക്കന്‍ പ്രതിരോധ വിഭാഗം ഉദ്യോഗസ്ഥര്‍ ഇപ്പോള്‍ നിരീക്ഷിച്ചു വരികയാണ്.

ആദ്യ ചാര ബലൂണ്‍ കണ്ടെത്തിയ മൊണ്ടാന പൊതുവില്‍ ജനസാന്ദ്രത കുറഞ്ഞ പ്രദേശമാണ്. മോണ്ടാനയിലെത്തുന്നതിനു മുന്‍പ് കാനഡയിലും ബലൂണ്‍ കണ്ടിരുന്നതായി അവിടത്തെ പ്രതിരോധവൃത്തങ്ങള്‍ അറിയിച്ചു. കാനഡയുമായി അതിര്‍ത്തി പങ്കിടുന്ന മോണ്ടാന സൈനികപരമായി യുഎസിന് ഏറെ പ്രാധാന്യമുള്ള പ്രദേശമാണ്.

അതേസമയം ചൈനയുടെ ചാരബലൂണ്‍ ലാറ്റിന്‍ അമേരിക്കയിലും കണ്ടെത്തിയതായി റിപ്പോര്‍ട്ട്. യുഎസ് പ്രതിരോധ വിഭാഗമായ പെന്റഗണ്‍ വക്താവ് പാറ്റ് റൈഡര്‍ ആണ് ഇക്കാര്യം സ്ഥിരീകരിച്ചത്. അമേരിക്കയിലെ മോണ്ടാനയിലാണ് ആദ്യത്തെ ചാര ബലൂണ്‍ കണ്ടെത്തിയത്. അതിനു തൊട്ടു പിന്നാലെയാണ് ഇപ്പോള്‍ ലാറ്റിന്‍ അമേരിക്കയിലും കണ്ടെത്തിയിരിക്കുന്നത്.

ലാറ്റിന്‍ അമേരിക്കയില്‍ കണ്ടെത്തിയ ചാരബലൂണിനെ അമേരിക്കന്‍ പ്രതിരോധ വിഭാഗം ഉദ്യോഗസ്ഥര്‍ ഇപ്പോള്‍ നിരീക്ഷിച്ചു വരികയാണ്. മൂന്നു ബസുകളുടെ വലിപ്പമാണ് ഈ ചൈനീസ് ചാര ബലൂണിന് ഉള്ളത് എന്നാണ് പുറത്തുവരുന്ന റിപ്പോര്‍ട്ടുകള്‍. ഇതോടെ യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെന്‍ തന്റെ ചൈന സന്ദര്‍ശനം മാറ്റിവച്ചു.

സിഎന്‍എന്‍ റിപ്പോര്‍ട്ട് ചെയ്യുന്നതനുസരിച്ച് ഏതു രാജ്യത്തിനു മുകളിലൂടെയാണ് ഇപ്പോള്‍ ബലൂണ്‍ സഞ്ചരിച്ചുകൊണ്ടിരിക്കുന്നത് എന്ന കാര്യം വ്യക്തമല്ല. ആദ്യ ചാര ബലൂണ്‍ കണ്ടെത്തിയ മൊണ്ടാന പൊതുവില്‍ ജനസാന്ദ്രത കുറഞ്ഞ പ്രദേശമാണ്. മോണ്ടാനയിലെത്തുന്നതിനു മുന്‍പ് കാനഡയിലും ബലൂണ്‍ കണ്ടിരുന്നതായി അവിടത്തെ പ്രതിരോധവൃത്തങ്ങള്‍ അറിയിച്ചു. കാനഡയുമായി അതിര്‍ത്തി പങ്കിടുന്ന മോണ്ടാന സൈനികപരമായി യുഎസിന് ഏറെ പ്രാധാന്യമുള്ള പ്രദേശമാണ്.

ചൈന യുഎസ് വ്യോമാതിര്‍ത്തി ലംഘിച്ചതിനെ കുറിച്ച് പ്രസിഡന്റ് ബൈഡനെ അറിയിച്ചിട്ടുണ്ടെന്നും അദ്ദേഹം സാഹചര്യം സൂക്ഷ്മമായി നിരീക്ഷിച്ചു വരികയാണെന്നും വൈറ്റ് ഹൗസ് പറഞ്ഞു.