ബാംഗ്ലൂരിൽ നിന്ന് എത്തിച്ച 30 ലക്ഷത്തിന്റെ കള്ളനോട്ടുകൾ പലർക്കായി വിതരണം ചെയ്തു, ആലപ്പുഴയിൽ ബാങ്കിൽ കള്ളനോട്ടുകൾ മാറാനെത്തിയ കേസില് കണ്ണൂർ സ്വദേശി കൂടി പിടിയിൽ
ആലപ്പുഴയിൽ ബാങ്കിൽ കള്ളനോട്ടുകൾ മാറാനെത്തിയ കേസില് ഒരാൾ കൂടി പിടിയിൽ. കണ്ണൂർ പുളിക്കൽ പഞ്ചായത്ത് കല്ലുംപറമ്പിൽ വീട്ടിൽ അഖിൽ ജോർജ്ജിനെയാണ് (30) കായംകുളം പോലീസ് അറസ്റ്റു ചെയ്തത്. എറണാകുളത്ത് നിന്നാണ് ഇയാൾ പിടിയിലായത്.
കായംകുളം ബാങ്കിൽ ആണ് കള്ളനോട്ട് മാറാനെത്തിയത്. കേസിലെ ഒമ്പതാം പ്രതിയായ സനീറിനൊപ്പം ബാംഗ്ലൂരിൽ നിന്നും 30 ലക്ഷം രൂപയുടെ കള്ളനോട്ടുകൾ വാങ്ങി പലർക്കായി വിതരണം ചെയ്തവരിൽ ഒരാളാണ് അഖിൽ ജോർജ്ജ്.
അഖിലിനെ കസ്റ്റഡിയിൽ വാങ്ങി കൂടുതൽ അന്വേഷണം നടത്തേണ്ടതുണ്ടെന്ന് കായംകുളം സിഐ അറിയിച്ചു. കേസിൽ ഒന്നു മുതൽ 9 വരെയുള്ള പ്രതികളെ നേരത്തേ അറസ്റ്റ് ചെയ്തിരുന്നു.
https://www.facebook.com/Malayalivartha