ഇനി വിദ്യാഭ്യാസയോഗ്യതയും സ്വയം തിരുത്താം .... ഉദ്യോഗാര്ത്ഥികള്ക്ക് പ്രൊഫൈലിലെ വിദ്യാഭ്യാസ യോഗ്യത കൂടി തിരുത്താനുള്ള സംവിധാനം ലഭ്യമാക്കി കേരള പബ്ലിക് സര്വ്വീസ് കമ്മീഷന്
ഇനി വിദ്യാഭ്യാസയോഗ്യതയും സ്വയം തിരുത്താം .... ഉദ്യോഗാര്ത്ഥികള്ക്ക് പ്രൊഫൈലിലെ വിദ്യാഭ്യാസ യോഗ്യത കൂടി തിരുത്താനുള്ള സംവിധാനം ലഭ്യമാക്കി കേരള പബ്ലിക് സര്വ്വീസ് കമ്മീഷന്
ഉദ്യോഗാര്ത്ഥികള്ക്ക് പ്രൊഫൈലിലെ വിദ്യാഭ്യാസ യോഗ്യത കൂടി തിരുത്താനുള്ള സംവിധാനം ലഭ്യമാക്കി കേരള പബ്ലിക് സര്വ്വീസ് കമ്മീഷന്. പ്രൊഫൈലിലെ വ്യക്തിഗത വിവരങ്ങള്, സമുദായം എന്നിവ തിരുത്താനുള്ള സൗകര്യം ഇതിനകം തന്നെ ലഭ്യമാക്കിയിട്ടുണ്ടായിരുന്നു. ഇത്തരം ആവശ്യങ്ങള്ക്കായി ഇനി മുതല് പി. എസ്. സി. ഓഫിസില് നേരിട്ട് ഹാജരാകേണ്ടതില്ല.
ജനന തീയ്യതി, ഫോട്ടോ, ഒപ്പ് എന്നിവ സ്വയം തിരുത്തുവാനാകില്ല. അവയ്ക്ക് നിലവിലുള്ള രീതി തുടരും. തിരുത്തലുകള് ഉദ്യോഗാര്ത്ഥികളുടെ അറിവോടെ തന്നെ നടക്കുന്നുവെന്ന് ഉറപ്പു വരുത്തുവാന് ഒ. ടി. പി രീതിയും ഏര്പ്പെടുത്തി. സ്വയം വരുത്തുന്ന മാറ്റങ്ങള് പ്രമാണ പരിശോധന സമയത്ത് ഉദ്യോഗാര്ത്ഥികള് രേഖാമൂലം തെളിയിക്കണം.
അതേസമയം പി എസ് സിയുടെ ഒറ്റത്തവണ രജിസ്ട്രേഷന് പ്രൊഫൈലിലെ വിവരങ്ങള് ഉദ്യോഗാര്ത്ഥികള്ക്ക് ഇനി സ്വയം തിരുത്താനാകുന്നതാണ്. ജനുവരി 26 മുതല് ഈ സൗകര്യം ലഭ്യമായിട്ടുണ്ട്
പേര്, ജനനതീയതി, ഫോട്ടോ, ഒപ്പ് എന്നിവ ഒഴികെയുള്ള വിവരങ്ങളാണ് സ്വയം തിരുത്താന് സാധിക്കുക. സമുദായം യോഗ്യത എന്നിവയുമായി ബന്ധപ്പെട്ട തിരുത്തലുകളും സ്വയം ചെയ്യാം. ഇതിന് പി എസ് സി ഓഫീസില് നേരിട്ട് പോകേണ്ടതില്ല. ഒറ്റത്തവണ വേരിഫിക്കേഷന് സര്ട്ടിഫിക്കറ്റ് ലഭിച്ചവര്ക്കും ലഭിക്കാത്തവര്ക്കും നേരിട്ടുള്ള തിരുത്തല് സാധ്യമാണ്. വേരിഫിക്കേഷന് സര്ട്ടിഫിക്കറ്റ് ലഭിച്ചവര് സ്വയം വരുത്തിയ തിരുത്തലുകള് അടുത്ത സര്ട്ടിഫിക്കറ്റ് പരിശോധന ഉദ്യോഗസ്ഥരുടെ പരിശോധനക്ക് വിധേയമാക്കണം.
പ്രൊഫൈല് ഉണ്ടെങ്കിലും ഇതുവരെ ഒരു തസ്തികയില് പോലും അപേക്ഷ നല്കാത്തവര്ക്ക് എപ്പോള് വേണമെങ്കിലും തിരുത്തല് വരുത്താവുന്നതാണ്. അപേക്ഷ നല്കിയ ശേഷമുള്ള സ്വയം തിരുത്തലുകള് ആധികാരികമാണെന്ന് ഉറപ്പു വരുത്താന് ഒടിപി സംവിധാനം ഏര്പ്പെടുത്തും. സര്ക്കാര് സര്വ്വീസിലിരിക്കെ അപേക്ഷ സമര്പ്പിച്ചവര്ക്ക് ഈ അവസരം ഉപയോഗിക്കാന് കഴിയില്ല. അവര്ക്ക് നിലവിലുള്ള നടപടിക്രമം തുടരും.
https://www.facebook.com/Malayalivartha
