പ്രകൃതി ടീമിൻ്റെ വക നല്ല സൊയമ്പൻ ബോഡി ഷെയ്മിങ്ങ് ആയോണ്ടാവും പൊ.ക ടീമുകൾ മിണ്ടാട്ടം മുട്ടിയിരിക്കുന്നത്. വേദിയിലിരിക്കുന്ന ഒരു പയ്യനെ ചൂണ്ടികാട്ടി പ്രകൃതി ടീമിലെ സൗബിൻ: ഇവൻ്റെ മുഖം ഒന്ന് ആലോചിച്ച് നോക്കിയേ കണ്ടാൽ മനുഷ്യൻ പേടിച്ച് ചാവൂലെ? . പിന്നെയും അതിൻ്റെ ഇടയിൽ കേറി ഊള സൗബിൻ : നിങ്ങൾ നോക്കിയിട്ട് ഈ കൂട്ടത്തിൽ പ്രേതം ആയിട്ട് തോന്നുന്നവൻ ആരാണെന്ന് പറ. പിന്നീട് ഒരു വൃത്തികെട്ട കിണി! സൗബിനെതിരെ തുറന്നടിച്ച് അഞ്ജു പാർവതി പ്രഭീഷ്. ഫേസ്ബുക്ക് കുറിപ്പ് ഇങ്ങനെ;

പ്രകൃതി ടീമിൻ്റെ വക നല്ല സൊയമ്പൻ ബോഡി ഷെയ്മിങ്ങ് ആയോണ്ടാവും പൊ.ക ടീമുകൾ മിണ്ടാട്ടം മുട്ടിയിരിക്കുന്നത്. വേദിയിലിരിക്കുന്ന ഒരു പയ്യനെ ചൂണ്ടികാട്ടി പ്രകൃതി ടീമിലെ സൗബിൻ: ഇവൻ്റെ മുഖം ഒന്ന് ആലോചിച്ച് നോക്കിയേ കണ്ടാൽ മനുഷ്യൻ പേടിച്ച് ചാവൂലെ? പൊതുവേദിയാണ്. മുന്നിലിരിക്കുന്ന ക്യാമറകണ്ണുകൾക്ക് മുന്നിലാണ് പരസ്യമായ ഈ ബോഡി ഷെയ്മിങ് . ഉള്ളിൽ കരഞ്ഞുകൊണ്ട് ആ പയ്യൻ ചിരിച്ചുവെന്ന് വരുത്തുകയാണ്.

പറഞ്ഞതിലെ വൃത്തികേട് മനസ്സിലാക്കി ആവണം വേറൊരു കക്ഷി സൗബിൻ്റെ കയ്യിൽ നിന്നും മൈക്ക് മേടിച്ച് ടോപിക് മാറ്റാൻ ശ്രമിച്ചത്. പിന്നെയും അതിൻ്റെ ഇടയിൽ കേറി ഊള സൗബിൻ : നിങ്ങൾ നോക്കിയിട്ട് ഈ കൂട്ടത്തിൽ പ്രേതം ആയിട്ട് തോന്നുന്നവൻ ആരാണെന്ന് പറ. പിന്നീട് ഒരു വൃത്തികെട്ട കിണി! എന്നിട്ട് തൊട്ടടുത്തിരിക്കുന്ന ആ നടനെ ചുണ്ടികാണിക്കുന്നു!! ഇത്രമേൽ വെറുപ്പ് തോന്നിയ ഒരു വീഡിയോ അടുത്തിടെ കണ്ടിട്ടേയില്ല. കോമഡി എന്ന പേരിൽ ഒരു സഹപ്രവർത്തകനെ അവൻ്റെ രൂപവും നിറവും വച്ച് കളിയാക്കുന്നു .മുഖമടച്ചുള്ള അധിക്ഷേപിക്കൽ എന്നൊക്കെ കേട്ടിട്ടേ ഉണ്ടായിരുന്നുള്ളു. ഇപ്പോ കണ്ടു!

എന്തൊരു ഭൂലോക തോല്വിയാണ് ഈ സൗബിൻ. രണ്ടീസം മുമ്പ് മൈക്കിളപ്പൻ നടത്തിയ മാതിരി നിർദ്ദോഷമായ ഒരു ചളി ആയിരുന്നില്ല അജാസിൻ്റേത്. നിന്ദ്യവും ക്രൂരവുമായ അപഹാസ്യമാണത്. അത് കാണിക്കുന്നത് അയാളുടെ അപക്വമായ മനോനിലയാണ്. ഒരു ട്വിറ്റിലൂടെ ഫ്രഞ്ചുകാരനായ എംബാപ്പെയെ കളിയാക്കിയതിൻ്റെ പേരിൽ ടി.ജി മോഹൻദാസിനെ പൊ .ക പഠിപ്പിക്കാനിറങ്ങിയ പ്രബുദ്ധരിൽ എത്ര പേർ സൗബിനെ കാണുമെന്നറിയില്ല. എംബാപ്പയോട് നേരിട്ട് അല്ല മോഹൻദാസ് തൻ്റെ കളിയാക്കൽ നടത്തിയത്. ആ ഒരു ട്രോൾ ട്വിറ്റ് എംബാപ്പ കാണാനും വഴിയില്ല.

എന്നിട്ടും അതിലെ ശരികേട് ചൂണ്ടി കാണിക്കാൻ അദ്ദേഹത്തിൻ്റെ രാഷ്ട്രീയ അണികൾ തന്നെ മുന്നിൽ നിന്നു. ഇവിടെ പരസ്യമായി ഒരു പയ്യൻ്റെ മുഖത്ത് നോക്കി ബോഡി ഷെയ്മിങ് നടത്തിയിരിക്കുകയാണ്. സൗബിനെ ചട്ടം പഠിപ്പിക്കാൻ എത്ര പ്രകൃതി - പൊക ടീമുകൾ നിരന്നു നില്ക്കും എന്നറിയാൻ വല്ലാത്ത കൗതുകം.

NB : ആ വീഡിയോയോ പയ്യൻ്റെ ചിത്രമോ പോസ്റ്റുന്നില്ല. കാരണം അതും വീണ്ടും ഒരു തരത്തിലെ അപമാനിക്കലാണ്. അതിനാൽ ആ വൃത്തികെട്ട നടൻ്റെ ചിത്രം മാത്രം പോസ്റ്റുന്നു.ഇവറ്റകൾ നടത്തുന്ന ബോധപൂർവ്വമായ ബോഡി ഷെയ്മിങ് ഒരു തരത്തിലെ സിനിമാ മാർക്കറ്റിങ് ആയതിനാൽ ആ സിനിമയെ കുറിച്ചും പരാമർശിക്കുന്നില്ല.