ബില്ലുകള് ഒപ്പിടുന്നകാര്യത്തില് ഗവര്ണറുടെ തീരുമാനം നീളും.... അഞ്ചു മന്ത്രിമാരെത്തി വിശദീകരിച്ചെങ്കിലും രണ്ടു ബില്ലില് മന്ത്രിമാരുടെ വിശദീകരണം ഗവര്ണര് ഉള്ക്കൊള്ളാനാണ് സാധ്യത.... മറ്റു ബില്ലുകളുടെ കാര്യത്തില് അനിശ്ചിതത്വം തുടരുന്നു, ലോകായുക്തയുടെ അധികാരം കവരുന്ന ബില്ലിലെ വ്യവസ്ഥകളോട് ഗവര്ണര്ക്ക് കടുത്ത വിയോജിപ്പ്
ബില്ലുകള് ഒപ്പിടുന്നകാര്യത്തില് ഗവര്ണറുടെ തീരുമാനം നീളും.... അഞ്ചു മന്ത്രിമാരെത്തി വിശദീകരിച്ചെങ്കിലും രണ്ടു ബില്ലില് മന്ത്രിമാരുടെ വിശദീകരണം ഗവര്ണര് ഉള്ക്കൊള്ളാനാണ് സാധ്യത.... മറ്റു ബില്ലുകളുടെ കാര്യത്തില് അനിശ്ചിതത്വം തുടരുന്നു
മലപ്പുറം ജില്ലാ ബാങ്ക് കേരള ബാങ്കില് ലയിപ്പിക്കുന്നത് സംബന്ധിച്ച ബില് ഗവര്ണര് അംഗീകരിച്ചേക്കും. വഖഫ് ബോര്ഡ് നിയമനങ്ങള് പി.എസ്.സി.ക്ക് വിട്ടത് റദ്ദാക്കുന്ന ബില്ലിലെ വിശദീകരണവും ഉള്ക്കൊള്ളും.
എന്നാല് മില്മ സംഘങ്ങളില് അഡ്മിനിസ്ട്രേറ്റര്മാര്ക്ക് വോട്ടവകാശം നല്കുന്ന ബില്ലിനോട് പൂര്ണ യോജിപ്പില്ലെങ്കിലും ബില്ലിന്റെ ഉള്ളടക്കത്തെ എതിര്ത്തില്ല.
ലോകായുക്തയുടെ അധികാരം കവരുന്ന ബില്ലിലെ വ്യവസ്ഥകളോട് ഗവര്ണര് കടുത്ത വിയോജിപ്പറിയിക്കുകയും ചെയ്തു. ലോകായുക്തയുടെ തീര്പ്പില് മന്ത്രിമാര്ക്കെതിരേയുള്ളതെങ്കില് മുഖ്യമന്ത്രിയും എം.എല്.എ.മാരെ സംബന്ധിക്കുന്നതെങ്കില് സ്പീക്കറും മുഖ്യമന്ത്രിയുമായി ബന്ധപ്പെട്ടതെങ്കില് നിയമസഭയും തീരുമാനമെടുക്കുമെന്നാണ് ബില്ലിലെ വ്യവസ്ഥ.
ഇത് അംഗീകരിക്കാനാകില്ലെന്നാണ് ഗവര്ണറുടെ പക്ഷം. ഈ തീരുമാനമെടുക്കുമ്പോള് അതത് സ്ഥാനത്തുള്ളവര് ജുഡീഷ്യല് അധികാരമാണ് ഉപയോഗിക്കുന്നത്. അതിനവര്ക്ക് അധികാരമില്ലെന്ന് മന്ത്രിമാരോട് ഗവര്ണര് പറഞ്ഞു. ലോകായുക്ത നിയമഭേദഗതി ഓര്ഡിനന്സായി വരുമ്പോള് അതിന്റെ തീര്പ്പിന്മേലുള്ള അധികാരം ഗവര്ണര്ക്കായിരുന്നു. ഓര്ഡിനന്സ് ബില് ആയപ്പോള് അതിന്റെ സ്വഭാവം ആകെ മാറിയെന്നും വ്യക്തമാക്കി ഗവര്ണര് .
സര്വകലാശാലാ നിയമഭേദഗതികളോടും ഗവര്ണര് അതൃപ്തിയറിയിക്കുകയുണ്ടായി. ചാന്സലര് സ്ഥാനത്തു നിന്ന് ഗവര്ണറെ മാറ്റുന്നതിന്റെ ഉദ്ദേശ്യവും കണക്കിലെടുക്കണം.
വി.സി. നിയമനത്തിനുള്ള സമിതിയില് സര്ക്കാരിന് മേല്കൈ ലഭിക്കുംവിധം അംഗങ്ങളെ കൂട്ടിയതും അംഗീകരിക്കാനാകില്ലെന്ന് ഗവര്ണര് വ്യക്തമാക്കി. കാലിക്കറ്റ് സര്വകലാശാല താത്കാലിക സിന്ഡിക്കേറ്റിനെ നിയോഗിക്കാന് ചാന്സലര്ക്ക് നിലവിലെ നിയമത്തില് തന്നെ അധികാരമുണ്ടെന്നിരിക്കെ, അതിനുള്ള അധികാരം സര്ക്കാരിലേക്ക് മാറ്റുന്നതിനോടും ഗവര്ണര് വിയോജിപ്പറിയിക്കുകയുണ്ടായി.
വിയോജിപ്പുള്ള ബില്ലുകള് രാഷ്ട്രപതിയുടെ അംഗീകാരത്തിന് അയക്കുമോയെന്ന കാര്യത്തില് രാജ്ഭവന് തീരുമാനമെടുത്തിട്ടില്ല. ഇന്നലെ ഉത്തരേന്ത്യയിലേക്കുപോയ ഗവര്ണര് മാര്ച്ച് അഞ്ചിനേ മടങ്ങിവരികയുള്ളൂ.
" fra
https://www.facebook.com/Malayalivartha