സംസ്ഥാന സര്ക്കാരിന്റെ 2021ലെ മാധ്യമ പുരസ്കാരങ്ങള് പ്രഖ്യാപിച്ചു. അച്ചടി മാധ്യമ വിഭാഗത്തില് ജനറല് റിപ്പോര്ട്ടിങ്, വികസനോന്മുഖ റിപ്പോര്ട്ടിങ്, ഫൊട്ടോഗ്രഫി, കാര്ട്ടൂണ് എന്നിവയിലും ദൃശ്യ മാധ്യമ വിഭാഗത്തില് ടിവി റിപ്പോര്ട്ടിങ്, സാമൂഹ്യ ശാക്തീകരണ റിപ്പോര്ട്ട്, ടിവി അഭിമുഖം, ടിവി ന്യൂസ് എഡിറ്റിങ്, ടിവി ന്യൂസ് ക്യാമറ, ടിവി ന്യൂസ് റീഡര് എന്നീ വിഭാഗങ്ങളിലുമാണു പുരസ്കാരങ്ങള് പ്രഖ്യാപിച്ചത്.
സംസ്ഥാന സര്ക്കാരിന്റെ 2021ലെ മാധ്യമ പുരസ്കാരങ്ങള് പ്രഖ്യാപിച്ചു. അച്ചടി മാധ്യമ വിഭാഗത്തില് ജനറല് റിപ്പോര്ട്ടിങ്, വികസനോന്മുഖ റിപ്പോര്ട്ടിങ്, ഫൊട്ടോഗ്രഫി, കാര്ട്ടൂണ് എന്നിവയിലും ദൃശ്യ മാധ്യമ വിഭാഗത്തില് ടിവി റിപ്പോര്ട്ടിങ്, സാമൂഹ്യ ശാക്തീകരണ റിപ്പോര്ട്ട്, ടിവി അഭിമുഖം, ടിവി ന്യൂസ് എഡിറ്റിങ്, ടിവി ന്യൂസ് ക്യാമറ, ടിവി ന്യൂസ് റീഡര് എന്നീ വിഭാഗങ്ങളിലുമാണു പുരസ്കാരങ്ങള് പ്രഖ്യാപിച്ചത്.
'കണ്ണില് അച്ഛന്' എന്ന ചിത്രത്തിന് മലയാള മനോരമ ഫൊട്ടോഗ്രഫര് അരുണ് ശ്രീധര് മികച്ച ഫൊട്ടോഗ്രഫര് പുരസ്കാരത്തിന് അര്ഹനായി. മനോരമ ന്യൂസിലെ ഷാനി പ്രഭാകരനാണ് മികച്ച ന്യൂസ് അവതാരകയ്ക്കുള്ള പുരസ്കാരം. മനു എസ്.പിള്ളയുമായി നടത്തിയ അഭിമുഖത്തിന് മനോരമ ന്യൂസിലെ ജയമോഹന് നായര് മികച്ച ടിവി അഭിമുഖത്തിനുള്ള പുരസ്കാരത്തിനും അര്ഹനായി.
ദേശാഭിമാനി ദിനപത്രത്തിലെ വിനോദ് പായം ജനറല് റിപ്പോര്ട്ടിങ്ങിനുള്ള പുരസ്കാരത്തിന് അര്ഹനായി. മാതൃഭൂമി ദിനപത്രത്തിലെ അനു എബ്രഹാമിനാണ് വികസനോന്മുഖ റിപ്പോര്ട്ടിങ്ങിനുള്ള പുരസ്കാരം. മാതൃഭൂമി ദിനപത്രത്തിലെ കെ.കെ.സന്തോഷ് ഫൊട്ടോഗ്രഫി വിഭാഗത്തില് അവാര്ഡ് പങ്കിട്ടു. കാര്ട്ടൂണ് വിഭാഗത്തില് മാതൃഭൂമി ദിനപത്രത്തിലെ കെ. ഉണ്ണികൃഷ്ണന് പുരസ്കാരം നേടി. ദൃശ്യമാധ്യമ വിഭാഗത്തില് ഏഷ്യാനെറ്റ് ന്യൂസിലെ എസ്.ശ്യാംകുമാര് പുരസ്കാരത്തിന് അര്ഹനായി. മാതൃഭൂമി ന്യൂസിലെ എ.യു. അമൃത മികച്ച സാമൂഹ്യ ശാക്തീകരണ റിപ്പോര്ട്ടിനുള്ള പുരസ്കാരം നേടി. ഏഷ്യാനെറ്റ് ന്യൂസിലെ ആര്.പി.കൃഷ്ണപ്രസാദ് മികച്ച ടിവി ന്യൂസ് ക്യാമറയ്ക്കുള്ള പുരസ്കാരത്തിന് അര്ഹനായി. ഏഷ്യാനെറ്റ് ന്യൂസിലെ വി.വിജയകുമാര് മികച്ച ടിവി ന്യൂസ് എഡിറ്റിങ്ങിനുള്ള പുരസ്കാരം നേടി.
പുരസ്കാരങ്ങള് ഫെബ്രുവരി 28നു വൈകിട്ട് 5.30നു തിരുവനന്തപുരം യൂണിവേഴ്സിറ്റി സെനറ്റ് ഹാളില് നടക്കുന്ന ചടങ്ങില് മുഖ്യമന്ത്രി പിണറായി വിജയന് വിതരണം ചെയ്യും. ആര്. പാര്വതീദേവി, കെ.എം. മോഹന്ദാസ്, എസ്.ആര്. സഞ്ജീവ് എന്നിവരടങ്ങിയ ജൂറിയാണ് അച്ചടി മാധ്യമ പുരസ്കാരങ്ങള് നിര്ണയിച്ചത്. കൃഷ്ണ പൂജപ്പുര, വാമനപുരം മണി, എം.കെ.വിവേകാനന്ദന് നായര് എന്നിവരായിരുന്നു കാര്ട്ടൂണ് വിഭാഗം ജൂറി അംഗങ്ങള്. ഡോ. മീന ടി. പിള്ള, കെ. മനോജ് കുമാര്, ടി.എം. ഹര്ഷന് എന്നിവരടങ്ങിയ ജൂറിയാണു ദൃശ്യമാധ്യമ പുരസ്കാരങ്ങള് നിര്ണയിച്ചത്.
https://www.facebook.com/Malayalivartha
