ഇന്നലത്തെ ഒരു നല്ല കാഴ്ച മനസ്സിൽ നിന്നും മായാത്ത കൊണ്ട് മാത്രമാണ് എഴുതുന്നത് . ഒരു ദുരന്തമുഖത്ത്‌ രാഷ്ട്രീയത്തിനപ്പുറം മനുഷ്യത്വത്തോടെ എങ്ങനെ പെരുമാറണം എന്ന് ,എന്തൊക്കെ സംസാരിക്കണം ,എന്തൊക്കെ സംസാരിക്കരുത് ,എന്ന് ചിലരിൽ നിന്നും നമ്മുടെ പല രാഷ്ട്രീയ നേതാക്കൾക്കും പഠിക്കാം എന്ന് തോന്നുന്നു. നിർണായകമായ ഫേസ്ബുക്ക് കുറിപ്പ് പങ്കു വച്ച് ജസ്‌ല മാടശേരി. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

ഇന്നലത്തെ ഒരു നല്ല കാഴ്ച മനസ്സിൽ നിന്നും മായാത്ത കൊണ്ട് മാത്രമാണ് എഴുതുന്നത് .  ഒരു ദുരന്തമുഖത്ത്‌ രാഷ്ട്രീയത്തിനപ്പുറം മനുഷ്യത്വത്തോടെ എങ്ങനെ പെരുമാറണം എന്ന് , എന്തൊക്കെ സംസാരിക്കണം , എന്തൊക്കെ സംസാരിക്കരുത് , എന്ന് ചിലരിൽ നിന്നും നമ്മുടെ പല രാഷ്ട്രീയ നേതാക്കൾക്കും പഠിക്കാം എന്ന് തോന്നുന്നു . എന്റെ ഈ വാളിൽ മുസ്ലിം ലീഗ് നെതിരായ പോസ്റ്റുകൾ നിങ്ങൾ ധാരാളം കണ്ടിട്ടുണ്ടാവാം .

എന്തുകൊണ്ട് ആ രാഷ്ട്രീയ പാർട്ടിയെ എനിക്കുൾക്കൊള്ളാൻ പറ്റുന്നില്ല എന്നതൊക്കെ ഒരുപാട് തവണ എഴുതീട്ടുണ്ട് ..രാഷ്ട്രീയപരമായും ആശയപരമായുമൊക്കെ എനിക്ക് ശക്തമായ വിയോജിപ്പുള്ള ഒരു പാർട്ടി ആണ് മുസ്ലിം ലീഗ് . എന്നാൽ ചില കാര്യങ്ങളിൽ മുസ്ലിം ലീഗിനെ അംഗീകരിക്കാറുമുണ്ട് . നല്ല പ്രവർത്തനങ്ങളെ ..സാമൂഹ്യസേവനങ്ങളെ.  സ്വീകരിക്കുന്ന ചില നയങ്ങളെ. 

നല്ലതിനെ നല്ലതെന്നംഗീകരിക്കാനായില്ലെങ്കിൽ നമ്മളെങ്ങനെ മനുഷ്യരാവും?? കഴിഞ്ഞ ദിവസം മാധ്യമ പ്രവർത്തകർ മുഖ്യമന്ത്രി പിണറായി വിജയനും പാണക്കാട് സയ്യിദ് സാദിഖ്അലി ശിഹാബ് തങ്ങളും കുഞ്ഞാലിക്കുട്ടിയും ഒക്കെ ഉള്ള ഒരു വാർത്താ സമ്മേളനം ആ വാർത്താ സമ്മേളനത്തിൽ മാധ്യമങ്ങൾ സർക്കാരിനെതിരെ ആഞ്ഞടിക്കാനുള്ള കോലുകൾ കുഞ്ഞാലിക്കുട്ടിയുടെയും തങ്ങളുടെയും വായിൽ കോലിട്ടിളക്കി ചോദിക്കുമ്പോളും വളരെ സൗമ്യതയോടെ ..

അത് സംസാരിക്കേണ്ട സമയമല്ല ഇതെന്നും ഇപ്പൊ നമുക്ക് രക്ഷാപ്രവർത്തനത്തിൽ ശ്രദ്ധിക്കണമെന്നും കുടുംബങ്ങളോടൊപ്പം നിൽക്കണമെന്നും നമ്മളോരുമിച്ചു നിൽക്കേണ്ട സമയമാണെന്നും പറയാതെ പറയുന്ന വാക്കുകൾ  മറ്റെല്ലാ കാര്യങ്ങളും സർക്കാരിനൊപ്പം നിന്ന് ഞങ്ങൾ ഒരുമിച്ചു തീരുമാനിച്ചതാണ് ..എന്നൊക്കെ പറയുമ്പോൾ ഞാൻ വളരെ സന്തോഷത്തോടെ സ്നേഹത്തോടെ ആ അഭിപ്രായപക്വതയെ നോക്കി കണ്ടു .. എല്ലായിപ്പോഴും ഈ രീതി അവലംബിക്കുന്നവരല്ല അവരെങ്കിൽ പോലും .. ചില നേരങ്ങളിൽ എന്താണ് ചെയ്യേണ്ടത് എന്ന കൃത്യമായ ബോധ്യം ഉണ്ട്.

എന്നാൽ അതെ സമയം പ്രതിപക്ഷ നേതാക്കളുടെ പരാമർശങ്ങൾ (കോൺഗ്രസ് നേതാക്കളുടെ ) നിങ്ങൾ ശ്രദ്ധിച്ചോ ..ദുരന്തത്തിന്റെ നോവുണങ്ങും മുന്നെ രാഷ്ട്രീയ മുതലെടുപ്പിനുള്ള അട്ടഹാസങ്ങളായിരുന്നു സുധാകരനടക്കമുള്ള നേതാക്കൾ നടത്തിയത് (പറയേണ്ടതല്ല എന്നല്ല ,ദുരന്തമുഖത്തു പുളയുന്ന വേദനകൊണ്ടു പിടയുന്നമനുഷ്യർക്ക് മുൻപിൽ പറയേണ്ടതല്ല എന്നാണു പറഞ്ഞത് ..) സ്വാഭാവികമായും ആ വാർത്ത കണ്ടവർക്ക് തെല്ലൊരു അലോസരം അവരോടു തോന്നിയാൽ കുറ്റം പറയാൻ പറ്റില്ല ..രാഷ്ട്രീയ പക്വത രാഷ്ട്രീയത്തിൽ ഇത്രയുംകാലം പ്രവർത്തിച്ചു ഇടപഴകിയ അനുഭവസമ്പത്തുള്ള ഞങ്ങളുടെ പ്രിയപ്പെട്ട കോൺഗ്രസ് നേതാക്കൾക്കില്ല എന്നത് ഖേദം തന്നെ ... ആരും അത്ഭുതപ്പെടേണ്ട എന്റെ വാൾ തന്നെ ആണ്.