ഇറാൻ മുൻ പരമോന്നത നേതാവായിരുന്ന ആയത്തുല്ല അലി ഖമനയിയുടെ സംസ്കാര ചടങ്ങിൽ മുഖം മറച്ചെത്തിയ ആൾ ആരാണ് ? ഇറാന്റെ പരമോന്നത നേതാവ് മുജ്തബ ഖമനേയി ആയിരുന്നോ ആ മുഖം മറച്ചിരുന്ന വ്യക്തി എന്ന ചോദ്യങ്ങൾ ഉയർന്നിരുന്നു... എന്നാൽ ആ ആളെ തിരിച്ചറിഞ്ഞു. ഒട്ടേറെ അഭ്യൂഹങ്ങൾക്ക് ഇടയാക്കിയ 'മുഖം മറച്ച യുവാവ്' ഖമനയിയുടെ മൂത്ത ചെറുമകനായ മുഹമ്മദ് ജവാദ് ഖമനയിയാണെന്നാണ് റിപ്പോർട്ട് .

മുഖം മറച്ച് സംസ്കാര ചടങ്ങിനെത്തിയത് മുജ്തബ ഖമനയിയാണെന്ന് വ്യാപകമായി പ്രചരിക്കപ്പെട്ടിരുന്നു. പ്രാർഥനയ്ക്കിടെ മുൻ നിരയിലാണ് മുഖം മറച്ചയാൾക്ക് സ്ഥാനം ഉണ്ടായിരുന്നത് . ഈ പരിഗണനയും മുജ്തബയാണെന്ന അഭ്യൂഹങ്ങൾ വർദ്ധിപ്പിച്ചിരുന്നു .

ആയത്തുല്ല അലി ഖമനയിയെ ലക്ഷ്യം വച്ചുള്ള യുഎസ്–ഇസ്രയേൽ ആക്രമണത്തിൽ മുഹമ്മദ് ജവാദ് ഖമനയിയുടെ മുഖത്ത് പരുക്കേറ്റെന്നും ഇതുകാരണമാണ് മുഖം മറച്ച് സംസ്കാര ചടങ്ങിനെത്തിയതെന്നും റിപ്പോർട്ടുകൾ ഉണ്ടായിരുന്നു . കറുത്ത മാസ്ക് ഉപയോഗിച്ചായിരുന്നു മുഖം മറച്ചത്. യുഎസ് ആക്രമണത്തിനുശേഷം, മുജ്തബ പരസ്യമായി പുറത്തിറങ്ങുകയോ പരസ്യമായ പ്രസംഗങ്ങൾ നടത്തുകയോ ചെയ്തിട്ടില്ല. മുജ്തബയ്ക്ക് ആക്രമണത്തിൽ ഗുരുതരമായി പരുക്കേറ്റെ ന്ന് ഒരു വശത്ത് പ്രചാരണം ശക്തമാണ്.