പുതിയ പാര്ലമെന്റ് മന്ദിരത്തിന്റെ ഉദ്ഘാടനം ഈ മാസം 28ന് പ്രധാനമന്ത്രി നരേന്ദ്ര മോദി നിര്വഹിക്കുമെന്ന് ആഭ്യന്തരമന്ത്രി അമിത് ഷാ.... ഉച്ചയ്ക്ക് 12 മണിക്കായിരിക്കും മന്ദിരം രാഷ്ട്രത്തിന് സമര്പ്പിക്കുക. ആസാദി ക അമൃത് മഹോത്സവത്തിന്റെ ഭാഗാമായാണ് മന്ദിര ഉദ്ഘാടനം..
പുതിയ പാര്ലമെന്റ് മന്ദിരത്തിന്റെ ഉദ്ഘാടനം ഈ മാസം 28ന് പ്രധാനമന്ത്രി നരേന്ദ്ര മോദി നിര്വഹിക്കുമെന്ന് ആഭ്യന്തരമന്ത്രി അമിത് ഷാ. ഉച്ചയ്ക്ക് 12 മണിക്കായിരിക്കും മന്ദിരം രാഷ്ട്രത്തിന് സമര്പ്പിക്കുക. ആസാദി ക അമൃത് മഹോത്സവത്തിന്റെ ഭാഗാമായാണ് മന്ദിര ഉദ്ഘാടനം. പ്രധാനമന്ത്രിയുടെ വിശാല കാഴ്ചപ്പാടാണ് പുതിയ മന്ദിരം. എല്ലാ സംസ്കാരങ്ങളുടെയും സയന്വയമാണ്. മന്ദിരം നിര്മ്മാണത്തില് പങ്കാളികളായ 60,000 തൊഴിലാളികളെ മോദി ആദരിക്കും. എല്ലാവരേയും ചടങ്ങിലേക്ക് ക്ഷണിച്ചിട്ടുണ്ടെന്നും അമിത് ഷാ അറിയിച്ചു.
സ്വാതന്ത്ര്യ ദിനരാത്രിയില് ബ്രിട്ടീഷുകാര് ജവഹര്ലാല് നെഹ്റുവിന് കൈമാറിയ അധികാര ദണ്ഡ് (ചെങ്കോല്) പുതിയ പാര്ലമെന്റില് സ്ഥാപിക്കും. നിരവധി പ്രത്യേകതകളുള്ളതാണ് ചെങ്കോല്. 1947, ഓഗസ്റ്റ് 14ന് രാത്രി 10.45നായിരുന്നു ചെങ്കോല് നെഹ്റു തമിഴ്നാട്ടില് വച്ച സ്വീകരിച്ചത്. നിരവധി നേതാക്കളുടെ സാന്നിധ്യത്തിലായിരുന്നു അത്്. തമിഴ് സംസ്കാരത്തില് ചെങ്കോലിന് വലിയ പ്രാധാന്യമുണ്ട്. ചോള സാമ്രാജ്യത്തിന്റെ സുപ്രധാന അധികാര ദണ്ഡ് ആയിരുന്നു. അലഹബാദിലെ മ്യൂസിയത്തില് സൂക്ഷിച്ചിരിക്കുന്ന ഈ അധികാര ദണ്ഡ് ഉദ്ഘാടന വേളയില് തമിഴ്നാട്ടില് നിന്ന് ഏറ്റുവാങ്ങി പ്രധാനമന്ത്രി അത് സ്പീക്കറുടെ കസേരയ്ക്ക് സമീപം സ്ഥാപിക്കുമെന്നും അമിത് ഷാ വ്യക്തമാക്കി.
നന്തിശില്പം പേറുന്ന ചെങ്കോല് ഗംഗാ തീര്ത്ഥം തളിച്ചതാണ്. അധികാരകൈമാറ്റം പൂര്ണ്ണമാകുക ഭാരതീയ സംസ്കാരത്തില് സ്ഥാപിക്കപ്പെടുനേ്പാഴാണ്. വെബ്സൈറ്റിന്റെ ഉദ്ഘാടനവും ആഭ്യന്തരമന്ത്രി നിര്വഹിച്ചു. നിലവിലെ പാര്ലമെന്റ് മന്ദിരത്തിന്റെ ഉദ്ഘാടനം 1927 ജനുവരി 27ന് അന്നത്തെ ഗവര്ണര് ജനറല് ഇര്വിന് പ്രഭുവാണ് നിര്വഹിച്ചതെന്നും അമിത് ഷാ പറഞ്ഞു.
അതേസമയം, പാര്ലമെന്റ് മന്ദിരത്തിന്റെ ഉദ്ഘാടന ചടങ്ങ് ബഹിഷ്കരിക്കാനാണ് 19 പ്രതിപക്ഷ കക്ഷികളുടെ സംയുക്ത തീരുമാനം. രാഷ്ട്രപതിയെ മാറ്റിനിര്ത്തി പ്രധാനമന്ത്രി ഉദ്ഘാടനം ശചയ്യുന്നത് അപമാനകരമാണ്. വേണ്ടത്ര കൂടിയാലോചനകള് ഇല്ലാതെയാണ് മന്ദിരം നിര്മ്മിച്ചത്. ജനാധിപത്യം പുറത്താക്കപ്പെടുമ്പോള് പുതിയ മന്ദിരത്തിന് പ്രസക്തിയുമില്ലെന്ന് പ്രതിപക്ഷ കക്ഷികളുടെ സംയുക്ത പ്രസ്താവനയില് പറയുന്നു.
തൃണമൂല്കോണ്ഗ്രസ് അടക്കമുള്ള കക്ഷികള് സംയുക്ത പ്രസ്താവനയില് ഒപ്പുവച്ചിട്ടുണ്ട്. ചടങ്ങില് പങ്കെടുക്കില്ലെന്ന് ശിവസേന ഉദ്ധവ് താക്കറെ വിഭാഗവും അറിയിച്ചിട്ടുണ്ട്. എന്നാല് ഭാരതീയ രാഷ്ട്രീയ സമിതിയും സുഖ്ബീര് സിംഗ് ബാദലിന്റെ ശിരോമണി അകാലിദളും ഇതുവരെ തീരുമാനം അറിയിച്ചിട്ടില്ല. എന്നാല് ജഗന് മോഹന് റെഡ്ഡിയുടെ വൈഎസ്ആര്കോണ്ഗ്രസ് പാര്ട്ടി ചടങ്ങില് പങ്കെടുക്കും.
https://www.facebook.com/Malayalivartha
