തീ പിടിത്തത്തില് കോവിഡ് അനുബന്ധ സാമഗ്രികള് ഒന്നും തന്നെ കത്തി നശിച്ചിട്ടില്ല, തീപിടുത്തവുമായി ബന്ധപെട്ട് മെഡിക്കല് സര്വീസസ് കോര്പറേഷനെപ്പറ്റി വരുന്ന വാര്ത്തകള് വസ്തുതാവിരുദ്ധമെന്ന് കെ.എം.എസ്.സി.എല്...!!
കൊല്ലം, തിരുവനന്തപുരം ജില്ലാ സംഭരണശാലകളില് നടന്ന തീപിടുത്തവുമായി ബന്ധപെട്ട് മാധ്യമങ്ങളില് വരുന്ന വാര്ത്തകള് തികച്ചും വസ്തുതാ വിരുദ്ധമാണെന്ന് കെ.എം.എസ്.സി.എല്. കത്തി നശിച്ചവയുടെ കൂട്ടത്തില് ആരോപണം ഉന്നയിക്കുന്ന തരത്തിലുള്ള ഒന്നും ഉള്പ്പെട്ടിട്ടില്ല. ബ്ലീച്ചിംഗ് പൗഡറും മറ്റ് കെമിക്കലുകളും മാത്രമാണ് ഉണ്ടായിരുന്നത്. രണ്ടു സംഭരണശാലകളിലും നടന്ന തീ പിടിത്തത്തില് കോവിഡ് അനുബന്ധ സാമഗ്രികള് ഒന്നും തന്നെ കത്തി നശിച്ചിട്ടില്ല.
കേരളത്തിലെ മരുന്ന് സംഭരണവും വിതരണവും നടത്തുന്ന ഏറ്റവും വലിയ സര്ക്കാര് സ്ഥാപനമാണ് കെ.എം.എസ്.സി.എല്. അതിനെതിരെ പല മാധ്യമങ്ങളിലും വരുന്ന തെറ്റിദ്ധാരണാജനകമായ വാര്ത്തകള് ദൗര്ഭാഗ്യകരവും സ്ഥാപനത്തിന്റെ സുഗമമായ പ്രവര്ത്തനങ്ങള്ക്ക് തടസവുമാണ്. സര്ക്കാര് പ്രഖ്യാപിച്ച അന്വേഷണം നടന്നു വരികയാണ്. അതിന് മുമ്പ് വസ്തുതാ വിരുദ്ധമായ ഇത്തരം ആരോപണങ്ങളില് നിന്നും പിന്മാറണമെന്നും കെ.എം.എസ്.സി.എല്. അഭ്യര്ത്ഥിച്ചു.
https://www.facebook.com/Malayalivartha
