പുനലൂരില് പൊട്ടി വീണ വൈദ്യുതി ലൈനില്നിന്ന് ഷോക്കേറ്റ് കോണ്വെന്റിലെ അഗതി മന്ദിരം അന്തേവാസിനി മരിച്ചു.
25 MAY 2023 02:11 PM IST
മലയാളി വാര്ത്ത
പൊട്ടിവീണ വൈദ്യുതി ലൈനില്നിന്ന് ഷോക്കേറ്റ് കോണ്വെന്റിലെ അഗതി മന്ദിരം അന്തേവാസിനി മരിച്ചു. പുനലൂര് മുസാവരികുന്ന് മദര് തെരേസ അഗതിമന്ദിരത്തില് വര്ഷങ്ങളായി താമസിക്കുന്ന തൊളിക്കോട് സ്വദേശിനി പി. പ്രഭ( 52) ആണ് മരിച്ചത്.
ഇന്ന് രാവിലെ 10 മണിയോടെയായിരുന്നു സംഭവം. കോണ്വെന്റ് വളപ്പിലെ പ്ലാവിന് ചുവട്ടില് വീണ ചക്ക എടുക്കാന് മുറിയില്നിന്ന് ഇറങ്ങിയതായിരുന്നു പ്രഭയെന്ന് കോണ്വെന്റ് അധികൃതര് പറഞ്ഞു.
ചക്ക വീണ് വൈദ്യുതി ലൈന് പൊട്ടികിടക്കുന്ന വിവരം അറിയാതെ ലൈനില് ചവിട്ടുകയായിരുന്നുവത്രെ. ഇതോടെ വൈദ്യുതാഘാതം ഏല്ക്കുകയായിരുന്നു. പുനലൂര് പൊലീസ് സ്ഥലത്തെത്തി മേല് നടപടികള് സ്വീകരിക്കുകയും ചെയ്തു.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
