ഈ വർഷത്തെ പ്ലസ് ടു പരീക്ഷാ ഫലം പ്രഖ്യാപിച്ചു. വിദ്യാഭ്യാസ മന്ത്രി വി ശിവൻ കുട്ടിയാണ് പ്രഖ്യാപനം നടത്തിയത്. 2023 മാർച്ചിൽ നടന്ന രണ്ടാം വർഷം ഹയർ സെക്കൻഡറി പരീക്ഷകളുടെ ഫലമാണ് പ്രഖ്യാപിച്ചത്. ഈ വർഷം 4,42,067 വിദ്യാർഥികളാണ് പരീക്ഷയെഴുതിയത്.

82.95 ശതമാനമാണ് ഇത്തവണ. മുൻ വർഷം 83.87 ശതമാനമായിരുന്നു. 78.39 ആണ് വി എച്ച് എസ് ഇ വിജയശതമാനം. സയൻസ് ഗ്രൂപ്പിൽ 87.31 ശതമാനം വിജയം ഉണ്ടായപ്പോൾ ഹ്യുമാനിറ്റിസ് വിഭാഗത്തിൽ 71.93 ശതമാനവും കൊമേഴ്സിൽ 82.75 ശതമാനം വിജയവുമാണ് ഉണ്ടായത്.

ജൂൺ 21 മുതൽ സേ പരീക്ഷ നടക്കും.സംസ്ഥാനത്ത് ഇത്തവണ 77 സ്കൂളുകൾക്ക് നൂറുമേനി വിജയം നേടി. ഏറ്റവും കൂടുതൽ വിജയം എറണാകുളത്താണ് (87.55ശതമാനം). ഏറ്റവും കുറവ് പത്തനംതിട്ട (76.59ശതമാനം) ജില്ലയിലാണ്.

ഇന്ന് വൈകീട്ട് നാല് മണി മുതൽ www.results.kite.kerala.gov.in , www.keralaresults.nic.in , www.results.kerala.gov.in , www.examresults.kerala.gov.in , www.prd.kerala.gov.in എന്നീ വെബ്സൈറ്റുകളിലും SAPHALAM 2023, PRD Live, iExaMS-Kerala എന്നീ മൊബൈൽ ആപ്ലിക്കേഷനുകളിലും ഫലം ലഭിക്കും.

ഏപ്രിൽ മൂന്ന് മുതൽ മെയ് ആദ്യവാരം വരെ മൂല്യനിർണയ ക്യാമ്പുകൾ നടന്നു. വൊക്കേഷണൽ ഹയർ സെക്കൻഡറി വിഭാഗത്തിൽ 30740 വിദ്യാർഥികളാണ് പരീക്ഷയെഴുതിയത്. ഏപ്രിൽ മൂന്ന് മുതലാണ് വൊക്കേഷണൽ ഹയർ സെക്കൻഡറി വിഭാഗത്തിൽ മൂല്യനിർണയം നടന്നത്. ഇത്തവണ ഗ്രേസ് മാർക്ക് അനുവദിച്ചിട്ടുണ്ട്.