കോഴിക്കോട് വീട്ടുമുറ്റത്ത് നില്ക്കവേ ഇടിമിന്നലേറ്റ് വീട്ടമ്മയ്ക്ക് ദാരുണാന്ത്യം
കോഴിക്കോട് വീട്ടുമുറ്റത്ത് നില്ക്കവേ ഇടിമിന്നലേറ്റ് വീട്ടമ്മയ്ക്ക് ദാരുണാന്ത്യം. കിഴക്കോത്ത് ഗ്രാമപഞ്ചായത്ത് പതിനാലാം വാര്ഡില് ഒഴലക്കുന്ന് കാരംപാറമ്മല് പരേതനായ സ്വാമി എന്നിവരുടെ മകള് ഷീബ (43) ആണ് മരണപ്പെട്ടത്.
ഇന്നലെ വൈകുന്നേരം നാല് മണിയോടെ മഴയോടൊപ്പം ഉണ്ടായ ഇടിമിന്നലില് ആണ് അപകടമുണ്ടായത്. പാലക്കാട് സ്വദേശിയായ ജയപ്രകാശനാണ് (സീന ടൈലറിംഗ് താമരശ്ശേരി) ഭര്ത്താവ്.അമ്മ: ചിരിതകുട്ടി. മക്കള്: സുവര്ണ്ണ ( എളേറ്റില് എം ജെ എച്ച് എസ് വിദ്യാര്ത്ഥിനി) , അഭിനവ് (എളേറ്റില് ജി എം യു പി സ്കൂള് വിദ്യാര്ത്ഥി). സംസ്കാരം ബുധനാഴ്ച വീട്ടുവളപ്പില് നടക്കും.
അതേസമയം മഴക്കാല തയ്യാറെടുപ്പ് പ്രവര്ത്തനങ്ങള് ഊര്ജിതമായി നടത്താന് സംസ്ഥാന ദുരന്തനിവാരണ അതോറിറ്റി യോഗത്തില് മുഖ്യമന്ത്രി പിണറായി വിജയന്റെ നിര്ദേശം.
മഴയുടെ ലഭ്യതയില് പ്രവചനാതീതസ്വഭാവം പ്രതീക്ഷിക്കുന്നതിനാല് ജില്ലകളിലെ മഴക്കാല തയ്യാറെടുപ്പ് പ്രവര്ത്തനങ്ങളുടെ അവലോകനം ജൂണ്, ജൂലൈ, ഓഗസ്റ്റ്, സെപ്റ്റംബര് മാസങ്ങളില് ആദ്യ ആഴ്ചയില് പ്രത്യേകമായി നടത്തേണ്ടതുണ്ട്.
ജില്ലയുടെ ചുമതലയുള്ള മന്ത്രിമാരുടെയോ ജില്ലാ കലക്ടര്മാരുടെയോ നേതൃത്വത്തില് യോഗം ചേരണം. അതില് ഓരോ പ്രവര്ത്തികളുടെയും പുരോഗതി അവലോകനം ചെയ്യണമെന്ന് മുഖ്യമന്ത്രി .ആപതാമിത്ര, സിവില് ഡിഫന്സ്, സന്നദ്ധസേന എന്നിങ്ങനെ പരിശീലനം സിദ്ധിച്ചവര്ക്ക് പ്രാദേശികമായി രക്ഷാപ്രവര്ത്തനങ്ങള്ക്കുള്ള ഉപകരണങ്ങള് ലഭ്യമാക്കണം.
എല്ലാ തദ്ദേശസ്വയംഭരണ സ്ഥാപനങ്ങളിലും ഒരുസ്ഥലമോ കെട്ടിടമോ കണ്ടെത്തുകയും രക്ഷാപ്രവര്ത്തനത്തിന് ഉപയോഗിക്കാവുന്ന ഉപകരണങ്ങള് വാങ്ങിയോ, മഴക്കാലത്തേക്ക് വാടകയ്ക്ക് എടുത്തോ ശേഖരിച്ചു വയ്ക്കേണ്ടതാണ്.
ആപതാമിത്ര, സിവില് ഡിഫന്സ് തുടങ്ങിയ പരിശീലനം നേടിയ സന്നദ്ധപ്രവര്ത്തകരെ അഗ്നി സുരക്ഷാ വകുപ്പിന്റെ മേല്നോട്ടത്തില് ഈ കേന്ദ്രവുമായി ബന്ധിപ്പിക്കണം. ഈ കേന്ദ്രത്തിന്റെ ദൈനംദിന മേല്നോട്ടം തദ്ദേശ സ്ഥാപനത്തിനായിരിക്കും.
"
https://www.facebook.com/Malayalivartha
