ഭക്തിസാന്ദ്രമായി ശബരിമല.... ലക്ഷാര്ച്ചന ചടങ്ങുകള് ദര്ശിക്കാന് എത്തിയത് നിരവധി തീര്ത്ഥാടകര്
ലക്ഷാര്ച്ചനയുടെ ധന്യതയില് ശബരിമലയില് ഇന്നലെ നടന്ന പ്രതിഷ്ഠാദിന പൂജകള് ഭക്തിസാന്ദ്രമായി. ചടങ്ങുകള് ദര്ശിക്കാന് നിരവധി തീര്ത്ഥാടകരാണ് എത്തിയത്. പുലര്ച്ചെ 4.30ന് ദേവനെ പളളിയുണര്ത്തി. 5ന് തന്ത്രി കണ്ഠരര് മഹേഷ് മോഹനരുടെ സാന്നിദ്ധ്യത്തില് മേല്ശാന്തി വി. ജയരാമന് നമ്പൂതിരി നടതുറന്ന് ശ്രീലകത്ത് ദീപം തെളിച്ചു.
നിര്മ്മാല്യദര്ശനവും പതിവ് അഭിഷേകവും നടത്തി. തുടര്ന്ന് തന്ത്രിയുടെ കാര്മ്മികത്വത്തില് കിഴക്കേ മണ്ഡപത്തില് മഹാഗണപതിഹോമം നടത്തി. അയ്യപ്പവിഗ്രഹത്തില് നെയ്യഭിഷേകത്തിനും അഷ്ടാഭിഷേകത്തിനും ശേഷം ഉഷഃപൂജയും ഉദയാസ്തമയപൂജയും 25 കലശവും നടന്നു. ഭസ്മാഭിഷേകം, കളഭാഭിഷേകം, ഉച്ചപൂജ എന്നിവ പൂര്ത്തിയാക്കി ഉച്ചയ്ക്ക് ഒന്നിന് നടയടച്ചു.
വൈകിട്ട് 5ന് നടതുറന്ന് ദീപാരാധനയ്ക്ക് ശേഷം പടിപൂജയും പുഷ്പാഭിഷേകവും നടന്നു. അത്താഴപൂജയ്ക്കുശേഷം അയ്യപ്പനെ ഭസ്മവിഭൂഷിതനാക്കി യോഗദണ്ഡും രുദ്രാക്ഷമാലയും അണിയിച്ച് ധ്യാനനിദ്രയിലാക്കി.
തുടര്ന്ന് ഹരിവരാസനം പാടി മേല്ശാന്തിയും പരികര്മ്മികളും ഓരോ വിളക്കുകള് അണച്ച് പിന്നോട്ടിറങ്ങി നടയടച്ചു. മിഥുനമാസ പൂജകള്ക്കായി ജൂണ് 15ന് നടതുറക്കും.
" f
https://www.facebook.com/Malayalivartha
