ഇടപ്പഴിഞ്ഞിയില് അധ്യാപികയുടെ വീട് കുത്തിത്തുറന്ന് മോഷ്ടിക്കാന് ശ്രമിക്കുന്നത് തടഞ്ഞ അയല്വാസിക്ക് നേരെയും പോലീസിനു നേരെയും തോക്കുചൂണ്ടി ഭീഷണിപ്പെടുത്തി പ്രതികള് രക്ഷപ്പെട്ട കേസില് പ്രതി യുപി സ്വദേശി ഷമീം അന്സാരിക്ക് ജാമ്യമില്ല
ഇടപ്പഴിഞ്ഞിയില് അധ്യാപികയുടെ വീട് കുത്തിത്തുറന്ന് മോഷ്ടിക്കാന് ശ്രമിക്കുന്നത് തടഞ്ഞ അയല്വാസിക്ക് നേരെയും പോലീസിനു നേരെയും തോക്കുചൂണ്ടി ഭീഷണിപ്പെടുത്തി പ്രതികള് രക്ഷപ്പെട്ട കേസില് പ്രതി യുപി സ്വദേശി ഷമീം അന്സാരിക്ക് ജാമ്യമില്ല.
തലസ്ഥാനത്ത് മോഷണം ചെറുത്തവരെ തോക്കു ചൂണ്ടി ഭീഷണിപ്പെടുത്തി രക്ഷപ്പെട്ട കേസിലെ പ്രതി യു പി സ്വദേശി മുഹമ്മദ് ഷമീം അന്സാരിക്ക് ജാമ്യമില്ല
2022 ഒക്ടോബര് 1 മുതല് ജയിലില് കഴിയുന്ന 26 കാരനായ പ്രതിക്കാണ് കോടതി ജാമ്യം നിരസിച്ചത്. തിരുവനന്തപുരം ജില്ലാ സെഷന്സ് കോടതിയാണ് പ്രതിക്ക് ജാമ്യം നിഷേധിച്ചത്. നാടോടിയും അന്യ സംസ്ഥാനക്കാരനുമായ പ്രതി ഒളിവില് പോകുമെന്ന് നിരീക്ഷിച്ച് പ്രതിയെ ജുഡീഷ്യല് കസ്റ്റഡിയില് ജയിലിലിട്ട് വിചാരണ ചെയ്യാന് കോടതി ഉത്തരവിട്ടു.
മജിസ്ട്രേട്ട് കോടതി തള്ളിയ ജാമ്യം നിരസിക്കല് ഉത്തരവ് ചോദ്യം ചെയ്ത പ്രതിക്ക് ജാമ്യം നിരസിച്ച് കല്തുറുങ്കിലിട്ട് വിചാരണ ചെയ്യാന് ജില്ലാ കോടതി ഉത്തരവിടുകയായിരുന്നു. ഗൗരവമേറിയ കുറ്റകൃത്യത്തിലുള്പ്പെട്ട അന്യ സംസ്ഥാനക്കാരനായ പ്രതിയെ ജാമ്യത്തില് വിട്ടയച്ചാല് ശിക്ഷ ഭയന്ന് ഒളിവില് പോകാനും സാക്ഷികളെ ഭീഷണിപ്പെടുത്താനും സ്വാധീനിക്കാനും തെളിവു നശിപ്പിക്കാനുമുള്ള സാധ്യതയുണ്ടെന്ന് നിരീക്ഷിച്ചാണ് പ്രതിക്ക് കോടതി ജാമ്യം നിരസിച്ചത്.
2022 ആഗസ്റ്റ് 22 നായിരുന്നു കേസിനാസ്പദമായ സംഭവം. ഇടപ്പഴിഞ്ഞിയില് അധ്യാപികയുടെ വീട് കുത്തിത്തുറന്ന് മോഷ്ടിക്കാന് ശ്രമിക്കുന്നത് തടഞ്ഞ അയല്വാസിക്ക് നേരെ തോക്കുചൂണ്ടിയാണ് പ്രതികള് രക്ഷപ്പെട്ടത്. മലയിന്കീഴ് വിഎച്ച്എസ് സി ഹയര്സെക്കണ്ടറി സ്കൂള് പ്രിന്സിപ്പിലിന്റെ ഇടപ്പഴിഞ്ഞിയിലെ വീട്ടിലായിരുന്നു മോഷണശ്രമം.
വീട് പൂട്ടിയിരിക്കുകയായിരുന്നു. കതക് രണ്ട് പേര് തുറക്കാന് ശ്രമിക്കുന്നത് കണ്ട അയല്വാസിയായ പ്രവീണ് ഇവരെ ചോദ്യം ചെയ്തു. ഇതിനിടെ കയ്യിലെ ബാഗില് നിന്നും തോക്കെടുത്ത് മോഷ്ടാക്കള് പ്രവീണിനുനേരെ ചൂണ്ടി ഭീഷണിപ്പെടുത്തി. തോക്ക് കണ്ട് പ്രവീണ് മോഷ്ടാക്കള് വന്ന സ്കൂട്ടിന്റെ താക്കോല് ഊരിയെടുത്തു. ഇതിനിടെ മോഷ്ടാക്കള് സ്ക്കൂട്ടറുമായി കടന്നുകളയുകയായിരുന്നു.
പ്രവീണ് നല്കിയ വിവരം അറിയിച്ച് പൊലീസ് കണ്ട്രോള് റൂം മുഖേന നഗരത്തിലെ എല്ലാ സ്റ്റേഷനുകളിലേക്കും വിവരം ഉടന് കൈമാറി. ശ്രീകഠ്ണേശ്വരത്ത് വച്ച് വഞ്ചിയൂര് സ്റ്റേഷനിലെ ഒരു പൊലീസുകാരന് മോഷ്ടാക്കളെ തടഞ്ഞു. എന്നാല് പൊലീസിനെയും തോക്കുചൂണ്ടി ഭീഷണിപ്പെടുത്തി പ്രതികള് രക്ഷപ്പെടുകയായിരുന്നു.
"
https://www.facebook.com/Malayalivartha
