അരിക്കൊമ്പൻ വിഷയത്തിൽ ഹൈക്കോടതി നിർണായക ഇടപെടൽ നടത്തിയിരിക്കുകയാണ്. അരിക്കൊമ്പന് സുരക്ഷയും ചികിത്സയും ഉറപ്പാക്കണമെന്നാവശ്യപ്പെട്ട് ട്വന്റി ട്വന്റി് ചീഫ് കോർഡിനേറ്റർ സാബു എം ജേക്കബിബ് ഹർജി സമർപ്പിച്ചിരുന്നു. ഈ കേസിലാണ് ഹൈക്കോടതി ഹർജിക്കാരനെ വിമർശിച്ചിരിക്കുന്നത്.

ഹൈക്കോടതി ഈ വിഷയത്തിൽ ഉന്നയിച്ച നിർണായക ചോദ്യങ്ങൾ ഇതാണ്; ആനയെ കേരളത്തിലേക്ക് കൊണ്ട് വരണമെന്ന് എന്ത് അടിസ്ഥാനത്തിലാണ് പറയുന്നത് ? ഹർജിയുടെ സത്യസന്ധത സംശയിക്കുന്നുവെന്നും അദ്ദേഹം പറഞ്ഞു. തമിഴ്നാടിന്റെ ഭാഗത്താണ്, ആന ഇപ്പോൾ ഉള്ളത് . തമിഴ്നാട് വ്യക്തമാക്കുന്നത്, ഉൾവനത്തിലേക്ക് ആനയെ അയക്കണമെന്നാണ്.

തമിഴ്നാട് വനം വകുപ്പ് ആനയെ എന്തെങ്കിലും തരത്തിൽ ഉപദ്രവിച്ചതായി തെളിവ് ഇത് വരെ കണ്ടെത്തിയിട്ടില്ല. ആനയെ സംരക്ഷിക്കാമെന്നും അവർ അറിയിക്കുകയും ചെയ്തിട്ടുണ്ട് . ഈ സാഹചര്യത്തിൽ, പിന്നെ എന്തിനാണ് ആനയെ തിരികെ കൊണ്ട് വരണമെന്ന് നിങ്ങൾ പറയുന്നതെന്നും കോടതി വ്യക്തമാക്കുകയും ചെയ്തു .