സംസ്ഥാനത്തെ സ്കൂളുകള് തുറന്നു... തിരുവനന്തപുരം മലയിന്കീഴ് ഗവണ്മെന്റ് വൊക്കേഷണല് ഹയര്സെക്കന്ററി സ്കൂളില് മുഖ്യമന്ത്രി പിണറായി വിജയന് പ്രവേശനോത്സവത്തിന്റെ ഔദ്യോഗിക ഉദ്ഘാടനം നിര്വഹിച്ചു, ജില്ലാതലങ്ങളില് മന്ത്രിമാരും എംഎല്എമാരും എംപിമാരുമാണ് ഉദ്ഘാടകര്, പ്രവേശനോത്സവ ഗാനത്തിന്റെ വീഡിയോ റിലീസ് ചെയ്ത് വിദ്യാഭ്യാസമന്ത്രി വി.ശിവന്കുട്ടി
തിരുവനന്തപുരം മലയിന്കീഴ് ഗവണ്മെന്റ് വൊക്കേഷണല് ഹയര്സെക്കന്ററി സ്കൂളില് മുഖ്യമന്ത്രി പിണറായി വിജയന് പ്രവേശനോത്സവത്തിന്റെ ഔദ്യോഗിക ഉദ്ഘാടനം നിര്വഹിച്ചു. പൊതുവിദ്യാഭ്യാസരംഗത്ത് ഉണ്ടായ മാറ്റം പ്രകടമാണെന്ന് മുഖ്യമന്ത്രി പറഞ്ഞു.
ജില്ലാതലങ്ങളില് മന്ത്രിമാരും എംഎല്എമാരും എംപിമാരുമാണ് ഉദ്ഘാടകര്. പ്രവേശനോത്സവ ഗാനത്തിന്റെ വീഡിയോ വിദ്യാഭ്യാസമന്ത്രി വി.ശിവന്കുട്ടി റിലീസ് ചെയ്തു.
സര്ക്കാര്, എയിഡഡ് വിഭാഗങ്ങളിലായി സംസ്ഥാനത്ത് ആരെ പതിമൂവായിരത്തി തൊള്ളായിരത്തി അറുപത്തിനാല് സ്കൂളുകളാണ് ഉള്ളത്. അണ് എയിഡഡ് സ്കൂളുകളിലും പ്രവേശനോത്സവം സംഘടിപ്പിച്ചിട്ടുണ്ട്. ഒന്നാം ക്ലാസിലേക്ക് മൂന്ന് ലക്ഷത്തോളം കുരുന്നുകളാണ് ഈ വര്ഷം എത്തുന്നത്. സ്കൂളുകളുടെ ഭൗതിക സാഹചര്യം ഏറെ മാറിയെന്ന് മുഖ്യമന്ത്രി പറഞ്ഞു.
ഏഴ് വര്ഷം കൊണ്ട് 15 ലക്ഷത്തോളം കുട്ടികള് പൊതുവിദ്യാഭ്യാസത്തിന്റെ ഭാഗമായി. പാഠപുസ്തകങ്ങളുടെ ഫോട്ടോകോപ്പികള് എടുത്ത് പഠിക്കേണ്ട അവസ്ഥ കേരളത്തില് ഉണ്ടായിരുന്നു.
ഇന്ന് അതെല്ലാം മാറിയെന്നും ക്ലാസ് മുറികള് സ്മാര്ട്ട് ആയതിനാല് ഓണ്ലൈന് ക്ലാസുകള്ക്ക് വലിയ പ്രയാസം ഉണ്ടായില്ലെന്നും പിണറായി വിജയന് പറഞ്ഞു. പ്രവേശനോത്സവത്തിന്റെ ഔദ്യോഗിക ഉദ്ഘാടനം നിര്വഹിച്ച ശേഷം സംസാരിക്കുകയായിരുന്നു അദ്ദേഹം.
"
https://www.facebook.com/Malayalivartha
