യുവതിയെ പിന്തുടര്ന്ന് സ്വര്ണ്ണമാലപൊട്ടിച്ച് രക്ഷപ്പെട്ട പ്രതി പൊലീസ് പിടിയില്
സ്കൂട്ടറില് യാത്രചെയ്യുകയായിരുന്ന യുവതിയെ പിന്തുടര്ന്ന് സ്വര്ണ്ണമാലപൊട്ടിച്ച് രക്ഷപ്പെട്ട പ്രതിയെ പൊലീസ് പിടികൂടി. സ്കൂട്ടറില് മണ്ണാറശാല അമ്പലത്തിലേക്ക് പോയ തെക്കേക്കര രാധാകൃഷ്ണപിള്ളയുടെ ഭാര്യ വത്സലയുടെ മാലപൊട്ടിച്ച് കടന്നുകളഞ്ഞ പ്രതിയാണ് പിടിയിലായത്. മഹാദേവികാട് അജിത്ത് ഭവനത്തില് അജിത്ത് (39) ആണ് ഹരിപ്പാട് പൊലീസിന്റെ പിടിയിലായത്. യുവതി സ്കൂട്ടറില് യാത്ര ചെയ്ത് വരവേ പുറകില് നിന്നും ബൈക്കില് ഹെല്മെറ്റ് ധരിച്ചു വന്ന അജിത്ത് കഴുത്തില് നിന്നും 30 ഗ്രാം തൂക്കം വരുന്ന സ്വര്ണ്ണ മാല വലിച്ചു പൊട്ടിച്ചു കൊണ്ട് പോകുകയായിരുന്നു.
വാഹനം ഓടിച്ചുകൊണ്ടിരിക്കുമ്പോള് സംഭവം നടക്കുന്നതിനാല് ഈ സ്ത്രീകള് വണ്ടിയില് നിന്നും വിഴും. അതിനാല് മോഷ്ടാവിനെ ശ്രദ്ധിക്കുവാനോ തിരിച്ചറിയുവാനോ, പുറകെ പോകുവാനോ സാധിക്കില്ല. മാല പിടിച്ചു പറിച്ചു കഴിഞ്ഞാല് പ്രതി നേരെ ഉള്ള റോഡുകള് തെരെഞ്ഞെടുക്കില്ല. ഇടവഴികളില്ലോടെയും ക്യാമറ ഇല്ലാത്ത ഏരിയകളിലൂടെയുമാണ് ഇയാളുടെ സഞ്ചാരം. ഇയാളില് നിന്നും മാല വിറ്റുകിട്ടിയ 102000 രൂപയും, മാല വിറ്റ സ്ഥാപനത്തില് നിന്നും 22.850 ഗ്രാം സ്വര്ണവും ഇയാള് കൃത്യത്തിനുപയോഗിച്ച ഹീറോ ഹോണ്ടാ ഗ്ലാമര് ബൈക്കും പൊലീസ് കണ്ടെത്തി.
മാല പിടിച്ചു പറിച്ചതിന്റെ ആഘാതത്തില് യുവതി താഴെ വീഴുകയും അലറി വിളിക്കുകയും ചെയ്തു. എന്നാല് വെളുപ്പിനെ ആയതിനാല് അവിടെ ആരുമുണ്ടായിരുന്നില്ല. യുവതി പുറകെ ഓടിയെങ്കിലും, പ്രതി സ്പീഡില് ബൈക്കില് പോകുകയായിരുന്നു. തുടര്ന്ന് യുവതി ഹരിപ്പാട് പൊലീസ് സ്റ്റേഷനില് പരാതി നല്കി. നിരവധി സിസിടിവി ദൃശ്യങ്ങള് പരിശോധന നടത്തിയതില് നിന്നും പ്രതി ഉപയോഗിച്ചത് നമ്പര് പ്ലേറ്റ് ഇല്ലാതെ ഹീറോ ഹോണ്ട ഗ്ലാമര് എന്ന വണ്ടി ആണെന്ന് മനസിലാക്കി.
ബൈക്ക് സഞ്ചരിച്ചത് കൂടുതലും ഇടവഴികളിലൂടെയായിരുന്നു. നേരിട്ടു ഹൈവേയില് കയറാന് റോഡ് ഉണ്ടായിട്ടും ഇങ്ങനെ പോയതിനാല് പൊലീസ്സിന് സംശയം കൂടി. പ്രതി മെയിന് റോഡില് നിന്നും തിരിഞ്ഞു അകത്തോട്ടുള്ള വഴിയേ പോകുന്നതായി മനസ്സിലാക്കി. ആ പ്രദേശത്തു ഗ്ലാമര് ബൈക്കുകള് ഉള്ള ആളുകളുടെ വിവരങ്ങള് പൊലീസ് രഹസ്യമായി അന്വേഷിച്ചാണ് പ്രതിയെ കണ്ടെത്തിയത്.
ആദ്യം ബൈക്കില് വന്ന് സ്ത്രീകളുടെ കഴുത്തില് ആഭരണം ഉണ്ടോ എന്ന് നോക്കി വയ്ക്കുന്നതാണ് പ്രതിയുടെ രീതി. പിന്നീട് പുറകെ ബൈക്കില് വരുകയും ആളില്ലാത്ത സ്ഥലത്തു വെച്ച് സഞ്ചരിച്ചു കൊണ്ടിരിക്കുന്നു സ്ത്രീകളുടെ കഴുത്തില് കേറിപിടിക്കുകയും, മാല വലിച്ചു പൊട്ടിക്കുകയും ചെയും.
https://www.facebook.com/Malayalivartha
