സ്റ്റാലിന് മാസ് തന്നെയാണ്... പ്രധാനമന്ത്രി ചെങ്കോല് ഏറ്റുവാങ്ങിയ ദിവസം നടന്ന പാര്ലമെന്റ് വളയലില് വിമര്ശനം ആവര്ത്തിച്ച് എം കെ സ്റ്റാലിന്; സ്കൂള്, കോളേജ് വിദ്യാര്ത്ഥികള്ക്ക് തമിഴ്നാട് ട്രാന്പോര്ട്ട് കോര്പ്പറേഷന് ബസുകളില് സൗജന്യ യാത്ര; ഇവിടെ കണ്സഷന് വരുമാന സര്ട്ടിഫിക്കറ്റ് വേണം
തമിഴ്നാട് മുഖ്യമന്ത്രി എം കെ സ്റ്റാലിന് വീണ്ടും ശ്രദ്ധേയനാകുകയാണ്. ചെങ്കോലിലൂടെ തമിഴ്നാട്ടുകാരുടെ മനസ് കീഴടക്കാനുള്ള പ്രധാനമന്ത്രി നരേന്ദ്ര മോദിയുടെ ശ്രമം ആദ്യ വിജയം കണ്ടു. പാര്ലമെന്റ് മന്ദിരത്തില് സ്ഥാപിച്ച ചെങ്കോല് പ്രധാനമന്ത്രി ഏറ്റുവാങ്ങിയ ദിവസം തന്നെ അത് വളഞ്ഞുപോയി എന്ന് ആവര്ത്തിച്ച് തമിഴ്നാട് മുഖ്യമന്ത്രി എം കെ സ്റ്റാലിന്.
ചെങ്കോല് ചോളപരമ്പരയുടെ യഥാര്ത്ഥ പാരമ്പര്യം പേറുന്നതാണെങ്കില് തമിഴ്നാടിന് അഭിമാനം തന്നെയാണ്. എന്നാല് പല ചരിത്രകാരന്മാരും ഈ ചെങ്കോലിന് ചോളരാജവംശവുമായി യാതൊരു ബന്ധവുമില്ല എന്നാണ് പറയുന്നതെന്നും സ്റ്റാലിന് കുറ്റപ്പെടുത്തി. ഇന്ത്യയുടെ അഭിമാനം ഉയര്ത്തിയ ഗുസ്തി താരങ്ങളെ തെരുവിലൂടെ വലിച്ചിഴയ്ക്കുന്നത് നാം കണ്ടുവെന്നും സ്റ്റാലിന് പറഞ്ഞു. വിദേശപര്യടനത്തിന് ശേഷം തിരിച്ചെത്തിയ ശേഷം ചെന്നൈയില് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
കേന്ദ്ര ഏജന്സികളെ ഉപയോഗിച്ച് പ്രതിപക്ഷ പാര്ട്ടികളെ അടിച്ചമര്ത്തുന്ന കേന്ദ്ര സര്ക്കാരിന്റെ നയം തമിഴ്നാട്ടിലും നടപ്പാക്കിത്തുടങ്ങിയെന്ന് തമിഴ്നാട് മുഖ്യമന്ത്രി എം കെ സ്റ്റാലിന് വിമര്ശിച്ചു. ആദായ നികുതി വകുപ്പിനേയും സിബിഐയേയും ഇഡിയേയും ഉപയോഗിച്ച് പ്രതികാരം ചെയ്യുന്നതും ഭീഷണിപ്പെടുത്തുന്നതും മറ്റ് സംസ്ഥാനങ്ങളിലേപ്പോലെ തമിഴ്നാട്ടിലും തുടങ്ങി.
സ്റ്റാലിന് വിദേശപര്യടനത്തിന് തിരിച്ചതിന് തൊട്ടുപിന്നാലെ തമിഴ്നാട് വൈദ്യുതി മന്ത്രി വി സെന്തില് ബാലാജിയുമായി ബന്ധപ്പെട്ട ഇടങ്ങളില് ഇഡി വ്യാപക റെയ്ഡ് നടത്തിയിരുന്നു. ഇതിനോട് പ്രതികരിക്കുകയായിരുന്നു മുഖ്യമന്ത്രി. ഇതൊക്കെയാണെങ്കിലും കേന്ദ്രസര്ക്കാരിന് എതിരെ പ്രതിപക്ഷ ഐക്യം കെട്ടിപ്പടുക്കുന്നതില് ഡിഎംകെ മുന്നിരയില് ഉണ്ടാകും. ഇത് സംബന്ധിച്ച കാര്യങ്ങള് ആലോചിക്കാന് ദില്ലി മുഖ്യമന്ത്രി അരവിന്ദ് കെജ്രിവാള്, പഞ്ചാബ് മുഖ്യമന്ത്രി ഭഗവന്ത് മാന് എന്നിവരുമായി ചെന്നൈയില് കൂടിക്കാഴ്ച നടത്തുമെന്നും സ്റ്റാലിന് അറിയിച്ചു.
അതേസമയം സ്റ്റാലിന് വിദ്യാര്ത്ഥികളുടെ ഇടയിലും ഹീറോയായി. യൂണിഫോം ധരിച്ചെത്തുന്ന മുഴുവന് സ്കൂള്, കോളേജ് വിദ്യാര്ത്ഥികള്ക്കും തമിഴ്നാട് ട്രാന്പോര്ട്ട് കോര്പ്പറേഷന് ബസുകളില് സൗജന്യയാത്ര അനുവദിക്കാന് തമിഴ്നാട് ഗതാഗത വകുപ്പ് നിര്ദേശം നല്കി. ഗതാഗത വകുപ്പ് നല്കിയ പാസുമായി എത്തുന്ന വിദ്യാര്ത്ഥികള്ക്കും സൗജന്യയാത്ര ലഭിക്കും. യൂണിഫോമില് വരുന്ന കുട്ടികളെയോ പാസുമായി വരുന്ന കുട്ടികള്ക്കോ സൗജന്യയാത്ര നല്കിയില്ലെങ്കില് കര്ശന നടപടിയുണ്ടാകുമെന്ന് കണ്ടക്ടര്മാര്ക്ക് മുന്നറിയിപ്പുമുണ്ട്.
കൊവിഡ് കാരണം സൗജന്യപാസുകള് അനുവദിക്കുന്നത് കഴിഞ്ഞ വര്ഷങ്ങളില് മുടങ്ങിയിരുന്നു. സ്മാര്ട്ട് കാര്ഡ് വിതരണം പൂര്ത്തിയാകാത്തതുകൊണ്ടാണ് യൂണിഫോം എന്ന മാനദണ്ഡം കൂടി വച്ചത്. ഒരു ദിവസം രണ്ട് സൗജന്യയാത്രയാണ് അനുവദിക്കുക. 2016 മുതല് സര്ക്കാര് ബസുകളില് സ്കൂള്, കോളേജ് വിദ്യാര്ത്ഥികള്ക്ക് സൗജന്യയാത്ര അനുവദിച്ചിട്ടുണ്ട്.
അതേസമയം കേരളത്തില് വിദ്യാര്ത്ഥികള് ആകെ ആശങ്കയിലാണ്. കണ്സഷന് വേണമെങ്കില് വരുമാന സര്ട്ടിഫിക്കറ്റ് വേണം. വിദ്യാര്ത്ഥി കണ്സഷനില് പുതിയ മാര്ഗനിര്ദ്ദേശവുമായി കെഎസ്ആര്ടിസി. ആദായ നികുതി നല്കുന്ന രക്ഷിതാക്കളുടെ കുട്ടികള്ക്ക് യാത്രാ ഇളവില്ല. ബിപിഎല് പരിധിയില് വരുന്ന കുട്ടികള്ക്ക് സൗജന്യ നിരക്കില് യാത്ര ഒരുക്കും. 25 വയസ്സില് കൂടുതല് പ്രായമുള്ള വിദ്യാര്ത്ഥികള്ക്ക് കണ്സഷന് നല്കില്ല. 2016 മുതല്2020 വരെ 966.51 കോടി രൂപയുടെ അധിക ബാധ്യത ഉണ്ടായ സാഹചര്യത്തിലാണ് കെഎസ്ആര്ടിസിയുടെ മാര്ഗനിര്ദ്ദേശം.
കെഎസ്ആര്ടിസി ബസുകളില് സ്കൂള്-കോളേജ് വിദ്യാര്ത്ഥികള്ക്ക് ജൂലൈ ഒന്ന് മുതല് കണ്സഷന് കാര്ഡ് നിര്ബന്ധമെന്ന് പാലക്കാട് സ്റ്റുഡന്റ്സ് ഫെസിലിറ്റി കമ്മിറ്റി യോഗത്തില് ആര്.ടി.ഒ അറിയിച്ചു. പ്ലസ് ടു വരെയുള്ള വിദ്യാര്ത്ഥികള്ക്ക് യൂണിഫോം ഉള്ളതിനാല് സ്വകാര്യ ബസുകളില് കണ്സഷന് കാര്ഡ് വേണ്ടെന്നും ആര്ടിഒ വ്യക്തമാക്കി. സ്വകാര്യ ബസുകളില് സര്ക്കാര് നിശ്ചയിച്ച കണ്സഷന് നിരക്ക് നല്കി വിദ്യാര്ത്ഥികള്ക്ക് പരമാവധി 40 കിലോമീറ്റര് വരെ യാത്ര ചെയ്യാമെന്നും അറിയിച്ചിട്ടുണ്ട്.
https://www.facebook.com/Malayalivartha
