ഇത്രയും പ്രതീക്ഷിച്ചില്ല... വിരമിച്ച ഡോ. സാബു തോമസിന് പകരം എം.ജി സര്വകലാശാലാ വി.സിയുടെ ചുമതല കൈമാറാന് നല്കിയ സര്ക്കാര് പാനല് തള്ളി ഗവര്ണര്; മലയാളം യൂണിവേഴ്സിറ്റി വി.സിയുടെ ചുമതലയും സാബു തോമസിനായിരുന്നതിനാല് അവിടെയും വി.സിയില്ല
വിസിമാരുടെ കാര്യത്തില് വിട്ടുവീഴ്ചയില്ലാത്ത നിലപാടുമായി ഗവര്ണര് ആരിഫ് മുഹമ്മദ് ഖാന്. കഴിഞ്ഞ ശനിയാഴ്ച വിരമിച്ച ഡോ. സാബു തോമസിന് പകരം എം.ജി സര്വകലാശാലാ വി.സിയുടെ ചുമതല കൈമാറാന് സര്ക്കാര് നല്കിയ പാനല് ഗവര്ണര് അംഗീകരിച്ചില്ല. വിരമിച്ച വി.സി. സാബു തോമസ്, പ്രൊഫസര്മാരായ അരവിന്ദ് കുമാര്, കെ. ജയചന്ദ്രന് എന്നിവരുടെ പാനലാണ് സര്ക്കാര് നല്കിയത്. വിരമിച്ച വി.സിയും താരതമ്യേന ജൂനിയറായ പ്രൊഫസര്മാരുമടങ്ങിയ പാനലായതിനാലാണ് ഗവര്ണര് അംഗീകരിക്കാത്തത്.
സര്ക്കാരിന് താത്പര്യമുള്ളവരുടെ ലിസ്റ്റാണെന്ന് വിലയിരുത്തിയ ഗവര്ണര് മുതിര്ന്ന പ്രൊഫസര്മാരടങ്ങിയ പുതിയ പാനല് ആവശ്യപ്പെടും. സാബു തോമസിന് 4 വര്ഷത്തേക്ക് പുനര്നിയമനം നല്കണമെന്ന സര്ക്കാരിന്റെ ആവശ്യവും നേരത്തേ ഗവര്ണര് തള്ളിയിരുന്നു. ഇന്നലെ കൊച്ചിയിലേക്ക് പോയ ഗവര്ണര് 4ന് മടങ്ങിയെത്തും.
സര്ക്കാര് പുതിയ പാനല് നല്കിയാല് അന്ന് അതില് ഗവര്ണര് തീരുമാനമെടുത്തേക്കും. 4ന് വൈകിട്ട് ഡല്ഹിയിലേക്ക് പോയാല് പിന്നീട് 11നേ ഗവര്ണര് തിരിച്ചെത്തൂ.വാഴ്സിറ്റി ഭരണംപ്രതിസന്ധിയില്എം.ജി സര്വകലാശാലയില് വി.സിയില്ലാതായതോടെ, ബിരുദ സര്ട്ടിഫിക്കറ്റുകള് നല്കുന്നതടക്കം നിലച്ചു. പകരം ചുമതല ആര്ക്കുമില്ലാത്തതിനാല് വാഴ്സിറ്റിയുടെ ഭരണവും പ്രതിസന്ധിയിലാണ്.
31ന് വിരമിച്ചവരുടെ ഒഴിവിലേക്ക് ജീവനക്കാര്ക്ക് ലഭിക്കേണ്ടിയിരുന്ന സ്ഥാനക്കയറ്റവും മുടങ്ങി. അതേസമയം, വി.സിയുടെ ചുമതല നല്കേണ്ടത് ഗവര്ണറുടെ ചുമതലയാണെന്നാണ് സര്ക്കാര് പറയുന്നത്. മലയാളം യൂണിവേഴ്സിറ്റി വി.സിയുടെ ചുമതലയും സാബു തോമസിനായിരുന്നതിനാല് അവിടെയും വി.സിയില്ല. നിലവില് 9 വാഴ്സിറ്റികളില് സ്ഥിരം വി.സിമാരില്ലാത്ത സ്ഥിതിയാണ്. സെര്ച്ച് കമ്മിറ്റിയിലേക്ക് യൂണിവേഴ്സിറ്റി പ്രതിനിധികളെ നല്കാത്തതാണ് വി.സി നിയമനത്തിന് തടസം.
മലയാളം സര്വകലാശാല വി.സിയുടെ ചുമതല നല്കാന് സര്ക്കാര് നല്കിയ ശുപാര്ശയും ഗവര്ണര് തള്ളി. സര്വകലാശാലയിലെ സ്കൂള് ഒഫ് ലെറ്റേഴ്സിലെ പ്രൊഫസര് ഡോ.പി.എസ്. രാധാകൃഷ്ണന്റെ പേരാണ് നല്കിയത്. എന്നാല് രാധാകൃഷ്ണന് താരതമ്യേന ജൂനിയര് പ്രൊഫസറാണെന്നാണ് ഗവര്ണര് വിലയിരുത്തി. പ്രൊഫസറായി പത്തുവര്ഷത്തെ പരിചയമാണ് വി.സിയാവാന് യു.ജി.സി നിഷ്കര്ഷിക്കുന്നത്.
രാധാകൃഷ്ണന് ഈ യോഗ്യത നേടിയത് കഴിഞ്ഞമാസം അവസാനമാണ്. അതിനാല് മുതിര്ന്ന പ്രൊഫസര്മാരുടെ പാനല് നല്കാന് ഗവര്ണര് ആവശ്യപ്പെടും. എം.ജി സര്വകലാശാല വി.സി പ്രൊഫ. സാബുതോമസിനായിരുന്നു മലയാളം വാഴ്സിറ്റിയുടെയും താത്കാലിക ചുമതല. അദ്ദേഹം വിരമിച്ചതോടെയാണ് മറ്റൊരാള്ക്ക് ചുമതല നല്കാന് ഒരുങ്ങുന്നത്.
ഔദ്യോഗിക കാലാവധി കഴിയുന്ന എം.ജി സര്വകലാശാല വൈസ്ചാന്സലര് പ്രൊഫ.സാബു തോമസിന്റെ ചുമതല കൈമാറാന് മുതിര്ന്ന 3 പ്രൊഫസര്മാരുടെ പാനല് നല്കാന് സര്ക്കാരിനോട് ഗവര്ണര് ആവശ്യപ്പെട്ടിരുന്നു. സാബുതോമസിന് 4വര്ഷ കാലയളവിലേക്ക് പുനര്നിയമനം നല്കണമെന്ന മന്ത്രി ഡോ.ആര്.ബിന്ദുവിന്റെ ശുപാര്ശ തള്ളിയാണ് നടപടി.
സര്ക്കാര് നല്കുന്ന പാനലില് നിന്നായിരിക്കും താത്കാലിക വി.സിയെ നിയമിക്കുക. കുസാറ്റിലും സര്ക്കാര് ശുപാര്ശ അംഗീകരിച്ചാണ് വി.സിയുടെ ചുമതല കൈമാറിയത്. സാബുതോമസ് വഹിക്കുന്ന മലയാളം വി.സിയുടെ ചുമതലയും മറ്റാര്ക്കെങ്കിലും കൈമാറണം. എം.ജി വി.സി കൂടി വിരമിക്കുന്നതോടെ 9 സര്വകലാശാലകള്ക്ക് സ്ഥിരം വി.സിയില്ലാതാവും.
സാബു തോമസിനെ പാനലില് ഉള്പ്പെടുത്തിയാല് അദ്ദേഹത്തിന് മുന്തൂക്കം നല്കും. വാഴ്സിറ്റിയില് ദേശീയ അക്രഡിറ്റേഷന് കൗണ്സിലിന്റെ (നാക്) പരിശോധന അടുത്ത മാസം നടക്കുമ്പോള്, വി.സിയും പ്രോ വി.സിയും ഇല്ലാതിരിക്കുന്നത് ഗ്രേഡിംഗില് ദോഷം ചെയ്യുമെന്നതിനാല് സാബുതോമസിന് പുതിയ വി.സിയെ നിയമിക്കും വരെ തുടരാന് അനുവദിക്കാമെന്ന് ഗവര്ണര് നേരത്തേ സര്ക്കാരിനെ അറിയിച്ചിരുന്നു. എന്നാല് ഗവര്ണര് പാനലാണ് ആവശ്യപ്പെട്ടത്.
"
https://www.facebook.com/Malayalivartha
