വെള്ളായണി കാര്ഷിക കോളേജില് ആന്ധ്രാ സ്വദേശിയായ ദീപിക എന്ന ഹോസ്റ്റല് മേറ്റ് വിദ്യാര്ത്ഥിനിയെ സഹപാഠി ലോഹിത കെട്ടിയിട്ട് മുഖം പൊള്ളിക്കാന് ശ്രമിക്കുകയും, പൊള്ളലേറ്റ ഭാഗങ്ങളില് മുളക്പൊടി വിതറി കഠിന ദേഹോപദ്രവമേല്പ്പിച്ച് ക്രൂരമായി പീഡിപ്പിച്ച കേസ്... റിമാന്റില് കഴിയുന്ന പ്രതി സഹപാഠിയായ ഹോസ്റ്റല് മേറ്റ് ലോഹിത ജാമ്യ ഹര്ജിയുമായി ജില്ലാ കോടതിയില്, തിരുവല്ലം സര്ക്കിള് ഇന്സ്പെക്ടര് പോലീസ് റിപ്പോര്ട്ട് ഹാജരാക്കാന് കോടതി ഉത്തരവ്
02 JUNE 2023 11:38 AM IST
മലയാളി വാര്ത്ത
ജാമ്യ ഹര്ജിയില് തിരുവല്ലം പോലീസ് സര്ക്കിള് ഇന്സ്പെക്ടര് പോലീസ് റിപ്പോര്ട്ട് ഹാജരാക്കാന് പ്രിന്സിപ്പല് ജില്ലാ സെഷന്സ് ജഡ്ജി പി.വി.ബാലകൃഷ്ണന് ഉത്തരവിട്ടു. 2023 മെയ് 26 നാണ് കേരള സംസ്ഥാനത്തെ ലജ്ജിപ്പിക്കുന്ന സമാനതകളില്ലാത്ത ക്രൂരത അന്യ സംസ്ഥാനക്കാരിയായ സഹപാഠിയോട് അരങ്ങേറിയത്. 27 ന് അറസ്റ്റ് ചെയ്യപ്പെട്ട് റിമാന്റില് കഴിയുന്ന ഏക പ്രതി ലോഹിത സമര്പ്പിച്ച ജാമ്യ ഹര്ജി തള്ളിയ നെയ്യാറ്റിന്കര ജുഡീഷ്യല് ഫസ്റ്റ് ക്ലാസ് മജിസ്ട്രേട്ടിന്റെ ജാമ്യം നിരസിക്കല് ഉത്തരവുമായാണ് പ്രതി ജില്ലാ കോടതിയെ സമീപിച്ചത്.
ക്രൂരതയുടെ വിശദാംശങ്ങള് വിവരിച്ച ദീപികയുടെ പ്രഥമ വിവര മൊഴി പ്രകാരം തയ്യാറാക്കിയ പോലീസ് എഫ് ഐ ആറില് പറയുന്നത് ഇപ്രകാരമാണ്.
കറിവച്ച ചൂടു പാത്രം ദീപികയുടെ മുഖത്ത് വയ്ക്കാന് പ്രതി ലോഹിത ശ്രമിച്ചു. തല വെട്ടിച്ച് മാറ്റിയതിനാല് കറിവീണ് ശരീര ഭാഗങ്ങള് പൊള്ളി. വീണ്ടും കറിപ്പാത്രം ചൂടാക്കി വസ്ത്രം മാറ്റി പൊള്ളിച്ചു. പൊള്ളലേറ്റ മുറിവില് പ്രതി ലോഹിത മുളകുപൊടി വിതറി. എന്നതടക്കം എഫ്ഐആറിലാണ് ക്രൂരതയുടെ വിവരങ്ങള് ഉള്ളത്.
തിരുവനന്തപുരം: വെള്ളായണി കാര്ഷിക കോളേജില് ആന്ധ്രാ സ്വദേശിയായ വിദ്യാര്ത്ഥിനിക്കേറ്റത് അതിക്രൂര മര്ദ്ദനമെന്ന് എഫ്ഐആറില് പറയുന്നു. കസേരയില് ഷാള് കൊണ്ട് കൈകള് കെട്ടിയിട്ട് മര്ദ്ദിച്ചു. കറിവച്ച ചൂടു പാത്രം ദീപികയുടെ മുഖത്ത് വയ്ക്കാന് പ്രതി ലോഹിത ശ്രമിച്ചു. തല വെട്ടിച്ച് മാറ്റിയതിനാല് കറിവീണ് ശരീര ഭാഗങ്ങള് പൊള്ളി. വീണ്ടും കറിപ്പാത്രം ചൂടാക്കി വസ്ത്രം മാറ്റി പൊള്ളിച്ചു. പൊള്ളലേറ്റ മുറിവില് പ്രതി ലോഹിത മുളകുപൊടി വിതറി. എന്നതടക്കം എഫ്ഐആറിലാണ് ക്രൂരതയുടെ വിവരങ്ങള് ഉള്ളത്..
ദീപികയുടെ അമ്മയെ ഫോണിലൂടെ ചീത്ത പറയുവാന് ലോഹിത ആവശ്യപ്പെട്ടു. ഇത് അനുസരിക്കാത്തതോടെയാണ് അക്രമം തുടങ്ങിയത്.
മെയ് 18ാം തിയതി 10 മണിയോടെ ദീപികയെ ഹോസ്റ്റല് മുറിയില് വച്ച് മൊബൈല് ഫോണ് ഉപയോഗിച്ച് ഇടിച്ചു. വേദനകൊണ്ട് നിലവിളിച്ച ദീപികയെ ബലമായി കസേരയിലിരുത്തി, കൈകള് ഷാളുപയോഗിച്ച് കെട്ടിവച്ചി. തക്കാളിക്കറി ഉണ്ടാക്കി വച്ചിരുന്ന പാത്രം മുഖത്ത് വയ്ക്കാന് ശ്രമിച്ചപ്പോള് ദീപിക മുഖം വെട്ടിച്ചു. ഇതോടെ കറി ശരീരത്തിന്റെ പല ഭാഗത്തും വീഴുകയായിരുന്നു. ഇതിന് പിന്നാലെ കറിപ്പാത്രം കൈത്തണ്ടയില് വച്ച് പൊള്ളിച്ചു.
ഇതിന് പിന്നാലെ പാത്രം വീണ്ടും ചൂടാക്കി കുത്തിപ്പിടിച്ച് ഇരുത്തി ധരിച്ചിരുന്ന ടീ ഷര്ട്ടിന്റെ പുറക് വശം പൊക്കി മുതുകത്ത് വച്ച് പൊള്ളിച്ചു. പൊള്ളലേറ്റ ഭാഗങ്ങളില് മുളക് പൊട് വാരിയിട്ട ശേഷം വീണ്ടും മര്ദ്ദിച്ചു. കെട്ടഴിച്ച് വിട്ടതോടെ ഉപദ്രവിക്കരുതെന്ന് കാലില് വീണ് അപേക്ഷിച്ചതോടെ മുഖത്ത് അടിക്കുകയും സംഭവം ആരോടെങ്കിലും പറഞ്ഞാല് കൊല്ലുമെന്ന് ഭീഷണിപ്പെടുത്തുകയും ചെയ്തുവെന്നാണ് എഫ്ഐആര് വിശദമാക്കുന്നത്. ഐപിസി 342 ( അന്യായ തടങ്കലില് വക്കല്) , 323 ( സ്വേച്ഛയാ ദേഹോപദ്രവമേല്പ്പിക്കല്), 324 ( ആയുധം കൊണ്ടുള്ള ദേഹോപദ്രവമേല്പ്പിക്കല്) , 326 എ (ആസിഡ് മുതലായവ ഉപയോഗിച്ച് ശരീരഭാഗങ്ങള്ക്ക് കോടോവൈകല്യമോ പൊള്ളലോ അംഗഭംഗമോ വൈരൂല്യമോ അവശതയോ ഉളവാക്കി സ്വേച്ഛയാ കഠിന ദേഹോപദ്രവം ഏല്പ്പിക്കല്)
328 ( വിഷം കൊണ്ടോ മറ്റോ ദേഹോപദ്രവമേല്പ്പിക്കല്), 506 ( ഭീഷണിപ്പെടുത്തിയുള്ള കുറ്റകരമായ ഭയപ്പെടുത്തല്) എന്നിവ അടക്കമുള്ള വകുപ്പുകളാണ് ലോഹിതയ്ക്കെതിരെ എഫ്ഐആറില് ചുമത്തിയിരിക്കുന്നത്. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
