കഷായത്തില് വിഷം കലര്ത്തി കാമുകന് ഷാരോണ് രാജിനെ കൊലപ്പെടുത്തിയ കേസിലെ ഒന്നാം പ്രതി ഗ്രീഷയുടെ ജാമ്യാപേക്ഷ തള്ളി...
കഷായത്തില് വിഷം കലര്ത്തി കാമുകന് ഷാരോണ് രാജിനെ കൊലപ്പെടുത്തിയ കേസിലെ ഒന്നാം പ്രതി ഗ്രീഷയുടെ ജാമ്യാപേക്ഷ തള്ളി. നെയ്യാറ്റിന്കര അഡീഷണല് സെഷന്സ് ജഡ്ജിയാണ് ഗ്രീഷ്മയുടെ ജാമ്യാപേക്ഷ തള്ളിയത്.
പ്രതിയെ കസ്റ്റഡിയില് വച്ച് തന്നെ ഉടന് വിചാരണ നടത്താന് നേരത്തെ കോടതി പ്രോസിക്യൂഷന് അനുമതി നല്കിയിട്ടുണ്ടായിരുന്നു. ഒന്നാം പ്രതിക്ക് ജാമ്യം ലഭിച്ചാല് സാക്ഷികളെ സ്വാധീനിക്കുമെന്നും വിചാരണയെ ബാധിക്കുമെന്നും പ്രോസിക്യൂഷന് കോടതിയില് വാദിക്കുകയുണ്ടായി.
ആത്മഹത്യാ പ്രവണതയുള്ള ഗ്രീഷ്മയെ ജാമ്യത്തില് വിട്ടാല് അപകടമാണെന്ന സ്പെഷ്യല് പബ്ലിക് പ്രോസിക്യൂട്ടറിന്റെ വാദം അംഗീകരിച്ചാണ് ജാമ്യാപേക്ഷ തള്ളിയിട്ടുള്ളത്.
കഴിഞ്ഞ വര്ഷം ഒക്ടോബര് 14നാണ് തമിഴ്നാട് പളുകലിലുള്ള വീട്ടില് വച്ച് ഗ്രീഷ്മ, ഷാരോണിന് കഷായത്തില് വിഷം കലക്കി നല്കുന്നത്. ശാരീരിക അസ്വാസ്ഥ്യതയുണ്ടായ ഷാരോണിനെ ആശുപത്രിയില് പ്രവേശിപ്പിക്കുകയും 25ന് മരണമടയുകയും ചെയ്തു.
"
https://www.facebook.com/Malayalivartha
