സ്പോണ്സര്ഷിപ്പ് എന്താണെന്ന് അറിയണമെങ്കില് അതിന്റെ അര്ത്ഥം അറിയണം;വെള്ളപൂശാനെത്തിയ എകെ ബാലന് എയറില്,ബക്കറ്റ് പിരിവിന് ഇറങ്ങീട്ട് മാനംകെട്ട വര്ത്താനം പറയല്ലെ,കിട്ടിയില്ലെങ്കില് കുത്തിപ്പിടിച്ച് വാങ്ങുന്ന ടീംസാണിവര്,ലോക കേരള സഭ ലോക കോമഡിയാകുന്നു
മലയാളികള് മനസ്സറിഞ്ഞ് നല്കുന്നു ഞങ്ങള് കൈനീട്ടി വാങ്ങുന്നു. അതില് എന്താണിത്ര തെറ്റ്. ലോക കേരളസഭയുടെ പേരിലുള്ള പണപ്പിരിവില് ന്യായീകരണവുമായ് എകെ ബാലന്. പിന്നെ ബക്കറ്റും കൊണ്ട് പ്രവാസികളുടെ മുന്നില് ചെന്ന് നിന്നിട്ട് കാശിടടോന്ന് പറയുന്നത് പോര മനസ്സറിഞ്ഞ് കൊടുക്കുന്നുവെന്ന്. ശ്രീരാമ കൃഷ്ണന്റെ ന്യായീകരണം ഇതിലും കേമം ആണ്.പണപ്പിരിവായി കാണേണ്ട, അമേരിക്കയില് നടക്കുന്ന സമ്മേളനത്തില് അമേരിക്കന് രീതി. എത്ര നല്ല ന്യീകരണം. ഇതൊക്കെ ഇവരേക്കൊണ്ട് മാത്രമേ സാധിക്കൂ. പിന്നെ ഒരു കാര്യം ഉണ്ട് പാര്ട്ടി സെക്രട്ടറി എംവി ഗോവിന്ദന് നടത്തിയ ജനകീയ പ്രതിരോധ ജാഥയ്ക്ക് പാവപ്പ്ടെടവന്റെ കൈയ്യില് നിന് വരെ കുത്തിപ്പിടിച്ച ടീംസ് ആണ്. അപ്പോള് പിന്നെ അമേരിക്കയിലെ പരിപാടിക്ക് പത്ത് കാശ് ഊറ്റാന് കിട്ടുന്ന അവസരം പാഴാക്കുമോ.
'ലോകകേരളസഭ പണപ്പിരിവില് തെറ്റില്ല'മലയാളികള് മനസ്സറിഞ്ഞ് സഹകരിക്കുന്നതില് എന്തിനാണ് അസൂയയെന്ന് എകെ ബാലന്. ഇവിടുന്ന് പണം എടുക്കാനും പറ്റില്ല, സ്പോണ്സര്ഷിപ്പ് വാങ്ങാനും പറ്റില്ല എന്നത് എന്ത് ന്യായമെന്നും സിപിഎം സംസ്ഥാന സെക്രട്ടേറിയേറ്റ് അംഗം. സ്പോണ്സര് എന്നുപറഞ്ഞാല് എന്താണെന്ന് ആദ്യം മനസ്സിലാക്കണം. സ്പോണ്സര്ഷിപ്പ് വാങ്ങുന്നതില് എന്താണ് തെറ്റ്?ഇപ്പോള് ആരോപണമുന്നയിക്കുന്ന ഇവരാരും ഇതിനുമുമ്പ് സ്പോണ്സര്ഷിപ്പ് വാങ്ങിയിട്ടില്ലേ ?വിവിധ രാജ്യങ്ങളിലെ മലയാളികളുടെ സംഗമമാണ് ലോക കേരള സഭ. മലയാളികള് മനസ്സറിഞ്ഞ് സഹകരിക്കുന്നതില് എന്തിനാണ് അസൂയ?പ്രവാസികളെ പ്രതിപക്ഷം അപമാനിച്ചില്ലേ?മുഖ്യമന്ത്രിയുടെയും സര്ക്കാരിന്റേയും ഇമേജ് ഉയര്ന്നിരിക്കുന്നു.ആരോപണങ്ങള് പ്രവാസികള് പുച്ഛിച്ചു തള്ളും.ഇത് പണം പിരിക്കുന്നതല്ല. സ്പോണ്സര്ഷിപ്പാണ്. ദുരുപയോഗം പരിശോധിക്കാന് ഓഡിറ്റ് ഉണ്ട്. ഇവിടുന്ന് പണം എടുക്കാനും പറ്റില്ല, സ്പോണ്സര്ഷിപ്പ് വാങ്ങാനും പറ്റില്ല എന്നത് എന്ത് ന്യായം. ലോക കേരള സഭ വിവാദത്തിന് പിന്നില് വയനാട് സഹകരണ ബാങ്ക് അഴിമതി. കെപിസിസി ജനറല് സെക്രട്ടറി അറസ്റ്റിലായത് മറികടക്കാന് വിവാദം ഉയര്ത്തുകയാണെന്നും അദ്ദേഹം കുറ്റപ്പെടുത്തി.
ലോകകേരള സഭയുടെ അമേരിക്കന് മേഖലാ സമ്മേളനത്തിലെ സ്പോണ്സര്ഷിപ്പ് പണപ്പിരിവുമായി മുന്നോട്ട് പോകാന് തന്നെയാണ് നോര്ക്കയുടെ തീരുമാനം. സ്പോണ്സര്ഷിപ്പ് അമേരിക്കന് രീതിയാണെന്നും പണം കണ്ടെത്താനാകാതെ പരിപാടി നടത്താനാകില്ലെന്നുമാണ് വിശദീകരണം. സര്ക്കാര് ഒന്നുമറിയില്ലെന്ന് ധനമന്ത്രി അടക്കം പറയുമ്പോള് നോര്ക്ക ഡയറക്ടറാണ് പരിപാടിയുടെ ചീഫ് കോര്ഡിനേറ്റര്. അതേ സമയം പ്രവാസികളെ പണത്തിന്റെ പേരില് തരംതിരിക്കുന്നുവെന്ന വിമര്ശനം ശക്തമാക്കുകയാണ് പ്രതിപക്ഷം. എട്ടിനാണ് മുഖ്യമന്ത്രിയുടെ നേതൃത്വത്തിലുള്ള സംഘം യുഎസിലേക്ക് യാത്ര തിരിക്കുക.
ലോക കേരള സഭയെന്ന പേരില് പ്രഹസനം മാത്രമാണ് കാണിക്കാന് പോകുന്നത്. ഇതുകൊണ്ട് എന്ത് നേട്ടമാണ് ഉണ്ടാകുന്നതെന്ന് ഈ സര്ക്കാര് ഒന്ന് വ്യക്തമാക്കിയാല് നന്നായിരുന്നു. പ്രവാസികള്ക്ക് എന്ത് ഗുണമാണ് ഇക്കാലം കൊണ്ട് ഉണ്ടായിരിക്കുന്നത്. പ്രവാസികലെ ഊറ്റിപ്പിഴിഞ്ഞ് പരിപാടി നടത്തുക ഇതൊക്കെ എവിടുത്തെ കമ്യൂണിസ്റ്റ് രീതിയാണ്. പിരിവ് നടത്താതെ ഇവര് എന്തെങ്കിലും പരിപാടി ഇതുവരെ നടത്തിയിട്ടുണ്ടോ. കമ്യൂണിസം എന്ന ആശയത്തിന്റെ അധപതനം ആണ് ഇതൊക്കെ. പരിപാടിയുടെ പേരില് എന്ത് പ്രഹസനം ആണ് കാണിക്കുന്നത്. പ്രവാസികളുടെ പണത്തിന്റെ അളന്ന് തിട്ടപ്പെടുത്തുന്നു. ഒരു ലക്ഷം ഡോളര്, അന്പതിനായിരം ഡോളര്, ഇരുപത്തയ്യായിരം ഡോളര് എന്നിങ്ങനെ തരംതിരിച്ച് പ്രവാസികളെ അപമാനിക്കുന്ന നെറികെട്ട പരിപാടിക്ക് പേര് ലോക കേരള സഭ. പിണറായി വിജയന് കേരളത്തിന്റെ മുഖ്യമന്ത്രിയാണ് പ്രവാസി മലയാളികളെ കാണാന് പോകുക അവരുടെ ക്ഷേമം അന്വേഷിക്കുക ഇതൊക്കെ അല്ലയോ മഹാനുഭാവ അങ്ങയുടെ ഉത്തരവാദിത്തം ആണ്. അല്ലാതെ അവര്ക്ക് വിലയിട്ട് നടത്തുന്ന ഈ പരിപാടി ഉണ്ടല്ലോ വെറും തരംതാണ ഏര്പ്പാടാണ്.
https://www.facebook.com/Malayalivartha
