പലതരത്തിലുള്ള പ്രതിഭാസങ്ങൾ പ്രകൃതിയിൽ നടക്കുന്നുണ്ട്. അതെല്ലാം എപ്പോഴും ജനങ്ങളെ അത്ഭുതപെടുത്താറുമുണ്ട്, ഇപ്പോഴും നമ്മുടെ പ്രകൃതിയിൽ നടക്കുന്ന മാറ്റങ്ങളെ പ്രവചിക്കാൻ പോലും സാധിക്കില്ല.മാറ്റങ്ങളെ കുറിച്ച് പഠിക്കുന്നവരും ഈ ലോകത്ത് ധാരാളമുണ്ട്. പക്ഷെ . മനുഷ്യ നിര്മിതമായി തന്നെ ഉണ്ടാകുന്ന പ്രതിഭാസങ്ങളും അനുഭവിക്കേണ്ടത് പാവം ജനങ്ങൾ തന്നെയാണ്. ഇപ്പോഴിതാ അത്തരത്തിൽ ആദ്യം അമ്പരപ്പും , ഭയവും , പിന്നീട് സത്യാവസ്ഥ എന്താണെന്ന് അറിഞ്ഞപ്പോഴുള്ള സംഭവങ്ങളെ കുറിച്ചാണ് പറയാൻ പോകുന്നത്. ഇത് നടന്നത് ജപ്പാനിലാണ്. ഒരു നിമിഷം ആരെയും നടുക്കുന്ന കാഴ്ചയാണ് ജപ്പാനിലെ ഒക്കിനാവാ തുറമുഖത്തിൽ സമീപവാസികൾ കാണുന്നത്. തുറമുഖം നിറയെ രക്തത്തിന്റെ നിറം കണ്ടായിരുന്നു പ്രദേശത്തുള്ളവർ കഴിഞ്ഞ ദിവസം ഉണർന്നത്. പെട്ടെന്നുണ്ടായ വെള്ളത്തിന്റെ നിറം മാറ്റം ജനങ്ങളിൽ പരിഭ്രാന്തി സൃഷ്ടിച്ചിരുന്നു.

പ്രകൃതിയിലെ വിചിത്ര പ്രതിഭാസമാണോ അല്ലെങ്കിൽ ജലജീവികൾ കൂട്ടത്തോടെ ചത്തൊടുങ്ങിയത് കൊണ്ടാണോ ഇത്തരത്തിൽ സംഭവിച്ചതെന്ന പല ചോദ്യങ്ങൾ ഉയർന്നു.സംഭവം എന്താണെന്ന് മനസിലാകാത്തതിനാൽ തന്നെ വെള്ളത്തിൽ തൊട്ട്‌നോക്കാൻ പോലും നാഗോ നഗരത്തിലെ ആളുകൾ ഭയപ്പെട്ടു. എന്നാൽ അധികം വൈകാതെ തന്നെ ആശങ്കൾ ഒഴിഞ്ഞു.ബിയർ ഫാക്ടറിയിൽ നിന്നുള്ള ലീക്കിന് പിന്നാലെ നിറം മാറി ഒരു തുറമുഖം. ജപ്പാനിലെ ഒകിനാവ തുറമുഖത്തോട് ചേർന്നുള്ള കടലിൻറെ നിറത്തിലാണ് മാറ്റമുണ്ടായത്.തെളിഞ്ഞ ജലത്തിന് ഏറെ പേരു കേട്ടിട്ടുള്ള നാഗോ നഗരത്തിനോട് ചേർന്നുള്ള കടൽ ജലത്തിൻറെ നിറമാണ് ചൊവ്വാഴ്ച മുതൽ ചുവക്കാൻ തുടങ്ങിയത്. ചെറിയ രീതിയിൽ പടർന്ന ചുവപ്പ് പതുക്കെ കടൽ തീരത്ത് മുഴുവനായി പടരുകയായിരുന്നു.കടുംചുവപ്പ് നിറത്തിലേക്ക് ജലം മാറിയതോടെ നഗരവാസികളും ആശങ്കയിലായി. തുടർന്ന് നടത്തിയ പരിശോധനയിലാണ് ജപ്പാനിലെ പ്രമുഖ ബിയർ നിർമ്മാണ ശാലയിലെ ലീക്കാണ് ജലത്തിൻറെ നിറം മാറ്റത്തിന് കാരണമെന്ന് കണ്ടെത്തിയത്. ബിയറിന് നിറം പകരുന്ന കെമിക്കലായിരുന്നു ഭീതിപ്പെടത്തിയ നിറം മാറ്റത്തിന് കാരണമായത്.

ഒറിയോൺ ബ്രൂവറീസ് എന്ന ബിയർ നിർമ്മാണ ശാലയിലെ കൂളിംഗ് സിസ്റ്റത്തിലുണ്ടായ തകരാറിന് പിന്നാലെ മഴവെള്ളം ഒഴുകി പോകാനായി ഉണ്ടാക്കിയ ചാലുകളിലൂടെ കളർ കടലിൽ കലരുകയായിരുന്നു. പ്രൊപിലൈൻ ഗ്ലൈകോൾ എന്ന കെമിക്കലാണ് ലീക്കായത്. ഇത് മൂലം ആരോഗ്യ പ്രശ്നങ്ങൾ ഉണ്ടാവില്ലെന്നാണ് ബിയർ കമ്പനി വാദിക്കുന്നത്. എങ്കിലും നാഗോ നഗരത്തിലെ ജനങ്ങൾക്ക് അപ്രതീക്ഷിതമായി ഉണ്ടായ ബുദ്ധിമുട്ടിൽ ബിയർ കമ്പനി ക്ഷമാപണം നടത്തിയിട്ടുണ്ട്.അമിതമായുള്ള ജലാംശത്തെ ആഗിരണം ചെയ്യുന്ന സ്വഭാവമുള്ളതാണ് ഈ കെമിക്കലെന്നാണ് കമ്പനി വിശദമാക്കുന്നത്. സംഭവത്തിൽ അന്വേഷണം പ്രഖ്യാപിച്ചതായി ഒറിയോൺ ബ്രൂവറീസ് പ്രസിഡൻറ് ഹജിമേ മുറാനോ മാധ്യമങ്ങളോട് വിശദമാക്കിയ ഭാവിയിൽ ഇത്തരം സംഭവങ്ങൾ ആവർത്തിക്കാതിരിക്കാനായിആവശ്യമായ നടപടികൾ സ്വീകരിക്കുമെന്നും ഹജിമേ മുറാനോ വ്യക്തമാക്കി. ഒകിനാവയിൽ ഏറെ പ്രശസ്തമാണ് ഓറിയോൺ ബ്രൂവറിയുടെ ബിയർ. ജപ്പാനിലെ മറ്റ് മേഖലയിലേക്ക് വലിയ രീതിയിലാണ് ഈ ബിയർ സ്വീകരിക്കപ്പെട്ടിട്ടുള്ളത്. സോഷ്യൽ മീഡിയയിൽ അടക്കം പ്രചരിക്കുന്ന ഈ ആകാശ ചിത്രം കാണുമ്പൊൾ രക്തം നിറഞ്ഞു കിടക്കുന്ന പോലെ തന്നെയാണ് നമ്മുക് ഒറ്റനോട്ടത്തിൽ മനസിലാവുന്നത്.