സംസ്ഥാനത്ത് അതിശക്തമായ മഴ ....എറണാകുളം ജില്ലയില് പ്രൊഫഷണല് കോളജുകള് അടക്കം എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി പ്രഖ്യാപിച്ച് ജില്ലാ കലക്ടര്.. ഇടുക്കി,കണ്ണൂര് ജില്ലകളില് റെഡ് അലര്ട്ട്... അഞ്ച് ദിവസം ശക്തമായ മഴ സാധ്യതയുണ്ടെന്ന മുന്നറിയിപ്പിന്റെ പശ്ചാത്തലത്തില് ജാഗ്രതാ നിര്ദ്ദേശങ്ങളുമായി മുഖ്യമന്ത്രിയും...
കനത്ത മഴ മുന്നറിയിപ്പ് നിലനില്ക്കുന്ന സാഹചര്യത്തില് എറണാകുളം ജില്ലയില് പ്രൊഫഷണല് കോളജുകള് അടക്കം എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി പ്രഖ്യാപിച്ച് ജില്ലാ കലക്ടര്.
അംഗനവാടികള്, കേന്ദ്രീയ വിദ്യാലയങ്ങള്, സ്റ്റേറ്റ്, സിബിഎസ്ഇ, ഐസിഎസ്ഇ സ്കൂളുകള് തുടങ്ങി എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകം.കണ്ണൂര്, ഇടുക്കി ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം ഒഴികെയുള്ള ജില്ലകളില് ഒറ്റപ്പെട്ട സ്ഥലങ്ങളില് അതിശക്തമായ മഴ പ്രവചിച്ചതോടെ, ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം ജില്ലകളില് യെല്ലോ അലര്ട്ട് പ്രഖ്യാപിച്ചു.
അഞ്ച് ദിവസം ശക്തമായ മഴ സാധ്യതയുണ്ടെന്ന മുന്നറിയിപ്പിന്റെ പശ്ചാത്തലത്തില് ജാഗ്രതാ നിര്ദ്ദേശങ്ങളുമായി മുഖ്യമന്ത്രിയും രംഗത്തെത്തി
. സംസ്ഥാനത്താകെ എല്ലാ ജില്ലകളിലും കണ്ട്രോള് റൂം തുറന്നിട്ടുണ്ട്.അടുത്ത അഞ്ച് ദിവസം സംസ്ഥാനത്ത് വ്യാപകമായ മഴക്കും ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും ചില ദിവസങ്ങളില് അതി തീവ്ര മഴയ്ക്കും സാധ്യതയുള്ളതായി കേന്ദ്ര കാലാവസ്ഥ വകുപ്പ് ഈ സാഹചര്യത്തില് വിവിധ ജില്ലകളില് റെഡ്, ഓറഞ്ച്, മഞ്ഞ അലേര്ട്ടുകള് പ്രഖ്യാപിച്ചിട്ടുണ്ട്.
പത്തനംതിട്ട, ആലപ്പുഴ, കോട്ടയം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഓറഞ്ച് അലേര്ട്ടും തിരുവനന്തപുരം, കൊല്ലം ജില്ലകളില് മഞ്ഞ അലേര്ട്ടുമാണ് പ്രഖ്യാപിച്ചു. മഴയുടെ തീവ്രത കണക്കിലെടുത്ത് ജില്ലാതല, താലൂക്ക് തല എമര്ജന്സി ഓപ്പറേഷന് സെന്ററുകള് 24 മണിക്കൂറും പ്രവര്ത്തിക്കണമെന്ന് നിര്ദേശം നല്കി.
വിവിധ വകുപ്പ് പ്രതിനിധികളെയും ദേശിയ ദുരന്ത പ്രതികരണ സേന പ്രതിനിധികളെയും ഉള്പ്പെടുത്തി സംസ്ഥാന എമര്ജന്സി ഓപ്പറേഷന് സെന്റര് പ്രവര്ത്തനമാരംഭിച്ചു. ദേശിയ ദുരന്ത പ്രതികരണ സേനയുടെ 7 സംഘങ്ങളെ ഇടുക്കി, പത്തനംതിട്ട , മലപ്പുറം, വയനാട്, കോഴിക്കോട്, ആലപ്പുഴ,തൃശൂര് എന്നി ജില്ലകളില് അടിയന്തിര ഘട്ടങ്ങളില് ഉപയോഗിക്കാനായി സജ്ജമാക്കി.
തെക്കന് മഹാരാഷ്ട്ര തീരം മുതല് കേരളത്തീരം വരെ തീരദേശ ന്യൂനമര്ദ്ദ പാത്തിയും തെക്കു കിഴക്കന് ബംഗാള് ഉള്ക്കടലിന്റെ തെക്കുപടിഞ്ഞാറന് ഭാഗത്തും സമീപ്രദേശങ്ങളിലും ചക്രവാതച്ചുഴിയും നിലനില്ക്കുന്നതിനാല് കേരളത്തില് അടുത്ത അഞ്ചുദിവസം വ്യാപക മഴയാണ് പ്രവചിക്കുന്നത്.
അതിശക്തമായ മഴയ്ക്കുള്ള സാധ്യത കണക്കിലെടുത്ത് അധികൃതരുടെ നിര്ദേശങ്ങള് അനുസരിച്ച് മാറിത്താമസിക്കേണ്ട സാഹചര്യം ഉണ്ടായാല് അതിനോട് സഹകരിക്കേണ്ടതാണെന്ന് കേരള ദുരന്ത നിവാരണ അതോറിറ്റിയുടെ മുന്നറിയിപ്പില് പറയുന്നു.
https://www.facebook.com/Malayalivartha
