കാലം തെറ്റിയ കാലവര്ഷം... സംസ്ഥാനത്ത് ശക്തമായ മഴ തുടരുന്നു; മലപ്പുറത്ത് മിന്നല് ചുഴലി, കടലില് കുടുങ്ങി മത്സ്യബന്ധന ബോട്ട്, ഒഴുക്കില് പെട്ട് യുവാവിനെ കാണാതായി;11 ജില്ലകളില് വ്യാഴാഴ്ച അവധി; എംജി സര്വകലാശാല പരീക്ഷകള് മാറ്റി
കാലം തെറ്റിവന്ന കാലവര്ഷത്തില് വലഞ്ഞ് കേരളം. സംസ്ഥാനത്ത് കനത്ത മഴയില് വ്യാപക നാശനഷ്ടം. പാലക്കാട് ജില്ലയില് 12 വീടുകള് ഭാഗികമായി തകര്ന്നു. കഴിഞ്ഞ 24 മണിക്കൂറിനിടെ 12 വീടുകള്ക്ക് ഭാഗികമായും ചിറ്റൂര് താലൂക്കില് ഒരു വീടിന് പൂര്ണമായും നാശനഷ്ടം സംഭവിച്ചതായി അധികൃതര് അറിയിച്ചു. അതേസമയം, കോഴിക്കോട് ചാലിയത്ത് നിന്ന് കടലില് പോയ മത്സ്യബന്ധന ബോട്ട് കടലില് കുടുങ്ങി. അതിനിടെ, മലപ്പുറത്ത് മിന്നല് ചുഴലിയടിച്ചു. മൂന്നു മിനിട്ടോളാം നീണ്ടു നിന്ന അതി ശക്തമായ കാറ്റാണ് വീശിയടിച്ചത്. മലപ്പുറം കൊണ്ടോട്ടി ഒമാനൂരിലെ കൊടക്കാടാണ് അതി ശക്തമായ കാറ്റ് വീശി അടിച്ചത്. കോഴിക്കോട് ഒഴുക്കില് പെട്ട് യുവാവിനെ കാണാതായി.
കനത്ത മഴയെത്തുടര്ന്ന് 11 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് കലക്ടര്മാര് വ്യാഴാഴ്ച അവധി പ്രഖ്യാപിച്ചു. ആലപ്പുഴ, എറണാകുളം, തൃശൂര്, ഇടുക്കി, പാലക്കാട്, കാസര്കോട്, കോട്ടയം, കോഴിക്കോട്, കണ്ണൂര്, പത്തനംതിട്ട, കൊല്ലം ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി. മുന്നിശ്ചയിച്ച പരീക്ഷകള്ക്കു അവധി ബാധകമല്ല. മലപ്പുറത്ത് പൊന്നാനി താലൂക്കിനും അവധി പ്രഖ്യാപിച്ചു. എംജി സര്വകലാശാല വ്യാഴാഴ്ചത്തെ പരീക്ഷകള് മാറ്റിവച്ചു. പുതുക്കിയ തീയതി പിന്നീട് അറിയിക്കും.
പത്തനംതിട്ട ജില്ലയിലെ അങ്കണവാടികള് മുതല് പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും കലക്ടര് അവധി പ്രഖ്യാപിച്ചു. മുന്നിശ്ചയിച്ച പൊതുപരീക്ഷകള്ക്ക് മാറ്റമില്ല.
ആലപ്പുഴ ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കുമെന്നു കലക്ടര് അറിയിച്ചു. നേരത്തെ കുട്ടനാട് താലൂക്കിനു മാത്രമാണ് അവധി പ്രഖ്യാപിച്ചത്. രാത്രി കാറ്റും മഴയും ശക്തമായതോടെയാണ് തീരുമാനത്തില് മാറ്റമുണ്ടായത്. മുന് നിശ്ചയിച്ച പ്രകാരമുള്ള പരീക്ഷകള്ക്കു മാറ്റമില്ല.
കൊല്ലം ജില്ലയിലെ അംഗന്വാടികള്, പ്രൊഫഷണല് കോളേജുകള് ഉള്പ്പെടെ ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച അവധി പ്രഖ്യാപിച്ചു. മുന് നിശ്ചയിച്ച പൊതു പരീക്ഷകള്ക്ക് മാറ്റം ഉണ്ടാകില്ല.
എറണാകുളം ജില്ലയിലെ ജില്ലയിലെ പ്രഫഷനല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച അവധി പ്രഖ്യാപിച്ചു. അങ്കണവാടികള്, കേന്ദ്രീയ വിദ്യാലയങ്ങള്, സ്റ്റേറ്റ്, സിബിഎസ്ഇ, ഐസിഎസ്ഇ സ്കൂളുകള് തുടങ്ങി എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
തൃശൂര് ജില്ലയില് എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച (ജൂലൈ 6) കലക്ടര് അവധി പ്രഖ്യാപിച്ചു. പരീക്ഷകള്ക്കു മാറ്റമില്ല.
ഇടുക്കി ജില്ലയിലെ പ്രഫഷനല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച അവധി.
ശക്തമായ മഴ തുടരുന്ന സാഹചര്യത്തില് പാലക്കാട് ജില്ലയില് പ്രഫഷനല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച അവധി പ്രഖ്യാപിച്ചതായി ജില്ലാ കലക്ടര് അറിയിച്ചു. അങ്കണവാടികള്ക്കും സ്വകാര്യ ട്യൂഷന് സെന്ററുകള്ക്കും അവധി ബാധകമാണ്.
കനത്ത മഴ തുടരുന്നതിനാല് കാസര്കോട് ജില്ലയില് പ്രഫഷനല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും കലക്ടര് വ്യാഴാഴ്ച അവധി പ്രഖ്യാപിച്ചു.
അതിശക്തമായ മഴ തുടരുന്ന സാഹചര്യത്തില് കോട്ടയം ജില്ലയിലെ പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വ്യഴാഴ്ച അവധി പ്രഖ്യാപിച്ച് ഉത്തരവായി. അങ്കണവാടികള്, ഐസിഎസ്ഇ / സിബിഎസ്ഇ ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് അവധി ബാധകമാണ്. മുന് നിശ്ചയിച്ച പൊതുപരീക്ഷകള്ക്ക് അവധി ബാധകമല്ല.
കണ്ണൂര് ജില്ലയില് കാലവര്ഷം അതിതീവ്രമായിക്കൊണ്ടിരിക്കുന്ന സാഹചര്യത്തില് ജില്ലയിലെ പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും (അങ്കണവാടി, ഐസിഎസ്ഇ, സിബിഎസ്ഇ സ്കൂളുകള്, മദ്രസകള് എന്നിവയടക്കം) ജൂലൈ ആറ് വ്യാഴാഴ്ച ജില്ലാ കലക്ടര് അവധി പ്രഖ്യാപിച്ചു. അവധി മൂലം നഷ്ടപ്പെട്ടന്ന പഠന സമയം ക്രമീകരിക്കുന്നതിനു ബന്ധപ്പെട്ട വിദ്യാഭ്യാസ സ്ഥാപന മേധാവികള് നടപടികള് സ്വീകരിക്കേണ്ടതാണെന്നും വിദ്യാര്ഥികളെ മഴക്കെടുതിയില്നിന്ന് അകറ്റി നിര്ത്തുന്നതിനുള്ള നിര്ദേശങ്ങള് നല്കേണ്ടതാണും കലക്ടറുടെ അറിയിപ്പില് പറയുന്നു. ജൂലൈ ആറിന് നടത്താനിരുന്ന സര്വകലാശാല / പിഎസ്സി പരീക്ഷകള്ക്ക് മാറ്റമുണ്ടായിരിക്കുന്നതല്ല.
മലപ്പുറം ജില്ലയില് പൊന്നാനി താലൂക്കിലെ പ്രഫഷനല് കോളജുകള് അടക്കം എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച അവധി. സര്വകലാശാല, പിഎസ്സി പരീക്ഷകള്ക്കു മാറ്റമില്ല.
https://www.facebook.com/Malayalivartha
